поиск новостей
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
  • 13.04 Яратам! Бетте-китте! Тинчурин театры, 17:00
  • 14.04 Полиционер. Тинчурин театры, 17:00
Бүген кемнәр туган
  • 29 Март
  • Шәкүр - җырчы
  • Рөстәм Абязов - дирижер
  • Илфат Фәйзрахманов - журналист
  • Мөхәммәт Сабиров (1932-2015) - дәүләт эшлеклесе
  • Айгөл Хәйри - җырчы
  • Ринат Хәйретдинов - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
14.07.2016 Милләт

Кәләпүш җене кагылган Дамир Хәйри бәйрәмнәргә ни өчен йөри?

– Нижгарга Сабантуйга барасыңдыр бит?! – дип Дамир абый Хәйри шылтыратты. Әй тынгысыз да кеше инде. 16 июльдә булачак федераль Сабантуйга җыенган икән. Шушы көннәрдә җитмеш яшен тутыра дип уйламассың да. Бер ай элек Ульян өлкә­сенең Иске Кулаткы районында булган бөтенроссия татар авыллары Сабан туена барган иде ул. Болгар җыен­нарын да калдырганы юк.

Тамаша кылып, рәхәт чигеп йөрер өчен түгел, милли-дини бәйрәмнәргә килүче­ләргә түбәтәй-калфак, камзул сатарга бара ул. Кәләпүш җене ике ел элек кагылды аңа. Хәзерге вакытта ун төрле түбәтәй, калфак, яулык тегәләр. Ир-атлар, хатын-кызлар өчен өйдә намаз укыганда кия торган яулык-күлмәкләр, камзул тегә башлауларына бер ел чамасы. “Күп булмаса да, аларга да сорау бар. Гадәттә кеше бер-берсен­нән күреп кызыга. Әле менә бер агай үзенә камзул тек­тергән иде. Ошатты да туганнарына, кодаларына, дусларына тегәргә заказ бирде. Быел Сабантуйда намаз киемнәрен, тезгә сала торган тастымалларны, мил­­ли ашъяулыкларны шак­тый күп сатып алдылар”, – ди ул.
 
“Дамир Хәйринең хәй­рия фонды” дип моннан дистә ел элек язып чыккан идем мин әлеге “Тәкбир” ислам хәйрия фондының эшчәнлеге турында. Шул вакыттан бирле тәкбир­леләрнең эшчән­леген даими күзәтеп, яктыртып барам. Элек эшчеләр, аерым алганда, умартачылар өчен эш киемнәре текте алар.
 
Хәзер  мөселман кием-салы­мына ихтыяҗ артканын күреп, шул эшкә алындылар. Табигый, хәй­рияче дип аталгансың икән, хәл кадәри мохтаҗ­ларга ярдәм итү ләзем. Булышлык итү өчен керем булырга тиеш. Менә шушы те­гүчеләр хезмәтеннән һәм Тукай урамы, 5нче йорт адресында теркәлгән ике бинаны арендага бирүдән җыела алар­ның кереме. Болар – “Хәләл ризык” кибете, хәләл кафе, чәчта­рашханә тотучылар, пәрдә-чаршау сатучылар, итек-читек, өс киемнәрен ямап-җөйләп-төзәтеп би­рү­че­ләр. Төрле тәкъдим­нәр бе­лән килү­челәр булган, әм­ма ислам шәри­гатенә каршы килми торган эш белән шөгыль­ләнүчеләргә генә урын табылган. Шунысы кызык: өс киемнәрен тө­зәтүче остага килүчеләр аеруча күп икән. Инвалидларга ярты бәя­сенә төзәт­сә, мохтаҗ­лар­дан бөтенләй акча алып тормый икән оста. Монда шуны да әйтү кирәктер: җәмгыятебездә аеруча яклаучысыз саналучы сукбайлар еш мөрә­җәгать итә икән “Тәкбир”гә. Тәкбирле­ләр менә дистә елдан артык инде халыктан киелгән кием­нәр кабул итеп, аларны мохтаҗларга тарата. Мәчетләрдән, сукбайларга ярдәм итүче оешмалардан да кием сорап мөрәҗәгать итүчеләр шактый күп икән. Гаҗәп түгел: сукбайлар юып, ямап кия алмый бит. Шөкер, былтыр ТР мө­сел­маннары Диния нәза­рәтенең янәшәдә, Тукай урамы, 3нче йорт адресында урнашкан “Зәкят” оешмасы да халыктан киелгән кием җыя башлаган.
 
– Тегү эшен тагын да киңәйтер, алты-җиде түгел, егерме кешегә эш урыны булдырыр идек тә бит, хәзер тегүче табу бик кыен, – ди Дамир абый, киләчәктә эшне тагын да колачлырак оештырып булмыймы дип кызыксынгач. Бу хәлнең берничә сәбәбен атады ул. Беренчедән, батырып-ба­сы­лып сигез сәгать эш­ләргә теләүчеләр аз. Икен­чедән, хәзер яшь инвалидларны (биредә ишет­мәүче, сөй­ләшә алмаучы алты инвалид хатын-кыз эшли) тегү эшенә өйрәтүче училище юк икән. Әнә июнь аенда тегүчеләр 15 меңнән 34 мең сумга кадәр хезмәт хакы алган.
 
Кияве Ринат, дистә елдан артык ятакка бәйле булганга,  инвалидларның хә­лен бик яхшы белә Дамир абый. Эссе көндә суга чумам дип умыртка сөяген сындырган булган икән Ринат. Кая гына алып барып дәвалап карамаганнар аны. Барыбер файдасы тимәгән, табиблар аякка бастыра алмаган. Шөкер, төшенке­лек­кә бирелмәгән ул. Бер бармагы эшли башлаган. Хәзер, шуны эшкә җигеп, компьютерны үзләштергән. Башы яхшы эшләгәч, сайтлар ясап, бераз акча эшли башлаган, бабасында җитеш­терелгән тауарларны интернетта рек­ламалауга ке­решкән. “Киявем мөстә­кыйль утыра, ашый алмый. Барыбер хә­рәкәтләнергә тырыша. Хә­рәкәтләнгәч, Аллаһы Тә­галә аңа бәрәкәт бирә.
 
Кайбе­рәүләр яхшы гына йөреп торып та, пособие акчасына, такы-токы яшәүгә риза булып, беркая да эшкә урнашырга те­ләми”, – дип аптырый бабай кеше.
 
“Тәкбир”гә ярдәм сорап төрле кеше килә. Кем­неңдер дару алырга яки дәваланырга акчасы җитми. Кемдер коммуналь хезмәт күрсәткәннәре өчен айлык чыгымнарны түли алмый. Инвалидлыкны раслаучы документ, табибтан юллама  булса, чыгымнарны капларга тырыша алар. Әйтик, күптән түгел генә Свердловск өлкәсеннән Лаеш районына күчеп кайтырга теләүче милләттәшләребез мөрәҗәгать иткән. Кайтып белешүен белешкәннәр. Әмма берничә көн тоткарлангач, кайтыр юлга акчалары калмаган. Әлеге ирле-хатынлы парга алты мең сум табып биргән тәкбир­леләр. Гадәттә өч меңнән биш мең сумга кадәр ярдәм күрсәтә алар. Менә шундый гадәттән тыш хәлләр дә килеп чыга.
 
Акчалата гына түгел киңәш белән ярдәм итү дә мөһим бу дөньяда. “Юридик белем алган бер егет килгән иде. Эшкә урнаша алмый икән. Сораштыра торгач, бертуган апасының судта секретарь булып эшләвен белдем. Шунда курьер булып булса да эшкә урнаш, тора-бара юл ачылыр, шулай эшкә кереп китәрсең, дип киңәш иттем. Бераздан шунда үз белгечлеге буенча эшкә урнашты.  Кешегә юл күрсә­тер­гә, әз генә этәреп җибәрергә кирәк”, – дип аңлата ул. Шулай юрист белеме алып эшкә урнаша алмаучы берничә егет килгән аңа. Һәрберсенә ярдәм иткән. Әйтик, бер яшь егет янына юрист булып урнашып, ярты ел эшләгән дә, тәҗрибә туп­лагач, яхшырак, күбрәк хезмәт хакы түләүче табып, китеп барган.
 
– Дөньяда бер нәрсә дә очраклы түгел. Минем фамилиям генә түгел, исемем Дамир да гарәп телендә ярдәм күрсәтүче, аңлы кешене аңлата. Тәкъдиремдә шулай язылган: мин кеше­ләргә ярдәм итеп яшәргә тиеш. Дөрес, кешегә сайлау мөмкинлеге бирелгән. Кеше яманын да, яхшысын да сайлап алырга мөмкин. Һәрхәлдә кеше туры юлдан барырга, ислам кануннары кушканча яшәргә тиеш, – дип исәпли ул үзе.
 
Киләчәккә нинди ни­ятләр бар, дип тә сораштырдым аңардан. “Хәзер яшьләр дә мөселман өс кием­нәре кия башлады. Бәйрәмнәрдә, көнкүрештә кия торганнарын да сорыйлар. Күбрәк тә тегәр идек. Кирәкле тукымага – киндергә, бәзгә бездә кытлык. Чапан-җилән сораучылар да шактый. Төньяк Кавказ түбәтәйләрен сораучылар да бар. Эзләнергә, туктап калмаска кирәк (түбәтәй турында сүз чыккач, миңа шунысы яңалык булды: җилем ясаганда төрле хайван сөяге файдаланыла дип, кәләпүш теккәндә җи­лем кулланмыйлар икән биредә)”,– дип сөйләде Дамир әфәнде.  
 
– Яше җитмеш, эше бетмеш, дип әйтә төрекләр. Аяк бөкләп, намазлык өс­тен­дә утырырга вакыт түгелме икән, дип тә төрт­тердем  мин аңа саубуллашыр алдыннан. “Нинди ял ди ул?! Каядыр китеп атна-ун көн ял иткәнем юк. Бүген миндә уналты кеше эшли. Дөресрәге, алар миңа, мин аларга эшлим. Бу биналарны алып төзек­лән­де­рүемә дистә еллап вакыт узды. Җитмеш яшем тулу уңа­еннан шәһәр мэры  Илсур Метшин тәбрикләү хаты юлласа да, әлеге биналар һаман минем исемгә күче­релмәгән, “Тәкбир” милке булып рәсми­ләш­терел­мәгән. Шулай булгач ничек тыныч күңел белән ял итү турында уйларга мөм­кин?!” – дип җавап бирде ул әлеге соравыма.
 
“Татнефть”, ТАИФ, “Таттелеком” кебек дистәләгән хәйрия ярдәме күрсәтүче атаклы оешма-ширкәтләр бар. Шундый куәтле шир­кәтләр исемлегендә халыкка аеруча якын торган, яклаучысы булмаган гади хезмәт кешесен, гарип-гораба мән­фәгатен якыннан белеп-тоеп торучы менә шундый тәк­бирлеләр дә яшәп ята. “Банклар, эре ширкәтләр безнең кебек хәйрия фондлары белән багланышта торса, гади халыкның ничек яшә­веннән яхшырак хәбәр­дар булыр иде”, –  ди Дамир Хәйретдинов.

Рәшит МИНҺАҖ
Ватаным Татарстан
№ --- | 13.07.2016
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»