|
|
Бүген кемнәр туган
|
|
Архив
|
05.04.2016 Шоу-бизнес
Татарда бүген берьюлы 3 продюсер туган көн (ФОТО)Бүген 5 апрельдә "ТНВ" продюсеры Миләүшә Айтуганова, продюсер Илфак Шиһапов һәм "Аксу" продюсерлык үзәге җитәкчесе Рөстәм Сәрвәров туган көннәрен билгеләп үтә. «Яңа гасыр» телевидениесе генераль директоры урынбасары – генераль продюсер, данлыклы "Ак чәчәкләр" фильмының продюсеры Миләүшә Ләбиб кызы Айтуганова Казанда туган. Татар телевидениесенең әйдәп баручы лидеры, каналдагы бөтен татар телепроектларының “әнисе”. Ул – тапшыруны идеясеннән алып эфирга чыкканчыга кадәр “җитәкләп” бара торган кеше. Дистәләгән журналистның остазы, хезмәттәшләренә – идея чыганагы, үз хезмәтенә гаять дәрәҗәдә бирелгән кеше. Журналист, бик күп популяр җырлар авторы, продюсер, эзтабар-тарихчы Илфак Шиһаповны Татарстанда белмәгән кеше юктыр. Хәтта татарлар сибелеп яшәгән чит төбәкләрдә дә бу егетне мактау сүзләре белән генә телгә алалар. Сәрвәров Рөстәм Мөхәммәтдин улы 1960 нчы елда Ташлыяр авылында туган. Урта мәктәпне тәмамлагач, Казанга килә һәм радиотехника техникумына укырга керә. Казан музыка училищесының халык бүлеген тәмамлый. 80 нче еллар азагында «Казан кызы» дигән вокал — инструменталь ансамбль оештыра. Хәзерге вакытта ”Аксу” тавыш яздыру студиясен җитәкли. Җырлар иҗат итә һәм үзе үк башкара да.
--- |
Иң күп укылган
|