поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
07.11.2015 Ир белән хатын

"Ватаным Татарстан"да танышу игъланнарын редакцияләүче журналист шул ук игъланнардан тормыш иптәше тапкан

Газетабызда корректор булып эшләүче Фәния Фәизованың ул вакытта “Гаилә” сәхифәсен алып барган чагы. Журна­лист­ның кулына: “Югары белемле, озын буйлы, сабыр, бакча эшләрен яратам, аерылган. Акыллы татар хатыны белән танышырга телим”, – дигән белдерү килеп эләгә. Тукта, бу күрше йортларның берсендә яшәүче ир түгелме соң? Өстәвенә яше дә, холкы да күңелгә ятышлы.

Хезмәттәшебезнең Якуб бе­лән танышып, гаилә коруы “Кайда син, насыйп ярым?” ди­гән сәхи­фәдән башлана. Ул үзенә гомерлек яр эзләгән ирне редакциягә чакыра. Аның холкы белән кызыксына. Аңа туры килгән кызлар исемлеген тәкъдим итә. Соңын­нан, үзе дә: “Мин кияүдә түгел”, дип төрт­тереп куя. Килеш-кил­бәте, эшлекле кыяфәте, холкы бе­лән нәкъ менә Фәния теләгән кешегә охшаган бит ул! Аралаша торгач, Якубны башка кызлар түгел, яучы үзе кызыксындыра башлый. Фәнияне ул кафега чакыра. Берничә очрашудан соң никах укытып, гаилә корып җи­бәрәләр. Нигә вакытны сузарга? Икесенең дә тормыш тәҗ­ри­бәсе бар, бер мәр­тәбә инде авызлары пеш­кән. Узгандагы хаталарны кабатларга ярамаганлыгын да бе­ләләр. Бала-чагалар түгел, ике­сенең дә яше кырыктан узган.

– Якубка кияүгә чыккач, мин бөтенләй үзгәрдем. Баштарак тиз үпкәли, кешеләргә дә катырак бәрелә торган булсам, хәзер инде бу гадәтем юкка чыкты. Тәкәб­бер­лек дигән нәр­сә белән әллә кая китеп булмый. Бер-береңне аң­лап, ка­дерләп яшәүгә ни җитә! Яраткан кешеңне ничек бар шулай кабул итәргә, аны үзгәртергә тырышмаска кирәк, – ди Фәния ха­ным, тормышына шөкер итеп.

“Якуб мактаганны ярата. Шуңа күрә тәмле телемне кызганмыйм. Бер-беребезгә “матурым”, “алтыным” дип дәшәбез. Тормыш бул­гач, төрлесе була. Ниндидер ки­сәтү ясаган очракта каршы әйт­мичә генә тыңлап торам. Беркайчан да сүз көрәш­термим хәзер. “Мин сине яратам” дигән сүзләр­не дә жәлләмим. Тормыш барысына да өйрәтә. Сигез ел яшәү дәверендә бер-бере­безнең холкын аңлап бетердек инде. Аның әнисен, туганнарын да хөрмәт итәм. Бу да арабызны җылыта”, – ди Фәния ханым.

“Бу – минем кешем!” Якуб та, Фәния дә бер-берсе турында шулай дип әйтә. Әйтерсең, алар бер-берсен күптән эзләгәннәр. Тик бу бәхетле көннәргә си­кәлтәле юллар, Ходай биргән сынаулар аша килергә кирәк булган. Хәзер алар яратуның да кадерен яхшырак аңлыйлар. Шактый билгеле бер банкның капиталь төзелеш бү­легендә баш белгеч булып эш­ләүче Якуб өчен хатынын эштән ашарга пешереп көтүнең бернинди авырлыгы да юк. Берьюлы өч төрле ризык әзерли икән. “Ашарга пешерергә онытып та барам бугай инде”, – ди иркә хатын. Ире гөлләр тәрбияләү, бакчачылык эшен дә ярата икән. Фәния исә буш вакытында тәр­җемә эше белән шөгыль­ләнә. Алар гаилә­сендә таләпләр кую, “минеке-синеке” дигән нәрсә юк. Фәниягә инженер ирен аңлау авыр түгел. Ул үзе дә – төгәл фәннәр белән шө­гыльләнгән, 17 ел мәктәптә математика укыткан кеше бит. Әгәр язмышы башка төрле борылыш алмаган булса, гомере Буа райо­нының Яңа Чәч­кап мәктәбендә авыл укытучысы булып узар иде. Ма­тематикның хата чүпләп утыруы гаҗәпме?! Авылдан киткәч, Казандагы гим­назия­ләрнең бер­сенә эшкә урнаша ул. “Авылда балалар белем алу өчен азмы-күпме тырыша иде әле. Шәһәрнекеләргә исә белем түгел, яхшы билге кирәк. Ә мин лаек булмаганнарга ялган билге куя алмыйм. Әти-әниләрдән акча җыюны да кү­ңелем кабул итә алмады. Шуңа күрә мәктәптән ки­тәргә булдым”, – ди элекеге укытучы.

Ике дистә елга якын укытучы булып эшләсә дә, күңелендә туган телебезгә хезмәт итү, иҗат белән шөгыльләнү теләге көчле була аның. Ләкин ре­дакциядә эшләү хыялы, ерактагы йолдыз сыман, гел үзенә тартып тора. Шуңа да җәйге каникул вакытында “Мә­гариф” нәшриятында корректор булып үзен сынап карый. Аңа башка нәшриятта да эш тәкъ­дим итәләр. “Ватаным Татарстан” га­зетасында исә хезмәт юлын сәркатип булып башлый. Бу вакытта мәдәният темасына мә­каләләр язгалый. Каләменең осталыгын күреп, баш мө­хәр­рир Миңназыйм абый Сәфәров аны бүлектә эш­ләргә чакыра. Берничә елдан Фәния корректорлык эшенә күчә. “Телнең сафлыгы өчен борчылам. Әгәр газетада берәр хата китсә, йокым кача, тамагымнан ризык үтми, бик нык газапланам”, – ди ул эше турында. Без дә Фә­ниябезнең язмаларыбыздан хата табарга яратканын бе­ләбез. Аны яратып кына “өтер патшасы” дип йөртү­че­ләр дә бар. Гөнаһ шомлыгына, ул эш­ләгән көнне хаталар да еш табыла! Бу бит – аның тел язмышы турында борчылуы. Бу көннәрдә Фәния Фәи­зова үзе­нең 50 яшьлек юбилеен бил­геләп үтә. Без аңа гаилә ныклыгы, сәламәт­лек, кү­ңел тынычлыгы телибез. Таләп­чән булса да, яратабыз үзен.

Хезмәттәшебез иҗат иткән шигырьләр

Бәхетемә күрә

Телгәләнгән мәле иде җанның,
Тилерүгә җиткән бер мәле.
Нишләр идем?.. Бәхетемә күрә,
Ярый сиңа юлыктым әле.

Ни булса, шул, диеп, кан саркыган
Йөрәгемне салдым учыңа.
Һәр сулышың – шифа, һич үкенмим,
Рәхмәт кенә укыйм мин сиңа.

Һәлакәттән мине коткардың син,
Фикерләремне дә үзгәрттең.
Төзәлмәсләр, дигән яраларны
Назларыңа төреп төзәттең.

Телгәләнгән мәле иде җанның...
Ярый әле сиңа юлыкканмын!

Бирешмәбез әле!

Көтмәгәндә берәр сәбәп чыгып,
Яшәвеңнең яме җуелса,
Әгәр Җирдә сине аңлар кеше
Калмагандыр, сыман тоелса,
Искә төшер мине! Кул сузармын,
Аударам, дип иссә көчле җил.
Икәү булгач, бирешмәбез әле,
Чакырып ал яки үзең кил.

Кара сөрем булып, минем җанны
Өметсезлек биләп алганда,
Бөтен дөнья миннән йөз чөергән,
Уралгандай булса ялганга,
Белеп торам кулың сузасыңны
Уем сиңа барып җитүгә.
Икәү булгач, бирешәбезме соң
Җил-давыллар артка этүгә!

Җибәрмә!

Синең белән тату булган чакта
Мин таулар күчерер көч табам.
Бер кырын карасаң, тормышның
Мәгънәсе югала – хәл яман.

Эзләгәнем син булгансың икән,
Парым бит син минем, тиңем дә.
Беркайчан да ятка бирмә, яме,
Өздереп: «Минеке!» – диген дә.

Янәшәңдә калыйм гомерлеккә,
Кирәк булыйм, читкә тибәрмә.
Йә берәр юләрлек эшләрмен –
Үзеңнән беркая җибәрмә!

Җаным

Аяз көнне яшен яшьнәттең бит!
Әллә чынлап әйттең, әллә ялгыш?
Шуннан бирле күңелемдә йөри
“Җаным“, - дигән бер ягымлы тавыш.

Көтмәгәндә шалтыраттың да син,
“Җаным“, – диеп дәштең миңа. Җаным...
Сихерләгән шул кадерле сүзне
Ишетәсе килә тагын, тагын!

Бары бер сүз юкса, назлы бер сүз...
Кайдан алган икән шундый көчне?
Ничек юрарга да белми йөрим
Шул ук төнне сине күргән төшне.

Әни үлгәч

Салкын чардуганга ябыштым да
Басып торам каберең янында.
Әйтелмичә калган җылы сүзләр
Һич тынгылык бирми җаныма.

Соң шул инде, әни, бәгырькәем,
Ишетмисең хәзер берсен дә.
Бездән аерып, куенына алган
Кара туфрак әнә өстеңдә.

Кичерсәнә, диеп, өзгәләнеп,
Үкенүләргә юк ла чик-чама.
Битне генә түгел, җанны өтеп,
Күзләремнән кайнар яшь тама.


Сәрия МИФТАХОВА
Ватаным Татарстан
№ 168 | 06.11.2015
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»