|
|
Бүген кемнәр туган
|
|
Архив
|
08.12.2015 Криминал
Татарстанда полиция ут ачып тракторчы артыннан куган (ВИДЕО)Казанның Себер тракты буенча исерек тракторчыны юл хәрәкәте иминлеге дәүләт инспекциясе хезмәткәрләренең ут ачып кууына урамда кибеттән кайтып баручы ир-егет шаһит булган. Ул әлеге видеоны "ВКонтакте" челтәренә урнаштырган да инде. Берничә көннән әлеге хәлнең тулы сәбәпләре ачыкланды. Баксаң, Биектау районының 17 яшьлек үсмер егете, сорамыйча өйдән тракторны алып чыгып, Казанга киткән. Бу хакта Эчке эшләр министрлыгының матбугат хезмәте хәбәр итә. ЮХИДИ хезмәтенең туктарга кушуын егет тыңламый. Кисәтү максатыннан инспектор һавага атарга мәҗбүр була. "КамАЗ" автомобиле белән кистергәннән соң гына, "шумахер"ны тоткарлыйлар. Барлыгы егет тракторында 15 км юл үтә.
Полиция бүлегендә егетнең балигъ булмаганлыгы, алай гына түгел, исерек икәнлеге дә ачыклана. Хәзер аңа суд каршында җавап тотарга туры киләчәк.
--- |
Иң күп укылган
|