поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 24 Гыйнвар
  • Әнәс Җамалиев - архитектор
  • Шакир Яһудин - дәүләт эшлеклесе
  • Айрат Ситдыйков - археолог
  • Гиссарский hэм романовский сарыклар, тэкэлэр, саулыклар (бикэчлэр) сатыла. Шулай ук торле поролы 6 айдан 8 айга кадэрле тэкэлэр, саулыклар (бикэчлэр) сатыла. Сарык итенен кг.400 сумнан. 89874245531 (Ватсап). Балтач районы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
 
 

 
Архив
 
19.05.2009 Матбугат

ҖИҢЕЛӘЯБЕЗМЕ, яки Татарга җитди, сыйфатлы матбугат нигә кирәк?

Бу дөньяда бер бәйрәмне дә тик торганнан гына уйлап чыгармыйлар. Татарстан матбугатының махсус үз көне булуы да аның шулай аерым бәйрәм итәрлеге бар дигәнне аңлата.

Һәр халыкның да үз тарихы, теле, дине, гореф-гадәтләре булган кебек, аның үз кыйммәтләре дә була. Ярый-ярамыйлар мәсьәләсендә генә түгел, дөньяга карашында, аны аңлавында, үз-үзен тотышында. Бүген берни турында да уйламыйча типтереп калу, күңел ачу һәм акча артыннан кууны гына кыйбла итәргә чакыру татарга берничек тә туры килмәвен шул ук татарның исенә ничек төшерергә? Иң авыр вакытларда да төшенкелеккә бирелмәскә, иртәгәсе көне турында кайгыртырга кирәклеген кем һәм кайдан торып аңлатыр? Иман, вөҗдан, намус, әхлак кебек төшенчәләрнең юкка чыгуы кешене гомерлеккә бәхетсез иткәнлеген ул каян белергә тиеш? Халыкка моны бары тик җитди, сыйфатлы матбугат аша гына җиткереп булганлыгын берәү дә кире какмас. Халыкка үз фикерен тиешле затларга җиткерү һәм шул ук вакытта ул проблемаларга түрәләрнең мөнәсәбәтен белеп тору, ягъни барлык тормыш куйган сорауларга бергәләп җавап табу эшен фәкать сыйфатлы матбугат кына башкара ала. Калган коллегаларым дөрес аңлый күрсен: бу фикерне кемнәрнедер кимсетер өчен дип әйтмим. Дөнья барыбызга да җитә. Ләкин бу тормышта һәркемнең дә югарыдан тәгаенләнгән вазыйфасы булган кебек, газета-журналларның да үз миссияләре бар. Кемнәрдер күңел ачтырып, кемнәрдер берьяклы гайбәт таратып, ә кемнәрдер башкалар эшен күчереп бастырып акча эшли. Эшләсеннәр, дибез. Ни генә дисәк тә, татарча язалар бит әле. Әмма барлык журналистлар да акча эшләү белән генә мавыга башласа? Шуңа да мине кайбер җитди кешеләрнең кызып китеп: "Сез дә заманга яраклашырга, акчаны үзегез табарга өйрәнергә тиеш", – дип киңәш итүеннән курка башлыйм. Шайтан башка, җен башка, ди безнең халык мондый очракларда. Бәлкем кемнәргәдер җәмгыятьтә элеккечә хаос булуы, ата – улны, ана кызны белмәгән болганчык елларның дәвам итүе кирәктер. Аннары сәясәт белән сәясәтчеләр генә, икътисад белән шулай ук икътисадчылар гына шөгыльләнергә тиеш дигән формула бәлки кемнәр өчендер кулайдыр да. Ләкин безнең халык өчен түгел. Иртәгәсен кайгыртырга өйрәнгән кавем беркайчан да үзенең аңын томалауга юл куймаячак. Үгез үлсә – ит, арба ватылса – утын, дип яшәүчеләргә, билгеле, яшәве күпкә җиңелрәк. Ләкин мондый җиңеллекне безнең халык җиңеләюгә тиңли. Җиңеләйгән яки тумыштан Ходай бәндәсе булганнарны авылда кызганалар, садакасын тоттыралар һәм шул ук Ходайдан шушы көнгә калулардан сакла дип ялваралар.

 

Җиңеләю димәктән, бүген федераль үзәктәге түрәләр безнең барыбызга да берьюлы җиңеләергә куша. Бер генә телдә белем алыгыз, бер генә төрле хәрефтән языгыз, бер генә телдә сөйләшегез яки җырлагыз дип боеруларны җиңеләю дип әйтмичә ни дисең?! Менә шундый чакта ничек җиңеләйми калырга, алай гына түгел, сине укып баручы меңәрләгән укучыларыңны җиңеләеп китүдән ничек сакларга? Хөкүмәт акчасын ашап ята, хакимият сүзен сөйли дип белмичә, укып та карамыйча җитди матбугатны гаепләргә ашыгучылар да, җәмәгать, безнең халыкны җиңеләйтергә теләүчеләр. "Нур"дан, "Вакыт"тан бик авырлык белән аякка баскан татарның иҗтимагый-сәяси газеталарын Октябрь инкыйлабыннан соң юкка чыгарганнар икән, димәк, яңа хакимияткә белемле дә, оешкан да халык кирәкмәгән. Матбугатның нинди зур көч икәнлеген алар яхшы аңлаган. Ә бүген безгә җиңеләергә, заман артыннан барырга киңәш итүчеләрнең башында нәрсә барлыгын кем белә?

 

Чорлар бик тиз алышынган бер заманда яшибез без. Кризис та чигенер, федераль үзәктәгеләр дә бер заман ялгышларын таныр. Ләкин ул вакытка кадәр безгә җиңеләйми генә исән каласы иде бит.


Миңназыйм СӘФӘРОВ
Ватаным Татарстан
№ 91 | 19.05.2009
Ватаным Татарстан печать

Фикерләр

Исем:
E-mail:
Текст:
 
№22 (18868) / 28.05.2009 16:09:32

Хормэтле ВТ белэн чагыштырганда "Акчарлак" та, "Юлдаш" та, "Ирек мэйданы" да бик кыю яза. Моны курергэ телэмэгэн кеше генэ, артистларнын акчасы турында укый.Монысы булды бер. Икенчедэн хэзер ВТ белэн Шк нын ике саннын берендэ артистлар турында зур-зур язмалар чыгып килэ тугелме? Тик кызганыч ВТ журналистынын бу интервьюларда артистнын акчасы турында сорарга кыюлыгы житми шул.

№21 (18753) / 26.05.2009 17:58:50

Менэ минем ишелэр турында язса гына шул инде

№20 (18718) / 26.05.2009 08:01:06

"нэрсэ???" иптэш! Курыкмыйча "Акчарлак"ка килсэгез, Сиражи сезнен турында кыю бер мэкалэ язачак, котэбез!

№19 (18639) / 25.05.2009 09:40:44

Мотыйгулла Габидуллин,ходаем,акчалакта кайчан кыю язмалар кургэнен барЭби -бабайга кайткан саен укыйм,ник бер кыю язма курим?!Эээээ....эллэ артистларнын ничэ сум акча алуларын сорау сезнен очен кыюлыкмы ул

№18 (18629) / 24.05.2009 22:24:27

"Бии белмэгэн аюга сэхнэ тар", дилэр. Биредэ дэ шулайрак бугай. Эйтик, "Акчарлак", "Ирек мэйданнары" куптэн "сары газета" булудан туктады инде. 42 000 тиражлы "Акчарлак"та, мэсэлэн, кыю, кызыклы язмалар белэн беррэттэн, даими рэвештэ шигырьлэр, М. Мэхдиев кебек классикларнын эсэрлэре, истэлеклэре басыла. Танылган публицистларнын житди мэкалэлэре дэ донья курэ анда. "Акчарлак"ны хич тэ "жинел" газета димэс идем мин. Ин "авыр"ларнын берсе булмаса эле!
Мина калса, Минназыйм эфэнденен элеге мэкалэсе (андагы фикерлэрне инде ул 5–6 ел дэвамында алга сорэ)баткан чагында саламга тотынучынын кычкыруын хэтерлэтэ. Минназыйм эфэндегэ кинэшем шул: халык кунелен яулаган зур тиражлы газеталар янына кереп ярдэм сорагыз, халык очен файдалы, кызыклы газета чыгару серлэренэ тошенегез. Сонгы 5–10 еллардагы тираж статистикасына куз салсагыз, алдагы елларда кайсы газеталарнын ябылачагын чамалау кыен булмастыр...

№17 (18593) / 22.05.2009 19:24:25

Монда тулырак язылган
http://www.beznen.ru/news/?id=832

№16 (18550) / 21.05.2009 14:33:17

"ВТ" да мина тема торлелеге хэм наполняемость ошый, актуальлеге язмаларнын. НО!!! Полосаны бизэу ягыннан ШК алдыра. ВТны зур, кулэмне материаллар баса...Язмага керсэм, чыга алмам дим дэ гел укымыйм...Хотя кызык,(актуаль, кирэк) материал булса да.

ПЕРЕДАЙТЕ ВТлыларга!!!

№15 (18546) / 21.05.2009 13:44:51

Дорес фикер."Жинелэеп" барабыз,жэмэгать!Матбугатны бер тиенлек язмалар(язма дип эйту дэ кыен,"мэктэп иншалары")басты.Газеталарнын кубесе бу юл белэн китте,телевизор,машина уйнатып тираж жыю,"кызыклы яналыклар тарату".Мондый ише газеталарны баллы ризык белэн чагыштырам.Алар кайсывакыт кунелне кутэрэ,колдерэ,"тамакны" да вакытлыча туйдыра кебек(укырга эйбер бармы бар).Тик баллы ризык ашап кына яшэп булса иде,яшэр очен "туклыклы"язмалар кирэк.Бугенге кондэ,минемчэ,"Ватаным Татарстан"сыйфатлы,эчтэлекле газеталарнын берсе.Мондый басмалар жинелэймэсеннэр иде,алар безгэ(газета укучыларга) тукланыр очен кирэк,э кунел ачу басмалары бары десерт кына

№14 (18541) / 21.05.2009 11:55:28

""Ватаным"да бик көчле журналистлар эшли, материаллары актуаль, газета саф татар телендә, стилистик hәм грамматик хаталарсыз чыга. Бик күп яктан "ВТ" калган газеталар өчен эталон булып тора."
Шушы конгэ калдыкмыни инде, жэмэгать? Узенне мактамасан, кем мактар икэн тагы? Бик кочле журналистлар эшли дигэн нэрсэ, гомумэн, колке. Э хаталардан беркем хали тугел, хэтта ВТнын ин кочле журналистлары да.Хатасыз татар матбугаты буген ботенлэй юк ул, чонки кайбер аерым сузлэр генэ дэ очэр-дуртэр (!) вариантта языла. Стилистик хаталарны табарга телэсэгез, "ВТ"нын бу атнада "Бэллур калэм" алган журналистынын сонгы язмаларын игътибар белэн укып чыгыгыз.

№13 (18487) / 20.05.2009 11:31:20

Хормэтле Минназыйм эфэнде бу юлы гына шулай язды бит. Анысы да "чукынып китсыннар барысы да" дигэн кебек, мин дэ толерантный булый, янэсе. Монарчы, ике сузнен берендэ сары гэжитлэр дип телгэ ала иде. Газеталарны каршы куймыйбыз, бер-берсенен унай, унышлы якларын куреп, бер-берсенэ пычрак атмыйча яшэргэ иде. Без генэ ин яхшы диеп яшэгэнгэ дэ хэллэр яхшыдан тугел ул.

№12 (18482) / 20.05.2009 09:57:50

Былбыл, ботенесен дэ укыйм, Укучы,

Мэкалэнен кайсы жирендэ "Ватанымнан язмалар урлыйлар" дип язылган сон эле монда?

"кемнәрдер башкалар эшен күчереп бастырып акча эшли" дигэн жомлэдэ "ВТ"га да, "ТЯ"га да, "ШК"га да, или анда «Юлдаш»ка булсынмы – беркемгэ дэ намек юк, беркемне дэ гаеплэу юк. Узегезне буреге янган карак кебек тотмагыз инде.

Монда коммент язучы кайбер иптэшлэр узлэре газеталарны каршы куя башлады бугай. М.Сафаров бит
язмасында: «Дөнья барыбызга да җитә. Эшләсеннәр, дибез. Ни генә дисәк тә, татарча язалар бит әле.» - диелгэн бит.
 

№11 (18479) / 20.05.2009 09:34:14

Нух! Комсомолканы сары газета дигэнсен, булсын да ди. Лэкин Татарстаннын бер районында булган ниндидер ЧП турында без иртэгэсен шушы газетадан укып белэ алабыз. Бер атнадан "Ватаным"нын яналыклар колонкасында ике-оч юллык хэбэр чыгачак. Матбугатнын топ максатларынна берсе - мэгълумат житкеру. Бу яктан Комсомолка ун адым алда. Акча мэсьэлэсен алга кую да урынсыз бу очракта.

№10 (18478) / 20.05.2009 09:27:33

"Ватаным" редакторынын "сары" газеталарны укымаганы куренеп тора. Сонгы елларда ул газеталарда кучереп бастырылган бер генэ язма да юк. Монысы бер. Икенчедэн барлык "сары" газеталар да ничава гына гонорар тули. Элбэттэ алар казна акчасыннан тулэнгэн гонорар белэн ярыша алмыйдыр. Шулай да эллэ ни калышмый. Кстати, "Ватаным" да узган ел коз чыккан язмам очен гонорар ала алганым юк эле.

№9 (18476) / 19.05.2009 23:57:32

ботенесен дэ укыйм, гафу ит, мин астагы полемикага гына кушылган идем. Полемика дип тә булмый, кайберәүләр газетага каты ябырылган иде. Матбугат көнендә бит әле диген.
(Кем белә, Сезнең басманы да яклап чыгармын киләчәктә, теләсәм))))

Ә менә "Комсомольская правда" - чыннан да сары газета.

№8 (18475) / 19.05.2009 23:19:10

газеталарны бер берсенэ каршы куюы М.Сэфэровны да, Нухны да бизэми. Россиядэ нинди генэ басмалар юк! Менэ "Российская газета" редакторынын "комсомолка"ларны "сары газеталар, чуп-чар язалар" дип язып чыгуын куз алдына да китереп булмый. Ваклана М.Сэфэров, ваклана... Ни генэ эйтсэн дэ, Ватаным узе дэ шул газеталардан ерак китмэгэн. М.Сэфэровнын мондый язмасы чыгуы шунын ачык дэлиле.

№7 (18474) / 19.05.2009 22:48:23

М.Сәфәров, бәлкем, монда телгә алынган басмаларны укымыйдыр да, ләкин тегеләрнең "ВТ"ны укуларына иманым камил.

№6 (18473) / 19.05.2009 22:34:33

Монда берәү, район газеталары главаларның шәхси көндәлегенә әйләнеп беткән, дип язган иде. "Ватаным Татарстан"ның да главалары бар, ул да шул көндәлеккә әйләнгән булыр иде..Тик практикада алай түгел, хәтта киресе күзәтелә. "Ватаным"да бик көчле журналистлар эшли, материаллары актуаль, газета саф татар телендә, стилистик hәм грамматик хаталарсыз чыга. Бик күп яктан "ВТ" калган газеталар өчен эталон булып тора.
Үткенрәк мәкаләләр, әлбәттә, башка газеталарда бар. Ләкин монда объектив реальлек күзлеге кирәк, чөнки "ВТ" - власть газетасы. И. Миргалимов мәкаләсен укып карагыз, соңгысын.
"ВТ" глава көндәлегенә дә, телчән хатыннар көндәлегенә дә әйләнмәгән. Редакторның монда зур өлеше бар. Матбугат көне белән чын күңелдән котлыйм "ВТ"ны, киләчәктә дә уңышлар телим.
Кстати, "матбугат.ру"да хәтергә алганым бар - иң күп резонансны барыбер "ВТ" бирә. Архивка кереп карагыз.

№5 (18472) / 19.05.2009 21:12:20

Беләм, былбыл хаклы. Ниндидер газетаны гаепләү өчен мисаллар кирәк. Ватаным редакторы кебек син дә матбугат белән таныш түгел ахыры. Югыйсә, эмоциягә ияреп язмас иден. Акчарлакта соңгы вакытта гаять четерекле язмалар күтәрелә. Искәндәр яза. Андый язмаларны тагын кайда укып була? Һәрхәлдә Ватанымда түгел.Алайса, Минназыйм эфэнде хаман шул бер балык башын чәйни ул. Ватаным кебек газеталар Бутик, ә Акчарлаклар Вьетнам базары товары.

№4 (18471) / 19.05.2009 21:02:24

белэм, ниге материал чэлдерген очен судка биреп булмый? материал чэлдеру факты бар икен, судка биреп була. андый суд очраклары даими булып тора.

Минем сонгы елларда Акчарлакта сонгы ике оч елда ватанымнан кучереп бастырылган материал кургенем юк. Яла ягу белэн шогыльлэнмэсэгез иде.

№3 (18469) / 19.05.2009 20:42:25

"Серле сандык"та тугел бит эш, сез саргаюны аш-су рецептлары биру, сикс-микс олкэсендэге кинэшлэр белэн бутамагыз эле, Былбыл. "Акчарлак", "Юлдаш"ларнын "Ватаным"дагы ин кызыклы материалларны чэлдереп(судка да биреп булмый бит узлэрен ), шунын хисабына уз газеталарын укылышлы итулэре, шул хисапка тираж жыюлары турында авыз чайкасан да, чайкамасан да, барыбер урлыйлар бит. Журналист уз мэкалэсе очен гонорар ала - ул шул хисапка жан асрый бит. Э "Юлдаш" тулиме гонорарын тегеннэн-моннан кучереп бастырган материаллары очен? Кукиш курсэтэ. Вэт шул. Ватанымга суз эйтэсе булмагыз!

№2 (18454) / 19.05.2009 14:33:45

Хормэтле баш редакторнын сонгы елларда "Ирек мэйданы", "Юлдаш", "Акчарлак" кебек газеталарны тотып укып караганы бар микэн??? Анын мэкалэсендэ янэ шулар бакчасына таш ату ята. Чынлыкта исэ ул аларны тотып, нэрсэ турында язганнарын укып та карамаган. Аш-су рецептлары, сикс-микс кинэшлэре язалар дип авыз чайкаган "Ватаным" хэзер "Серле сандык" укыгыз дип, энэ шуларны узе толкает. Кызык, "Ватаным" саргаямы эллэ тегелэре дэ шундый яхшы, продвинутый булганмы?

№1 (18425) / 19.05.2009 06:08:40

Зур темага кереш сүз буларак, Миңназыйм әфәнде мәкаләсендә язылганнар белән килешеп була. Ләкин...

"Федераль үзәктәгеләр дә бер заман ялгышларын таныр".
Юк, гомердә танымаслар, "соңгы патронга кадәр" сугышачаклар.

"Кризис та чигенер".
Икътисадый кризисны бүген үк рәсми игълан ителми торган боерык аша "гамәлдән чыгарып" булыр иде. Аны ясалма рәвештә дәвам иттерәләр. Моны күптән түгел генә ТР Премьер-министры да таныды: "Кризисның, ничек көтмәгәндә килеп ирешкән булса, шулай ук "саубуллашмыйча" китеп баруы да ихтимал", - диде ул.

Рухи кризис (ми тартмачыгындагы кризис) бара һәм әле озак вакыт дәвам итәчәк. Шуңа Миңназыйм әфәнденең беренче фикере дөрес түгел...

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar