|
|
Бүген кемнәр туган
|
|
Архив
|
14.05.2009 Бәйрәм
ЯЗ + СТУДЕНТЛАР = “СТУДЕНТЛАР ЯЗЫ”!14-18 майда Казанда “Россия студентлар язы-2009” үтә. Бүген Яшьләр эшләре, спорт һәм туризм министрлыгында “Россия студентлар язы-2009” фестиваленең беренче матбугат конференциясе булды. Анда Б.Б.Гусев, А.И.Платонов, П.Ф.Анисимов, А.В.Песков, А.В.Махнаковалар катнашты. 17 ел дәвамында оештырылган фестиваль Самара, Санкт-Петербург, Пермь, Кемерево, Волгоград, Түбән Новгород шәһәрләрендә уза. 2001 елда беренче тапкыр финал Казанда уздырыла. Ул вакытта Россиянең 49 регионы катнашкан. Узган ел Казан, төп конкурент Санкт-Петербургны җиңеп, кабат фестивальне үзендә үткәрү хокукын яулады. Быел исә башкалага 68 регионнан 1500 талантлы студент җыелган.
Пресс-коференциядә Россия эстрадасының танылган йолдызы, театр һәм кино актеры, пародия остасы Александр Песковка сораулар шактый булды. Ул фестивальдә оригиналь юнәлеш номинациясенең жюри председателе. А.Песков фестивальдә катнашучыларга Андрей Данилко (Верка Сердючка), Патрисия Каастан зур сәламнәр алып килүен әйтте. “Мине жюрига чакыргач, бик озак уйлаганнан соң гына җавап бирдем. Бу минем өчен зур җаваплылык. Монда чын талантлар табарга дип килдем. Үзем шактый таләпчән судья, ләкин объектив. Талантны күрми калмаска бик тырышачакмын. Ә студент буларак бу фестивальдә үземнең дә катнашканым булды. Мин “озын гомерле” студент. Укырга 1977 елда кереп, 2000 елда гына дипломлы була алдым”, – диде ул елмаеп.
Лилия КAДЫЙРОВА |
Иң күп укылган
|