|
|
Бүген кемнәр туган
|
|
Архив
|
01.06.2016 Криминал
Владивосток мэры тоткарланып, Мәскәүгә китерелгән – ММЧВладивосток мэры Игорь Пушкарев тоткарланып, Мәскәүгә китерелгән. Бу хакта төбәкнең хокук саклау органнарындагы чыганагына сылтама белән “Интерфакс” хәбәр итә. “Пушкарев чәршәмбегә каршы төндә тоткарланып, ашыгыч төстә Мәскәүгә китерелә. Кайбер мәгълүматлар буенча, ул сак астына алынган”, - дип сөйләгән чыганак, тоткарлауның сәбәбен тәгаенләмичә. Әлегә бу мәгълүмат рәсми рәвештә расланмаган. Башка чыганакка сылтама белән хәбәр ителгәнчә, Федераль Куркынычсызлык Хезмәтенең шушы төбәк буенча хезмәткәрләре иртән шәһәр администрациясендә тентү үткәргән.
Шәһәр башлыгын тоткарлау һәм мэриядә тентүләр уздыру турындагы мәгълүмат Приморье крае көч структураларында рәсми рәвештә расланмаган. Мэриядәге түрәләр я сөйләшүдән баш тарта, я аларга бу хәлләр турында берни билгеле түгеллеген әйтә, дип белдерә “Интерфакс”.
ТАСС хәбәр иткәнчә, мэриядә шәһәр башлыгын Мәскәүгә җибәрү фактын расламыйлар. “Мэр үзенең эш урынында”, - дип ышандырганнар матбугат хезмәтендә һәм Владивосток администрациясендә тентү уздыру фактын шәрехләргә риза булмаганнар.
Шул ук вакытта, җирле ММЧ үз чыганакларына сылтама белән мэрга карата РФ Җинаять кодексының 285 нче маддәсе (вазифаи вәкаләтләрдән законсыз файдалану) буенча җинаять эше кузгатылганы турында хәбәр итә.
Җирле ММЧ Пушкаревның шәһәр читендәге йортында тентүләр үткәрелүе турында мәгълүмат бирә.
--- |
Иң күп укылган
|