Алсу Хәсәнова премиясе – хатын-кыз журналист исемен йөрткән беренче премия булачак

Аның  авыр чир белән кө­рәшүе, күңелен төшермәве генә дә ни тора! Хәле әйбәт вакытларда командировкаларга чыгып китте, проблемалы материаллар язды. Кеше хәлен үзе аркылы үткәрә иде ул. Авылдашлары – игезәк балаларны Фин­ляндиягә җибәреп дәвалауны да янып-җилкенеп оештырып йөр­де. Аның белән бергә юлга чыгучылар исә моңлы җырларын, шаянлыгын, мәзәкләрен сагынып, яратып искә ала.

 

Күптән түгел әнисе Минзифа апа Алсу исемендәге премия булдыру тәкъдиме белән чыкты. Әлеге фикерне журналист халкы – “Ватаным Татарстан”, “Мәга­риф”, “Идел” редакцияләре, “ТАТ­МЕДИА” АҖ генераль директоры урынбасары Сөмбел Таишева күтәреп алды. Бу төркем Татарстан Журналистлар берлеге рәисе Римма Ратникова белән очрашып, аңа премия булдыру тәкъдимен җиткерделәр. “Алсу исемендәге премияне булдыру – хәзерге көндә бик әһәмиятле проект булачак. Без бу идеяне хуплыйбыз”, – диде Римма ханым.

 

Шулай итеп, ел саен татар телендә иҗат итүче ике яшь журналист әлеге премия белән бүләкләнәчәк. Премиянең оештыручылары – Татарстан Журналистлар берлеге, “Ватаным Татарстан” газетасы, “Идел” журналы булачак. Сүз уңаеннан, Алсу Хәсәнова премиясе – хатын-кыз журналист исемен йөрткән беренче премия булачак.