|
|
Бүген кемнәр туган
|
|
Архив
|
18.12.2015 Җәмгыять
Чаллыда батырларча үлгән малайның гаиләсенә ике фатир бүләк ителгәнСадыйковлар гаиләсенә икенче фатир бирелгән. Аларның 12 яшьлек уллары Данил Садыйков 2012 елда фонтанга егылып төшкән баланы коткарган вакытта вафат булган иде. 2012 елның 5 маенда булган фаҗига әле күпләрнең хтерендәдер. Фонтанга егелып төшкән 9 яшьлек Андрей Чурбановны коткарырга теләп, Данил Садыйков та суга сикерә. Менә шул вакытта малайларның икесен дә ток суга. Авыр хәлдә булган Андрейның гомерен саклап кала алсалар, Данилның гомере өзелә. Үлеменнән соң аны Батырлык ордены белән бүләкләделәр. Ә гаепле табылган "Горзеленхоз" хезмәткәрләрен шартлы рәвештә өч елга ирекләреннән мәхрүм иттеләр.
Әлеге хәлләрдән соң берничә ай вакыт узу белән ТР Дәүләт торак фонды Садыйковлар гаиләсенә көнкүреш җиһазлар белән 69,3 квадрат метр мәйданлы өч бүлмәле фатир тапшырды. Гаиләдә тагын бер бала тугач, аларга бушка тагын бер бүлмәле фатир бирелгән.
Моннан тыш, шушы еллар эчендә Татарстан Тикшрү идарәсе Садыйковлар гаиләсенең яңа ел каникулларына Мәскәүгә сәяхәтен, шифаханә һәм медицина үзәгендә дәвалануны да оештырган.
Сүз уңаеннан: Данил укыган 9 нчы мәктәп хәзер батыр малай исемен йөртә.
--- |
Иң күп укылган
|