поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
21.07.2015 Җәмгыять

Рөстәм Миңнеханов Матбугат йорты ачылышында нәрсә диде

Казан, Бауман урамы, 19 нчы йорт. Бу урынның кайдалыгын, анда нәрсә барлыгын татарча белгән, татар китабын, матбугатын укыган барча кеше чамалый. Матбугат йортының ачылу тантанасында халык шагыйре Роберт Миңнул­лин әнә шулай диде. Нәкъ менә шуңа күрә аны югалту татар халкы өчен генә түгел, кардәшләребез өчен дә авыр булыр иде.

Әнә шуңа ул бина бушап калгач та, чаң сугу, өзгәләнү тулы хатлар, чыгышлар башланды. Мондый чыгышлар китаплар йорты сакланып кала дигәч кенә, азрак тынды. Узган атна азагында Матбугат йорты ишекләрен янә ачты. Өч йолдызлы “Ногай” кунакханә комплексы һәм “Барабус” паркингы сыйфатында. Ләкин язучылар өчен монысы да бәйрәм иде. Алар тантанага Тукай клубына җыелдылар. Әлеге вакыйга уңаеннан котлап, Татарстан Президенты вазыйфаларын вакытлыча баш­­каручы Рөстәм Миң­неханов Габдулла Тукай һәм Муса Җәлил картиналарын бүләк итте. Сүз уңаеннан, әлеге бүләкләр комплекс хуҗалары заказы белән ясалган картиналардан хакыйкатькә якын булуы белән аерыла. Тукай залы диварларын бизәгән бу картиналарда язучылар физик яктан нык, чибәр. Кү­рәсең, рәссам Э.Морозов (автор турында мәгълүмат бирүче табылмады) Хәсән Туфан, Сибгат Хәким, Муса Җәлилләрнең явыр язмышлары турында бихәбәр булгандыр инде.

Бинаның тарихы 1930 елдан башлана. Ул вакытта ТАССР җитәкчелеге Казандагы барлык матбугат чараларын бер түбә астына җыярга карар кыла. Шулай итеп архитектор Семен Пэн проекты буенча соры бина калкып чыга. Ул иң заманча техника белән җиһазлана. Төрле елларда биредә Татар китап нәшрияты, Матбугат министрлыгы, газета-жур­наллар редакцияләре, беренче катында исә гомер-гомергә китап кибете эш­ләгән. Язучыларның Габдулла Тукай исемендәге клубында Муса Җәлил, Чыңгыз Айтматов, Александр Фадеев, Алексей Толстой, Джанни Родарилар чыгыш ясаган. Роберт Миң­нуллин хак­лы, бу бинаның һәрбер диварында тарих язылган. “Матбугат йорты барыбызга да кадерле. Безнең буынга бигрәк тә. Чөнки шушында үстек, шагыйрь булдык, беренче китапларыбыз чыкты. Моннан 5-6 ел элек, Матбугат йортына карап моңсу шигырь язган идем. Мәдхия булыр дип уйлаган идем дә, мәр­сия булып чыкты... Шөкер, хәзер бина элеккеге рәве­шендә балкып тора. Матбугат йорты матур кыя­фәткә кергән, кунакханә рәвешен алган. Әмма һәр­бер кунак­ханәнең үз йөзе булырга тиеш. Миңа калса, кунакханә музей рәвешен алса, отышлы булачак”, – ди ул.

Роберт Миңнуллин фи­керенчә, әлеге идеяне тормышка ашыруның бер кыенлыгы да юк. Хәтта әлеге эшне бернинди чыгымнарсыз да башкарып була. Экспонатлар белән Татарстан китап нәшрияты, Язучылар берлеге, матбугат чаралары ярдәм итә ала. Чөнки әлеге оешмалар тарихи материалларга бай булсалар да, әлегә кадәр берсенең дә үз музее юк. Экспонатлар өчен аерым бүлмәләр дә кирәк түгел, фойе, ресторан ише халык күп була торган урын­нарның диварлары да җитә.

Бу фикерне комплекс директоры Виталий Большаковка Рөстәм Миңне­ханов шәхсән үзе тәрҗемә итеп җиткерде:

– Күренеп тора, татарчагыз шәптән түгел сезнең. Һәрбер язманы ике телдә: татарча һәм русча язарга кирәк иде. Биредә тарихыбызны, мәдәниятебезне яктыртсак, комплекс эчтә­леге ягыннан баерак һәм кызыклырак булыр иде. Бу җә­һәттән, холл, залларны, рестораннарны бизәү, эчтә­леге ягыннан баету турында уйлагыз, – диде ул. – Тукай залын файдалану буенча килешү төзергә кирәк. Экспонатлар урнаштыргач, күр­гәзмәләр оештыргач экскур­сияләр ясау турында уйларга кирәк. Бу системалы эш булырга тиеш. Минем сезгә күрсәтмәм шушы.

Виталий Большаков исә, чыгымнарның алдан планлаштырылганнан да күбрәк булуы турында сөйләде һәм аның коммерция проекты булуын да ассызыкларга онытмады. “Гадәти кунак­ханәләр төзелешкә киткән чыгымнарын 10-12 елда кап­лый ала. Безнең хәл катлаулырак, мөгаен, 14 еллап вакыт кирәк булыр. Чөнки реставрация­ләү яңа урында төзелеш башлаудан күпкә катлаулырак, – диде Большаков. – Кабул итеп алганда бина күз алдында ишелерлек хәлдә иде. Баскычтан кала, күп өлеше агачтан эшләнгән, хәтта кирпеч диварларында да берничә төрле кирпеч, агач балкалар кулланылган. Реставраторлар эшкә алынганда, өсләре­нә ишелмәсен дип курыктык. Тарих берәм­текләп җыелды. Без кунаклар татар халкы тарихына тагын да якынаер дигән өметтә калабыз”.

Мәдәният министры урынбасары Светлана Персова исә, инвесторлар куелган бурычларны тулысынча үтәде дигән фикердә. “Без әлеге бинаның тарихи кыйммәтен саклап кала алдык. Ә бина, тарихи һәйкәл буларак, чыннан да уникаль. Кызганыч, бездә совет чоры архитектура корылмалары тиешенчә бәялән­ми. Бөтен дөньяда совет авангарды кызыксыну уятса да. Бу җәһәттән бинаның яңа тормыш алуы – Россия күлә­мендә зур вакыйга”, – диде Персова.

Тарихи һәйкәлне саклауга кую, аның файдалану эчтәлеген үзгәртүгә киртә була алмый. Шуңа күрә безгә Тукай залы саклануга, бәлә­кәй булса да, китап кибете ачылуга сөенергә кала. Китап кибете исә, алдан әйтел­гәнчә, 50 кв метр мәйданны били алмаган. Ул кибеттән бигрәк киоскны хәтерләтә. Ә менә Татарстан китап нәш­рияты директоры Илдар Сәгъдәтшин кәефен төшер­ми. Бөтен Казан буенча әнә шундый кечкенә булса да кибетләрне күбрәк ачасы иде, ди ул. Бәлки ул хаклыдыр да...


Гөлинә ГЫЙМАДОВА
Ватаным Татарстан
№ 104 | 21.07.2015
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»