Казанда Һидаят Солтановны искә алачаклар

Артист хакында:

 

Солтанов Һидаят Айниятулла улы 1915 елның 30 ноябрендә Татарстанның Чүп­рә­ле ра­йо­ны Та­тар Убие авы­лын­да туа. 1937 ел­да Та­тар те­атр тех­ни­ку­мын тә­мам­ла­гач, Таш­кент та­тар те­ат­рын­да, 1940 ел­да Яңа­выл те­ат­рын­да артист булып эш­ли. 1940 ел­ның сен­тяб­рен­нән 1946 ел­ның ок­тяб­ре­нә ка­дәр — хәр­би хез­мәт­тә, Ва­тан су­гы­шын­да. 1947 ел­да — Та­тар ака­де­мия те­ат­ры ар­тис­ты. 

 

Ярты гасыр дәвамында татар театр сәнгатенә тугры хезмәт итеп, ул татар, рус һәм чит ил классикасы спектакльләрендә йөздән артык образ тудырган.  М.Фәйзинең “Галиябану” спектаклендә Исмәгыйль, Н.Исәнбәтнең “Миркәй белән Айсылу” спектаклендә Гыйният, К.Тинчуринның “Зәңгәр шәл”ендә Җиһанша, Г.Ибраһимовның “Тирән тамырлар” спектаклендә Вәли Хәсәнов, Б.Горбатовның “Бер төн”ендә Богатырев, К.Симоновның “Көннәр һәм төннәр” спектаклендә Бабченко, Т.Миңнуллинның “Монда тудык, монда үстек”  – Газизов, “Әлдермештән Әлмәндәр” спектаклендә Евстигней  образлары аның иќат биографиясендә генә түгел, татар театр сәнгате тарихы битләрендә дә күренекле урын алган гүзәл образлар булды.