|
|
Бүген кемнәр туган
|
|
Архив
|
02.03.2016 Криминал
Татарстанда 6 айлык сабыйның үлеме буенча җинаять эше кузгатылганРоссия Тикшерү комитетының ТР буенча тикшерү идарәсе тарафыннан Балтач районы хастаханәсеннән Казанга авыр хәлдә китерелгән 6 айлык сабыйның үлеме буенча җинаять эше кузгатылган. Тикшерү идарәсеннән хәбәр итүләренчә, эш РФ Җинаять кодексының 109нчы маддәсенең 2нче өлеше буенча (“Затның һөнәри вазифаларын тиешле дәрәҗәдә башкармавы нәтҗиҗәсендә, саксызлык белән үлемгә китерү”) кузгатылган. Алдан хәбәр ителгәнчә, быел 6 гыйнвар төнендә Балтач үзәк хастаханәсеннән Казанга Республика балалар клиник хастаханәсенә авыр хәлдәге нарасый китерелә. Берничә сәгатьтән ул җан бирә.
Алдан тупланган белешмәләр буенча, 5 гыйнвар кичендә Балтач үзәк хастаханәсенә Карадуган авылында яшәүче хатын-кыз, 6 айлык баласының хәле начарлану сәбәпле, мөрәҗәгать итә. Сабыйны дежур педиатр караганнан соң, аны Казанга хастаханәгә җибәрү турында карарга киләләр. Шул ук вакытта ашыгыч медицина ярдәме машинасы сәламәтлек саклау учреждениесенә мөрәҗәгать итеп, берничә сәгать үткәннән соң гына юлга чыга. Машина тагын 2 сәгать буе Республика балалар клиник хастаханәсенә бара. Бу вакытка баланы көзән җыера башлый, һәм, медицина ярдәме күрсәтүгә кармастан, нарасый җан тәслим кыла.
Хәзерге вакытта суд-медицина экспертизасы билгеләнгән. Моннан тыш, медицина хезмәткәрләре гамәлләренә юридик бәя бирү максатыннан, ТР Сәламәтлек саклау министрлыгында һәм Сәламәтлек саклау өлкәсендә күзәтчелек буенча федераль хезмәтнең ТР буенча территориаль органында тикшерүләр үткәрелә. Шулай ук фаҗиганең нечкәлекләрен ачыклауга юнәлтелгән башка чаралар уздырыла.
Җинаять эшен тикшерү дәвам итә.
--- |
Иң күп укылган
|