|
|
Бүген кемнәр туган
|
|
Архив
|
14.12.2015 Язмыш
“Әтиле тормыш рәхәтен күрмәдек” язмасына кайтавазБу мәкаләне мин “matbugat.ru” сайтындагы “Бердәмлек” сәхифәләреннән табып алдым. “Әтиле тормыш рәхәтен күрмәдек” дип аталган язмада Роза ханым Шәйхетдинова-Гарипова үзенең авыр балачагы, әтисе Мөхсиннең Днепр елгасы янындагы каты сугышларның берсендә батырларча һәлак булуы, ә аның хатыны Рәхбәриянең колхоз эшендә эшләп, иреннән калган бердән-бер кадерле истәлеге – кызы Розаны карарга да вакыты булмавы турында укыгач, бик тәэсирләндем. Минем әти дә бит сугыш кырында ятып калган батыр кеше, шуңа күрә Роза ханымның халәтен бик яхшы аңлыйм.
Мөхсин Шәйхетдинов турында күбрәк белергә теләп, интернеттагы “Подвиг народа” (podvignaroda.mil.ru) сайтына кереп, аның турында күп мәгълүмат таптым. 1913 елда туган красноармеец Шайхутдинов Мухасим (гафу итегез, документта шулай язылган) Эшче-крестьян Кызыл армиясе сафларына (РККА) 1940 елда Куйбышев өлкәсе, Камышлы районыннан алына. Хезмәт итү урыны "7омпомб СтепФ, 2 УкрФ", дип язылган. Сугыш барышында ул Кызыл Байрак һәм Кызыл Йолдыз орденнары, III дәрәҗә Богдан Хмельницкий, I һәм II дәрәҗә Бөек Ватан сугышы орденнары, “За отвагу”, “За боевые заслуги” медальләре белән бүләкләнгән.
Командиры язган донесениедә мондый сүзләр бар: “Шайхутдинов Мухасим в батальоне с первых дней Отечественной войны. На Белгородско-Харьковском направлении личной отвагой увлекал на успешное выполнение задач по переправке наших войск. Особо отличился при форсировании реки Днепр в районе села Карпенки. Под интенсивным артиллерийским огнем противника в составе понтонного расчета отлично справился со своими обязанностями по сборке мостового парома. Без отдыха и сна он в течение трех суток нес боевую вахту на переправе. Состоя в комендантском наряде по содержанию наплавного моста через реку Днепр 28.09.1943 года оставался на боевом посту якорного. При налете вражеской авиации осколком первых сброшенных вражескими пикировщиками были пробиты понтоны. Красноармеец Шайхутдинов, сняв свое обмундирование, устраняет течь понтонов, стараясь спасти мост от затопления. Но последующие бомбы постигли его на боевом посту. Он умер смертью героя, не покинув боевую вахту без приказа командира”.
Роза ханым, Сез әтиегез белән горурлана аласыз. Сугыш кырында моның кадәр орден-медальләр алучылар бик сирәк. Исән кайткан булса, аны Герой дәрәҗәсендә йөртерләр иде. Ләкин батыр әтиләребез үз-үзләрен сакламаганнар шул.
Роза ханым, сез хәрби комиссариатка барып, әтиегезнең сугышчан орден-медальләрен эзләтә аласыз. Оборона министрлыгының үзәк архивындагы до¬ку¬ментларының номерларын һәм элект¬рон почтам адресын “Бердәмлек” редакциясенә хәбәр иттем. Авылыгызда яисә мәктәбегездә музей булса, ул документларны шунда биреп саклау яхшырак булыр.
Рәфгать ЗАРИПОВ.
--- |
Иң күп укылган
|