Камал театры бүләк сертификатларын сатуны дәвам итә

Бүгенге көндә Камал театрының инде 100 артык сертификаты тамашачыларыбызга зур бүләк булып барып иреште. Искәртеп үтәбез, театр спектакльләренә сертификат алу мөмкинлеге узган ел ахырында булдырылган иде. Камал театры Татарстан театрлары арасында беренче булып бүләк сертификатлары тәкъдим итте.

“Татарстан халкының сертификат алырга теләве аның кулланылышта уңайлы булуы белән аңлатыла. Сертификат - сайлау мөмкинлеген чикләмәүче бик үзенчәлекле бүләк. Камал театрына бүләк сертификаты алып, сез ялгышмаячаксыз, чөнки бүләкне кабул итүче үзенә уңайлы көнне һәм спектакльне сайлый ала”, - ди театр директоры Ильфир Якупов.

500 һәм 1000 сумлык бүләк сертификатларын Сез Камал театры кассасында ала аласыз. Телефон: 293 03 74. Сертификатны куллану шартлары турында тулырак мәгълүмат белән Камал театры сайтында танышырга мөмкин: http://kamalteatr.ru/shop/souvenirs/83-b-l-k-sertifikaty?locale=tat