|
|
Бүген кемнәр туган
|
|
Архив
|
29.03.2016 Сәясәт
Марат Әхмәтов Дәүләт Думасына китү-китмәве хакында аңлатма бирдеБүген “Татар-информ” МА Леонид Толчинский уздырган матбугат конференциясендә катнашкан ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов, РФ Дәүләт Думасына китү-китмәвенә бәйле сорауга җавап биргәндә, бу турыда хыялланмавын белдерде. “Әлегә праймериз узасы бар, анда Татарстан Президенты йөкләмәсе буенча Хөкүмәттән 10 лап әгъза катнаша − бу безнең өчен халыкның ышанычын күрсәтә торган сынау”, - диде ул.
Министр праймеризны беренче тапкыр гына узмавын, моңа кадәр рейтингының яхшы булуын да ассызыклады. “Әлегә очрашулар уздырабыз, иртәгә, мисал өчен, мин Алексеевск районы халкы белән очрашачакмын. Аннан соң дебатлар үткәреләчәк. Мин Дәүләт Думасына бару турында хыялланмыйм. Берәүне дә көч кулланып анда җибәрмиләр. Вакыты килеп җиткәч, тиешле сайлауны ясарбыз”, - дигән аңлатма бирде Марат Әхмәтов бу уңайдан.
Лилия ЛОКМАНОВА |
Иң күп укылган
|