поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 23 Гыйнвар
  • Ркаил Зәйдулла - язучы
  • Алсу Исмәгыйлева - журналист
  • Равил Галиев - җырчы
  • Альберт Кәримов - дәүләт эшлеклесе
  • Ринат Шәмсетдинов - регбичы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
 
 

 
Архив
 
27.03.2015 Җәмгыять

Кошлар сайрашып, кешеләр сөйләшеп табыша

Җырларда: “Очрашулар,
кавышулар
Күпләп була гомеребездә.
Кемнедер - син, кемдер сине
Юрар дөрес юлга таба”, - дип җырлыйлар бит. Хәзерге язылачак язмам героена шушы юллар туры киләдер, дип уйлыйм.

Камышлы районының Дәүләткол авылында гомер итүче Рәшит Һади улы Дәрҗемановның (фотода) нәсел шәҗәрәсе Шенталы районының Карабикол авылына килеп тоташа. Ә аның сабый чагы Кинел районында Зур Малышевка совхозында үткән. Әнисе Фәгыйләнең сеңелесе Сәхимә Дәүләткол авылы кешесенә тормышка чыккач, Фәгыйлә һәм бертуган Минхан исемле абыйлары гаиләләре белән туган авыллары Денискә кайтып китмичә, шушы Дәүләткол авылына килеп төпләнәләр. Алты яшьлек Рәшит әнисеннән әтисе турында сораса, ул: “Әтиең җир йөзендә юк инде, син тугач та үлеп китте,” - дип әйтә торган була.

Рәшит яшьли өздереп гармун уйнарга өйрәнә, мәктәптә "яхшы" билгеләренә генә укый, озакламый йорт хуҗалыгында әнисенең зур таянычына әйләнә. Әтисез үскән малайны авыл кешеләре чит итми, кирәк чакта ярдәм итеп, киңәшләрен биреп торалар. 
 
Рәшит абый бүгенге көндә Самара шәһәрендә “Бердәмлек”газетасын нәшер итүче Рәфгать Әһлиуллинның ничек итеп үзен чалгыны дөрес тотып, печән чабарга өйрәтүе турында әле дә җылы итеп искә ала. 
 
- Рәфгать абый: “Эшне яратып, җиренә җиткереп, теләп эшлә, теләмәсәң якын да килмә”, - дип әйткән иде, дип сөйләде ул. Ә аның кебек игелекле бәндәләр аның тормышында аз булмагандыр.
 
Рәшит армия хезмәтен тутырып, авылга әйләнеп кайткач, үзен озатып калган сөйгән кызы Зөлфиягә өйләнә, бер-бер артлы уллары Радик белән Руслан дөньяга килә.
 
Кошлар сайрашып, кешеләр сөйләшеп табыша, диләр бит. Рәшит тә “Мир” колхозында хисапчы булып эшләгәндә, ашлык амбары янында Камышлы авылында яшәүче Әбелкәрам абзый белән очраша. Ә теге аңардан кинәт кенә: “Әтиеңне күрәсең киләме?” - дип сорый. Әбелкәрам абзый үзенең Һади агасы белән тумышлары буенча Шенталы районының Карабикол авылынннан икән. Рәшитнең атасы исән-сау булып, өлкәнәйгән көнендә чит җирләрдән бирегә килеп төпләнгән. Бу вакытта Рәшиткә 50 яшь тулган, ә әнисе Фәгыйлә җир куенында ята торган була инде.
 
Әллә әти белән үсмәгәнгәме, әллә үзе күптән әти кеше булганга күрәме, кайчандыр гаиләсен ташлаган бу кеше белән очрашырга ул бер дә ашкынып тормый. 
 
Бәйрәм көннәрнең берсендә аларга шәһәрдә яшәүче ике туган сеңелләре Саҗидә белән Сания кунакка килә. Рәшит әтисе турында сүз кузгаткач, алар:
 
- Исән чагыңда бер күрешү - үзе бер гомер ул. Үкенечкә калыр, дип уйламыйсыңмы соң?! - диләр һәм аны әтисе белән очрашырга ризалаталар.
 
Һәм менә алар бергәләп Һади ага яшәгән йортны эзләп табып, ишеген шакыйлар. Өлкән яшьтәге, басынкы-сабыр кыяфәтле ак бабай кулларын сузып, Рәшиткә таба атлый. Үзе исә зур дулкынланудан калтыранган иреннәре белән: “Улым!” – дип, әкрен генә аңа эндәшә. Рәшит тә: “Әткәй!” – дип, әтисен кочаклап ук ала. Менә нәкъ шул чакта аның гомере буе бәгырендә җыелган ятимлек ачысы, кимсенеп яшәве, әтисезлек хәсрәте бер минутта юкка чыга. Ике арада бернинди үпкә, рәнҗү дигән нәрсә калмый, йөрәктәге салкын боз да эреп бетә. 
 
Менә шундый матур очрашудан соң ике арадагы сукмак ныгый. Әгәр дә тормыш мәшәкатенә уралып, Рәшит бераз вакыт әтисе янына килә алмый торса, алар үзара берсен-берсе юксына башлыйлар. Улы аны үзе белән күл буена балык тотарга да, авырып китсә, хастаханәгә дә алып бара. Балалары да, хәтта киленнәре дә Һади абзыйга “бабакай”, дип өзелеп дәшәләр.
 
Бер очрашуда Һади бабай Самара шәһәрендә икенче хатыныннан туган, үзенең улы – Әбелкәрам (энесе истәлегенә аның исемен кушкан була), Рәшитнең бертуган энекәше барлыгы турында белдерә. Озак та үтми, Рәшит хәләл җефете Зөлфия ханымны машинасына утыртып, шәһәргә бертуганы белән очрашуга бара. Менә шулай итеп, ул энекәшле дә булып куя. Алар бергәләп Рәшитнең сеңелләрен күрергә дә баралар. Шунда Кәрам (аның исемен шулай кыскартып әйтәләр икән) чибәр Саниягә гашыйк була да куя һәм тиздән марҗасын аерып, аңа өйләнә. Хәзерге көндә алар Дәүләтколга бергәләп кайтып йөриләр. Рәшит абыйларының 60 яшьлек юбилеена да кайтканнар. Ә Һади бабайның вафатына өч ел үтеп киткән инде. Шулай итеп, Рәшит абый әти шатлыгын тоеп, ун елга якын бәхетле тормыш кичереп яшәгән. Өстәвенә очрашкан саен шаяртып: “Кәрам, энем! Син миңа бурычлы бит”, - дип әйтеп куя. Ә тегесе исә: “Нигә алай дип әйтәсең, абый?” - дип сорый, берни аңламаганга салышып. 
 
- Чөнки син - минем яраткан энекәшем, өстәвенә кияү дә булып куйдың бит әле,- ди Рәшит абый, сабыйларча сөенеп. 
 
Бүгенге көндә менә шундый бәхетле вакыйганың шаһитлары булып, туганлашып, рәхәтләнеп яши Дәрҗемановлар нәселе.
 

Нурсинә ХӘКИМОВА
Бердәмлек
№ 13 | 28.03.2015
Бердәмлек печать

Фикерләр

Исем:
E-mail:
Текст:
 
▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar