ЛӘЗЗӘТ АЛУ ӨЧЕН 10 МИНУТ ТА ҖИТӘ

Гаиләдә балалар тугач, кайбер чакта ир белән хатын арасында аңлашылмаучылыклар барлыкка килә. Ир-атка игътибар, наз азрак эләгә башлый - бала мәнфәгатьләре аныкына караганда өстенрәк күрелә, интим мөнәсәбәтләр дә еш кына икенче планга күчә. Һәм бу, гадәттә, ир белән хатын арасында киртә барлыкка китерә. Нәтиҗәдә, гаилә җимерелүе ихтимал. Моны булдырмас өчен сөйгәнегезгә игътибарны жәлләмәгез. 10 минут яки 2 көн - буш вакытыгыз күпме генә булмасын, сез һәрчак теләгәнегезгә ирешә аласыз.

10 минут

Сезнең сөйгәнегез командировкага китә, чакырткан такси 10 минуттан килергә тиеш. Тиз секс та чын ләззәт китерергә мөмкин. Әмма хатын-кызның күбесе 20 минут назлардан соң гына тәэсирләнеп китә. Димәк, тиз секс вакытында да, бу өлешне һич кенә дә бөтенләй  төшереп калдырырга ярамый.

1 сәгать

Улыгыз урамда футбол уйный, кызыгыз биюгә китте. Мәхәббәт белән шөгыльләнү өчен сезнең 60 минутыгыз бар. Бер сәгать бик озак кебек тоелса да, бер генә минутны да югалтырга ярамый. Хисләр уяту өчен вакыт табыгыз. Бу очракта афродизиаклар сезгә ярдәмгә килә ала. Әйтик, лаванда яки ваниль сайларга була – алар хатын-кызның да, ир-атның сексуаль тәэсирләнүенә  яхшы йогынты ясый. Исле шәмнәр яндырыгыз яки мендәрләргә берничә тамчы ислемай тамызыгыз. Төс шулай ук шарм өсти ала. Куе кызыл, куе зәңгәр һәм шәмәһә төсләр бүлмәгә сексуаль энергия белән баетыр. Лампага төсле шарф каплагыз, яки утны караватка таба юнәлтегез. Аннары 20 минутыгызны үбешүгә багышлагыз. Алар секска романтика өстәр һәм сездә назлы хисләр һәм кабатланмас эмоцияләр уятыр.

5 сәгать

Балалар мәктәптә. Ә ирегез эшен өйгә алган. Тиз арада йокы бүлмәсенә күчәргә ашыкмагыз. Башта анда тылсымлы һәм кызыктыргыч дөнья тудырыгыз. Пәрдәләрне ябыгыз, идәнгә мендәрләр куегыз, бүлмәне шәмнәр белән бизәгез. Эмоция һәм хисләргә ирек бирегез, шәраб ачыгыз. Бер-берегезнең күзен томалап бәйләгез – бу сезнең ишетү, сизү һәм тактиль тоемлауларыгызны үстерәчәк. Экспериментларга омтылмагыз – партнерыгызга секс алдыннан мөмкин кадәр күбрәк назлар бүләк итегез.

24 сәгать

Сезнең буш көнегез килеп чыкты.  Балалар өйдә юк. Бу вакыт аралыгын онытылмаслык итегез. Сексуаль киеренке атмосфера тудыру өчен мендәрләп алып сугышудан башлагыз. Бу шаярту түгел – уйнагыз, бер-берегезне кытыклап алыгыз, шул ук вакытта үбешергә дә онытмагыз – бу бик тә тәэсирләндерә. Мондый уеннар тестестерон дәрәҗәсен үстерә, кан йөрешен яхшырта. Кайнарлангач һәм аргач озак иркәләүләргә күчегез.Түземлегегез соңгы чигенә җиткәч, яңа позаны сынап карагыз. Аны гамәлдә дөрес башкаруга ирешү өчен вакытыгыз җитәрлек.

48 сәгать

Ял көннәре җитте. Балалар әби-бабайларына китте. Бер-берегезгә игътибар юнәлтергә вакыт.   Бераз иркәләнеп алырга да була. Яраткан романтик фильм геройлары булып кыланыгыз һәм интим сценаларны уйнагыз. Яки үзегез бу геройларны уйлап табыгыз, аларга исемнәр кушыгыз. Бу рольләрне үзегез башкарыгыз.

5 көн

Балалар мәктәп белән экскурсиягә юнәлде. Ниһаять беркая да ашыкмаска була. Балаларының кайтуыннан куркучы ата-ана булудан котылырга тырышыгыз, дәртле сөяркәләргә әверелегез. Бөренче 4 төндә балалар өйдә булганда башкарырга базмаганнарны эшләргә өлгерергә тырышыгыз. Бер-берегезгә теләкләрегезне ачып салыгыз. Ә бишенче төнне феерик шоу оештырыгыз. Ул онытылмаслык булырга тиеш.