|
|
Бүген кемнәр туган
|
|
Архив
|
04.08.2016 Киңәш-табыш
Үлән чагып, үлә күрмәгезРеспубликада борщевик дигән әшәке үлән көннән-көн ныграк үрчи икән һәм бу халыкның сәламәтлегенә, алай гына да түгел, гомеренә куркыныч тудыра башлаган. Россельхознадзорның ТР буенча идарәсе шундый мәгълүмат китерде. Белгечләр аңлатуынча, вегетация, ягъни үсеп җитлегү чорында әлеге үсемлекнең яфракларында, сабагында һәм җимешендә агулы матдәләр туплана. Кешенең тән тиресе борщевикка тисә, әлеге матдәләр тирене пешереп ала. Кайбер очракларда тире бик тирән пешеп, кеше хәтта үләргә дә мөмкин. Соңгы елларда борщевик Татарстандагы кырларда-болыннарда тәмам баш бәласенә әйләнгән һәм аны һич кенә дә бетереп булмый икән. Шуңа күрә Россельхознадзор гражданнарга сак булырга киңәш итә.
Сүз уңаеннан. Бу җәйдә Казанда черкиләр бик аз. Алар урамда да әллә ни борчымыйлар, дачада да талап интектермиләр, өйгә дә кермиләр. Баксаң, быел черкиләрнең личинкаларын шактый иртә – 25 майда ук агулый башлаганнар икән. Бүтән елларда исә бу эшне гадәттә 3 июньнән соң гына башкарганнар.
--- |
Иң күп укылган
|