Фирдүс Тямаев ни өчен "Татар җыры"нда катнашмаска булган?

- Юк, ачуым килми, киресенчә, җырласын! Башка җырларымны башкарса да, каршы килмим. Җыр - үзе бер тарих, ул яшәргә тиеш. Хәзер бик күп яшь җырчылар Салават абыйның элеккеге җырларын җырлый. Кем генә башкарса да, без ул җырларның Салават Фәтхетдиновныкы икәнен беләбез. "Әнкәмнең догалары" дигәч, Салават диләр, "Сайра, әйдә, сандугач" дип әйтүгә дә, Тямаев диләр! Минем җырымны башкаралар икән, димәк, ул җыр популяр. Радикка килгәндә, без аның белән күптәннән дуслар. Ул үз юлын тапкан, яраткан эше белән шөгыльләнә. Яшьләрне үзенә җыя, гөрләп иҗат итә. Хәзер хәтта дискотекаларга да яшьләр аның концертына килгән кебек агылып килми. Яшьләргә кызык, чөнки концерты дискотека форматында уза.

 

 

- Катнашмаска дигән фикергә килгән идем дә, ахыр чиктә күндерделәр. Сүз дә юк, дәрәҗәле кунаклар алдында чыгыш ясау - зур мәртәбә. Ул - елга нәтиҗә ясаучы зур тантана. Ләкин миңа калса, бу чарага җылылык җитеп бетми. Артистлар арасында аралашу, матур сүзләр, теләкләр әйтү. Мин шәхсән бу фестивальгә алга таба үстерү юнәлешендә берәр яңалык кертер идем.

 

 

- Әлегә билгеле түгел, эзлибез, сайлыйбыз, чөнки рус радиоларына җыр бирү бик кыйбатка төшә. Дөрес булса, рус телендә эшләүче бер популяр радио бер айга 1 миллион сум сорый...