Татарстанда мәктәп укучысын урлый язган билгесез ир-атны эзлиләр (БИЛГЕЛӘРЕ)

Бу вакытта баланың тавышын узып баручы икенче бер ир-ат ишетә һәм шул тарафка балага ярдәмгә ашыга. Шул вакыт җинаять кылырга теләүче кызны җибәрә һәм автомобильгә утырып кача.

 

Әлеге факт буенча Россия Тикшерү комитетының ТР буенча идарәсе Казан шәһәре Вахитов районы буенча тикшерү бүлегендә РФ Җинаять кодексының 30 нчы маддәсенең 3 нче часте, 126 нчы маддәнең 2 нче частенда (балигъ булмаган кызны урлап качарга теләү) каралган җинаять билгеләре буенча җинаять эше кузгатылган.

 

Җинаять кылырга теләгән ир-атны тоткарлауга юнәлдерелгән тикшерү гамәлләре һәм оператив-эзләү чаралары уздырыла. Җинаять эшен тикшерү дәвам иттерелә.

Ир-ат билгеләре: карап торышка 35 яшь, күзләре зәңгәрсу, уң як битендә күз кырында кечкенә миңе, сул яктан борыннан биткә таба нечкә яра эзе бар. Борыны бераз кәкре, кашлары коңгырт.

 

Кара-зәңгәр сызыклы башлыкта булган, битенә кара төстәге шарф ураган, кара куртка кигән, курткасында өске кесәләре каплавычлы, аста – кисеп ясалган кесәләр. Җилкәсе кырыенда – зәңгәр сызыклар. Куе зәңгәр төстәге джинс чалбар кигән. Аяк киеме ялтырап торган, лак белән капланган булырга мөмкин. Беләзегендә эчке яктан “Z” хәрефе рәвешендә татуировка бар.

 

Җинаятьче утырып качкан автомобиль куе кызыл төстә, номерның беренче саны “4”, “А” хәрефе бар.

 

Бу адәм турында нинди дә булса мәгълүматка ия гражданнарның кичекмәстән 258-48-10, 02 телефоны буенча шалтыруты сорала. Бу хакта Россия Тикшерү комитетының ТР буенча идарәсе җитәкчесенең өлкән ярдәмчесе хәбәр итә.