19.05.2016 Матбугат

"Бәллүр каләм" җиңүчеләрен бүләкләделәр. Машина Лия Заһидуллинага китте (ФОТО, ВИДЕО)

Матбугат көнендә Татарстан Журналистлар берлеге һәм «Татмедиа» Республика матбугат һәм массакүләм коммуникацияләр агентлыгы тарафыннан үткәрелә торган «Бәллүр каләм» – «Хрустальное перо» XIX конкурсы җиңүчеләрен бүләкләделәр.

Гран-при иясе булып быел «Татарстан» ДТРК БДТРК ФДУП филиалының милли тапшырулар бүлеге җитәкчесе Лия Заһидуллина танылды. Аңа төп бүләк – машинаны Татарстан Премьер-министры Илдар Халиков тапшырды. "Мин инде 39 ел машина йөртәм, ә быел икенче машина алырга җыенган идем, менә бит - бәхет елмайды!" – дип шатлыгын уртаклашты җиңүче.

Рамил Гыйльванов фотосы

Башка номинациядә җиңүчеләр:

“ТРның шәһәр һәм район массакүләм мәгълүмат чарасы”:

- «Әлмәт таңнары» газетасы (Әлмәт районы);

- «Эфир-24» телекомпаниясе (Казан);

"Темасы — җирле, осталыгы башкалача":

- Айгөл Әхмәтшина, «Нократ» («Вятка») (Мамадыш районы);

- Евгения Исаева, «РЕН ТВ – Набережные Челны» (Яр Чаллы);

- Гөлназ Зарипова, «Авыл офыклары» (Балык Бистәсе районы);

“Медиапроект”:

- ФГУП ВГТРК ГТРК «Татарстан» (Казан).

“Объектив аша караш”:

- Рамил Гыйльванов, «События недели» газетасы (Казан).

“Туган тел”:

- Лилия Вәлеева, «Бельгийская Федерация русскоязычных организаций» интернет-сайты (Бельгия);

“Журналистикада исем”:

- Ирина Мушкина, «Республика Татарстан» газетасы (Казан);

- Наил Шарифуллин, «Ватаным Татарстан» газетасы (Казан);

- Ринат Юзаев, «Яңа Гасыр» телерадиокомпаниясе (Казан).

«Массакүләм мәгълүмат чаралары белән нәтиҗәле хезмәттәшлек»:

- Зөлфия Шәрипова, «Сетевая компания» (Казан).

“Россия Федерациясендә әдәбият елы”:

- Зөлфия Гыйльметдинова, «Болгар радиосы» (Казан);

- Полина Кастрицкая, «Казан» телекомпаниясе (Казан);

“Татарстан Республикасында парклар һәм скверлар елы”.

- Вероника Бастылева, «Луч» телекомпаниясе (Әлмәт районы);

- «Сөембикә» журналы (Казан).

“Һөнәргә тугрылык”.

- Константин Куранов, «Эфир» телекомпаниясе (Казан);

- Римма Фәттахова.

Шулай ук "Бәллүр каләм" бәйгесе кысаларында ел дәвамында журналистлар "теленнән төшмәгән" шәхесне билгеләп үтү гадәте бар. Жюри әгъзалары медиа киңлектә һәрчак яңалыклары белән уртаклашкан, аның турында язган-сөйләгән кешегә дә статуэтка тапшыралар. Быел бу номинациядә Татарстанның сәламәтлек саклау министры Гадел Вафин җиңү яулады.

Рамил Гыйльванов фотосы.

---
Интертат.ру
№ --- | 19.05.2016