|
|
Бүген кемнәр туган
|
|
Архив
|
13.07.2016 Медицина
Җитди гариплек булган очракта балаларга инвалидлык озаграк срокка биреләчәкМедицина-социаль экспертиза федераль бюросы (МСЭ), җитди гариплек булган очракта, балалар өчен инвалидлык чорын озайтырга тәкъдим итә дип белдерде федераль бюро җитәкчесе урынбасары Сергей Козлов "Россия сегодня" агентлыгында матбугат конференциясендә. "Федераль бюро белән бергә РФ Хезмәт һәм социаль яклау министрлыгы әзерләгән тәкъдим, авырулар исемлеге буенча фикер алышалар. Хәзер гариплек буенча инвалид бала категориясе бер-ике елга яки 18 яшькәчә бирелә. Без шикәр авыруы, гади формадагы фенилкетонурия булганда, ел саен йөрмәсеннәр өчен, 14 яшькәчә инвалидлык бирергә дип тәкъдим иттек.", - дип белдерде Козлов.
Стилла һәм Даун авырулары, шулай ук берничә җитди гариплек нәтиҗәсендә ирене һәм аңкавы чатнау буенча күп тапкыр операцияләр ясалганда, сулыш-чәйнәү функцияләре нык бозылган очракта, инвалидлык биш яшьтән 14 яшькәчә бирелә.
"Фенилкетонуриянең авыр формасы һәм Даун авыруы булганда, инвалидлыкны 18 яшькәчә бирергә кирәк, чөнки берни дә үзгәрмәячәк, ә ата-аналар һәм пациентлар өчен дәвалау-профилактика учреждениеләрендә кабат йөрү кыенга туры килә", - дип белдерде Козлов.
Гөлүзә ВАСИЛОВА |
Иң күп укылган
|