|
|
Бүген кемнәр туган
|
|
Архив
|
20.04.2016 Фаҗига
Татарстанда үз-үзенә кул салган 14 яшьлек егет беренчел имтиханнарны бирә алмаган - ТР Мәгариф һәм фән министрлыгыТатарстанда үз-үзенә кул салган 14 яшьлек үсмер рус теле һәм математикадан төп дәүләт имтиханнарын бирә алмаган. Бу хакта бүген "Татар-информ" МА хәбәрчесенә ТР мәгариф һәм фән министры урынбасары Лариса Сулима хәбәр итте. Искәртеп үтик, алдан хәбәр иткәнчә, Татарстанның Кукмара районы Балыклы авылында 14 яшьлек укучының үз-үзенә кул салу факты буенча тикшерү башланган. Үсмер 15 апрельгә каршы төндә үз гаиләсе яши торган йортның печәнлегендә гомерен өзгән. «Акцент» хокук саклау оешмасы ачыклык керткәнчә, укучы бала, педагоглар басым ясавы нәтиҗәсендә, үзенә кул салырга мөмкин.
Агентлык әңгәмәдәше сүзләренчә, һәр шундый фаҗигале хәлдән соң балигъ булмаганнар эше буенча ашыгыч рәвештә комиссия җыела. Кагыйдә буларак, фаҗигадән соң 9 көн узганнан соң урынга республиканың "Росток" медицина-психология үзәге белгечләре бара. Алар ата-анага, укытучыларга һәм сыйныфташларына психологик ярдәм күрсәтә. Лариса Сулима хәбәр иткәнчә, һәлакәт урынында муниципаль комиссия эшли, тикшерү-оператив төркеме, авыл җирлеге башлыгы һ.б. килгән.
Агентлык әңгәмәдәше сүзләренә караганда, үсмернең асылынган булуы ачыкланды. Укучы һәрвакыттагыча мәктәптән кайткан, әбисе соравы буенча кибеткә барып килгән, ә аннары ишегалдына чыккан. Әтисе эштән кайткач аны сарайда асылынган килеш тапкан. Бернинди дә язу табылмаган.
"Фаҗига ата-ананы, укытучыларны һәм сыйныфташларын да тетрәндергән, - дип сөйләде министр урынбасары. - Бала үзен шикле тотмаган".
Аның мәгълүматлары буенча февраль уртасында үсмер медосмотр узган, барлык белгечләр, шул исәптә психолог нәтиҗәләре буенча сәламәт булган. Укучы бала имин гаиләдә яшәгән, учетта тормаган. Әмма ул "өч"ле билгеләренә укыган. Күптән түгел математика һәм рус теле буенча беренчел имтиханнарны бирә алмаган.
"Укучы малайның гаиләсе ведомствоара, мәктәптә учетта тормаган. Бу вазгыять стандарт түгел", - дип ассызыклады Сулима. Аның сүзләренчә, "Акцент" та раслауларынча, укуытучылар һәм завуч белән ниндидер низаг булуы турында мәгълүмат юк.
ТР Мәгариф һәм фән министрлыгы үсмерләрнең үз-үзләренә кул салу вазгыятьләре өчен нык борчыла, диде Лариса Сулима. Ул шулай ук ата-аналарны балалардан югары баллар һәм яхшы билгеләр таләп итеп басым ясамаска чакырды.
Кристина ИВАНОВА |
Иң күп укылган
|