• 26.06-28.08 Театрализованное фольклорное Казан-шоу. Туган авыл.
  • 05.08-15.08 Кыргый планета. Казан циркы. 18:00
  • 06.08-15.08 Салават. 33 сезон. Камал театры
  • 16.09 Niletto. МВЦ «Казань Экспо», КЗ им. И.Шакирова. 19:00
  • 18.09 Хәмдүнә Тимергалиева истәлегенә. УНИКС. 17.00
  • 21.09 Дима Билан. Пирамида. 19:00
  • 16.10 20ел TATAR RADIOSI. Татнефть Арена. 18.00
  • 10.11 Валерий Меладзе. Татнефть Арена. 19:00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 05 Август
  • Мәдинә Маликова - язучы
  • Зөфәр Хәйретдинов - җырчы, композитор
  • Наилә Ибраһимова - актриса
  • Салих Баттал (1905-1995) - язучы
  • Фәрваз Миңнуллин (1934-1994) - язучы
  • Рәйхан Халитов - блогер
  • Эльмира Гыйльфанова - җырчы
  • Надир Әлмиев - рәссам
  • Илгизәр Миргалимов (1942-2019) - дирижер
  • Фәрит Шиһапов (1951-2020) - музыкант
  • Гвардейская урамында озак вакытка фатир арендага бирелэ (студент кызларга яисэ гаилэле кешегэ). Фатир беренче этажда урнашкан. Якында гына остановка hэм кибертлэр. 10000 + ком услуги. Телефон 89586247928 (17.00 сон шалтыратырга)
  • Приглашаем на работу водителя кран манипулятора Ниссан, Изуцу. Работа сменная в Альметьевске(оплата за проживание с нас). Зарплата 2300 минимум и +.. Тел.89376209888
  • Исэнмесез. Метро Аметьева, Горьки яки Карбышева, Даурский, Мавлютова урамнары тирэсеннэн 1 булмэле квартира яки бүлмә снимать итәргә эзлибез. Медколледж тирәсендә. Тел. 89600475151
  • Зернодробилка молотковая сатам. Складта бар. Заказга да эшлибез. Төрле иләкле ясап була. 200-700 кг/сэг производительность. Электродвигатель 2,2 кВт/3000 об. Бункеры 40 л. Башка бункер, опорный рама, пульт управления да куя алабыз. Төрле районнарга, төбәкләргә җибәрә алабыз. Яхшы сыйфатлы. Бар деталләрен үзебез ясыйбыз (двигателдан кала). Гарантиясы бар. Татарстан, Яр Чаллы 8 (917) 921 52 90
  • Казан, “Светлый” ЖК (Куюки) 1 бүлмәле фатир озак вакытка гаиләле кешеләргә тапшырыла. 3 этажлы өйдә 1 катында. 49 кв.м. кирәкле җиһазлар бар.Индивидуаль җылыту.Парковка өй янында. Шәһәр автобуслары йөри. 10000 сум+ ком.услуги. тел.89393932099
  • 1.6 яшьлек угез ите август башында суясы .Ботлап.Актаныш районы 89872229472
  • Казан шэхэрендэ субаренда очень 1 булмэле фатир снимать итэм, озак вакытка.тэртип,чисталык,уз вакытында тулэуне ышандырам. Тел. 89179060102. 89274868157
  • Казан, Вахитов районы, Хороводная, 50. 1комн. квартира, 2 лоджия, 51 м2.Риэлторсыз, озак вакытка. 89655886519 ваатсап.
  • Туй, туган көн, юбилей һәм башка уңайдан якын кешегез белән хәтирәләрне теләкләр аша үреп,оригиналь шигырьләр,проза,рәхмәт сүзләре,бәет,җыр текстлары иҗат итәм.Һәр кешегә индивидуаль караш.Кулай бәяләр.Заказлар алдан алына.89083405794 ватсап.
  • Сдаю 1 комнатную квартиру в Наб. Челнах в 62 ком-се молодой семейной паре или двум девушкам студенткам. 89093132683 вацап
 
 

 
Архив
 

               

20.03.2015 Мәдәният

Гүзәл Маликова яшь ире белән бергә җырлаячак

Татарстанның атказанган артисты Гүзәл Маликова - балалардан алып өлкәннәргә хәтле музыкага мәхәббәт тәрбияләгән шәхес. Үзенең ике улы – Муса белән Гайсә генә дә ни тора! Шуңа өстәп, ул 35 ел буе төрле буын кешеләреннән торган ансамбльләрне җитәкләде. Үзенең әнисе дә, 80 яше тулуга карамастан, инде 25 ел шул ансамбльдә җырлап йөри. Бу көннәрдә исә Гүзәл юбилее уңаеннан концерт программасы әзерләп йөри.

- Гүзәл, гаиләгез белән сәхнәдә сезне еш күрдек. Улларыгызда балачактан сәнгатькә мәхәббәт тәрбияләмәсәгез, алар сәнгатҗ юлын сайлар идеме икән? Уңышларында кемнең өлеше зуррак булды?

- Муса кебек балалар бик сирәк туа торгандыр. Ул ике яшь тә ике ай дигәндә җырлап җибәрде. Аны туганнан бирле гастрольләргә үзем белән йөрттем. Биш яшендә ул  инде сәхнәдә Вафирә Гыйззәтуллинаны гармунда уйнап җырлатты. Сигез яше тулгач, Германиягә Татар мәдәнияте көннәренә бардык. Муса шунда немецларның пөхтәлеген бик ошатып кайтты.  Шул вакытта ук: “Мин киләчәктә Германиядә укырга тиешмен” , – дигән иде. Ә Гайсәнең бернәрсәгә дә теләге булмаган килеш  сәнгать дөньясына үзем кертеп җибәрдем. Ул: “Мин җырламыйм да, уйнамыйм да, йә президент,  йә  шофер булам”, - дип йөри иде.. Бүгенге көндә тальян, баян, аккордеон, гобой, флейта, фортепьяно, кубыз, авыз гармуны кебек уен коралларында уйный икән, монда минем өлешем күбрәк, дияр идем. Гайсә кечкенә чакта Илһам Шакиров аны сәхнә алдына чыгарып: “Менә сезгә бүләк. Без аның белән бер көнне туганбыз”, - дигәч, “кеше бүләк буламыни?” дип аптырап калган иде.   Бүгенге көндә консерваториянең 4 нче курсында белем ала. Армиядә хезмәт итеп кайтты. “Солдатта булган диләр” дигән җырны җырлап йөреп, армиягә бармый калып булмас, дип үз теләге белән китте.
 
- Бүген Муса Германиядә нинди эшләр белән шөгыльләнә?
 
- Ул Германиядә студент чагында ук андагы зур бүләкләрнең берсе - Рихард Вагнер премиясенә лаек булган иде. Бер үк вакытта элекке  Казан педагогика университетының музыка факультетын да тәмамлады. Германиядәге музыка академиясеннән соң, аспирантурада белем алды. Хәзерге вакытта докторантурада укый. Диссертация яклаганнан соң, башкару осталыгы докторы булачак. Муса 25 кешелек ирләр хорын җитәкли. Оркестрда дирижер булып эшли. Фин татарлары аны үзләре белән бергә концертлар куярга чакыралар. Әле Казанда да чыгыш ясарга тиешләр.
 
- Сез аларны музыкадан тыш тагын нинди эшләргә өйрәттегез?
 
-  Беренче чиратта олыларны хөрмәт итәргә, туган телебездә матур итеп сөйләшергә  өйрәтеп үстердек. Тик башка эшкә өйрәтү турында уйлап бетермәнмен шул. Муса Германиягә китеп баргач, ботинка шнурын да бәйләргә өйрәтмәгәнмен, дип елап утырган идем. Әмма барыбер тормыш өйрәтә ул. Хәзер бөтен  өй эшләрен дә үзенә эшләргә туры килә.
 
- Аның киләчәген ничек итеп күз алдына китерәсең?
 
- Үзенә кайда хөрмәт күрсәтәләр, шунда яшәр, дип уйлыйм мин аны. Татар кызы белән гаилә корсын иде дип телим.
 
- Сез заманында сәхнәдә гаиләгез белән матур концертлар оештыра идегез. Тамашачы  чыгышларыгызны яратып карады. Утыз елга якын бергә яшәгәннән соң, Гүзәл белән Рөстәм Маликовлар аерылышкан, дигән сүзгә ышанасы да килмәде...
 
- Дөнья булгач, төрле хәлләр була икән. Гаилә корганда беркем дә аерылышырмын, дип кияүгә чыкмый. Һәркем бәхетле яшәргә хыяллана.
 
- Сезнең аерылышуга улларыгызның мөнәсәбәте ничек булды?
 
- Аллага шөкер, балалар бик тәрбияле. Алар безгә кысылмады. Муса белән Гайсәнең:  “Әнием, син бәхетле булсаң, без синнән дә бәхетле”,  – дигән сүзләрен ишеткәч күңелем тулды.
 
- Ир-ат өчен иң кирәкле сыйфат, дип кайсыларын саныйсың?
 
- Тугрылыклы булу,  ярата белү, төгәллек кирәк.
 
- Бүген Гүзәл Маликованың йөрәген яулаган ир-егет кем ул?
 
- Газинур хәрби кеше булган, хәзер отставкада.  Әнисе вафат булгач, алты ел буе  әтисен тәрбияләгән. Андый кеше начар булмас, дип уйладым. Мин аңарда җырга да мәхәббәт тәрбияләргә өлгердем. Бергәләп дуэт башкару өчен җыр да яздырдык.
 
- Синең өчен яшәү яме нәрсәдә?
 
- 55 яшькә җиткәндә әти-әнием, балаларымның, үземнең исән-сау булуым шатлык түгелмени?! Иң зур байлыгым – сәламәтлек. Аннары, шушы яшьтә яныңда яраткан кешең һәм эшең булу да  бәхет. Балаларымның уңышларына куанып яшим.  Болар барысы да минем тормышыма ямь өсти.
 
- Юбилей уңаеннан  узачак концертыңда  тамашачы Муса белән Гайсәне күрә алачакмы?
 
- Концерт 15 майда булачак. Ике улым да катнашачак, алла боерса.

Люция ХӘБИБУЛЛИНА
Шәһри Казан
№ | 20.03.2015
Шәһри Казан печать

Фикерләр

Исем:
E-mail:
Текст:
 
№103 (907696) / 23.03.2015 18:06:32

Ник хатыннар гына түзәргә тиеш, ә ирләргә ни эшләсә килешә инде? Гүзәл болай да утыз ел түзде, бәхетле булсын. Көчле хатын!

№102 (907692) / 23.03.2015 17:24:40

Сабыр итүнең дә чиге бар.
Татар баеса хатын ала ди, ирләр кеше рәтенә керсә яш хатыннарны күзли башлыйлар, янәсе карт хатын аларның дәрәҗәләрен төшерә. Әнә Леонид Якубович та "Поле чудес" аркасында популярлык алгач карт хатынын ташлап, яш хатын алды. Тик картаеп, комнары коелып, таякка таянып йөри башлагач, алар яш хатыннарга кирәкми шул, хатыннары я "мөгез" куя, я ташлап китә.

№101 (907678) / 23.03.2015 15:19:54

Да ладно, берни дэ мэнгеллек тугел.
Шул исэптэн ярату да.

№100 (907676) / 23.03.2015 15:12:22

Тыштан гына ялтыраган гаилэ булган бу. бер-берсен яратып яшэгн парлар олыгая тошкэч, тагын да якынаялар, бер-берсенен кадерен ныграк белэ башлыйлар. Ирне узенэ ойлэндереп булса да, чын-чынлап яраттырып булмый. Урыс эйтмешли, "насильно мил не будешь".

№99 (907668) / 23.03.2015 13:16:32

акыллы хатын ирен патша да итә. Гүзәлдән башка яшәп карасын әле Рөстәм.Яшь хатын күпме чыдар микән? Акыллы хатын-кыз югалмый. Балалары инде кеше булган, бусы - әни заслугасы. Әти кеше еламаган чагында гына бала сөя, елый башласа күтенә тибә. Гүзәл акыллы хатын. ә Рөстәм - мин аның җылавын яратам, үзе дә чибәр егет - ну дурак! Акылы булса балалары үсеп кеше булгач гаиләсен тарткатып йөрмәс иде. Картлыгы бәхетле үтсен инде аның да.

№98 (907661) / 23.03.2015 12:17:10

Иргә бару да, ирдән кайту да гонаһ түгел. Зина гонаһ. Хатыннан аерылу да мөмкин. Яңа никахлары белән бәхетле булсыннар.

№97 (907658) / 23.03.2015 11:16:16

Балаларыгызны ирең белән тәрбияләгәнсез дияргә кирәк.

№96 (907523) / 21.03.2015 21:31:46

Чынлап та, хатын - кызнын халык алдындагы имтиханы, ул - тэрбиялэп устергэн балалары. Гузэл 3 нчегэме, 8 нчегэ чыкканмы- анда беркемнен дэ эше булырга тиеш тугел. Анын балалары тэрбияле, инсафлы, танылган балалар.

№95 (907520) / 21.03.2015 19:51:46

Гузэл, бэхетле бул инде! Сонлап булса да.!!! Балаларынны матур тэрбия иткэнсез.Афэрин!

№94 (907504) / 21.03.2015 15:08:11

№76 син узенне чыннан да нокта дип язып утырма,чын нокта синен кебек язмый.Ул аек фикер йортэ.

№93 (907487) / 21.03.2015 12:11:06

"Гаилә учагын сүндерми тоту хатын-кыз кулында. Рөстәм, Муса, Гайсә - өч ир-егетнең тормышта булган бәхетләре белән шаяру - Гүзәлгә Ходай тарафынан каты җәза булып әйләнеп кайтачак."
Нокта, №76, кайтмаячак!!! Чөнки Аллаһ аны инде сабырлыклары өчен бүләкләгән, димәк. Син үз өстеңә Аллаһ вазифаларын алып, хөкем карары чыгарып ятма. Бу гамәл шулай ук макталмый.

№92 (907477) / 21.03.2015 10:13:11

Бигрәк көнчеләр инде сез. Гүзәлгә акчасыз реклама гына ясыйбыз бит.

№91 (907476) / 21.03.2015 10:09:36

Гүзәлнең карт ире атаклы җырчы иде, яшь ире дә җырчы булырга азаплана. Уртанчы ире Альбертны да бер чәйнәп алыйк әле, анысы ниндирәк иде микән?

№90 (907470) / 21.03.2015 09:54:18

№76 Узен нокта дип язып утыручыга. Бер карга булдын инде син,улэксэ белэн тулы эчен,тагын доньяга сыймыйсын,язма инде минем исемнэн.Башта кунеленне чистарт,аннан сон язарга рохсэт сора.Э Гузэлгэ килгэндэ ул анын шэхси тормышы.Хатыныннан ,балаларыннан аерып алмаган булса ул ирне,бернинди гайбэте дэ юк.

№89 (907468) / 21.03.2015 09:50:02

Белмэсэгез сойлэмэгез., бик дорес эйттегез.

№88 (907467) / 21.03.2015 09:49:46

Бу гаиләне бераз беләм. Рөстәм, яшь хатынга кызыгып, хатынын ташлап китте.Гүзәлне гаепләргә ашыккмагыз.

№87 (907463) / 21.03.2015 09:35:18

Муса энисе тосле, Гайсэ этисенэ охшаган.
Алар бик ягымлы балалар, эти-энилэренэ, этием,энием,дип кенэ эндэшэлэр иде.
ызгыша-ызгыша кеше каршында, нормаль гаилэ иллюзиясе ясаганчы, кеше каршында кыланмый торган, нормаль ир белэн хатын булу яхшырак, 76 Нокта.

№86 (907457) / 21.03.2015 08:17:52

чото №72
өч бала төрле, ни аталарына, ни аналарына охшамаганн..

Укырга, санарга йөрән башта! Ике бала: МУСА, ГАЙСА!!!
Икесе дә аналарына охшаган. Әнисенэ охшаган ир бала бәхетле була диләр, шулай булыр да, инша Аллаһ!!!

№85 (907454) / 21.03.2015 07:09:01

Бер әйткән идем шикелле №73 кебек "дини"ләрнең колакка тукмач элүләрен ача да сала, ача да сала.

№84 (907450) / 21.03.2015 06:32:18

талак дигәч, кызлар буа буарлык ул, тик сез донья көтә белми торган, клубтан-клубка йөргән, бите башы буялган кызларны гына яратасыз. Олы кешеләр сөйләвенчә, сугыштан исән кайткан ирләр кызларга өйләнергә теләмичә, күп вакыт ирләре сугышта үлеп калган тол хатыннарга өйләнгәннәр. Чөнки аның иреннән калган йорт-җире бар, ирне, баланы тәрбияли белә, өйрәтеп торасы юк. Тик балаларга гына үги әти белән тору җиңел булмагандыр.

№83 (907448) / 21.03.2015 05:47:12

кадак №80,

№82 (907446) / 21.03.2015 01:24:00

аерган катын белән тору минемчә хурлык. Кызлар бу буарлык,ниндие кирәк алда кайт.

№81 (907445) / 21.03.2015 00:18:36

Җырласыннар. Коръәндә җырны тыярга дигән сүз юк. Пәйгамбәребез үзе дә Гайшәнең кызлар белән җыелып җырлавын яраткан. Коръән җырлап укыла азан җырлап әйтелә.

№80 (907444) / 21.03.2015 00:15:32

Кеше белән булышканчы үзегезне карагыз. Куркытып та карыйлар бит фәрештәгә әйләнгәннәр! Совет власте беткәнгә кайчан гына бит әле алла юк дип Ленин бабай дип җырлап йөргәнегезне тиз оныткансыз! Үз гонаһыгыз белән маташыгыз, кешенекен тикшермәгез.

№79 (907443) / 20.03.2015 23:45:34

Уф! Талак, талак - театр! Талактан соң үз хатыныңа кабат өйләнү өчен әбизәтелне хатын алып аеру - тагын театр. Шуннан да мәгънәсезрәк "Закон" булу мөмкинме? Тавыклар егылып көләрлек нәрсәне Коръән китабына пәйгамбәр кушкан дип кертү - башка сыймый торган хәл бит бу. Менә шуңа ышанучыларны җавап тотарга тиешле мескеннәр дими ни диясең инде.

№78 (907441) / 20.03.2015 23:28:38

Артык катгый, куярга ашыкма ноктаңны. Хупланылмаса да, талак рөхсәт ителә исламда. Дөнья бу, нишлисең бит. Тегеләрчә әтсәк - әбестәятелства.

Муса белән Гәйсә. Коръәндә күп искә алына бу исемнәр. Әмма җырчы булулары гына менә..
Иншә Аллаһ!

№77 (907440) / 20.03.2015 23:28:03

Әй, нумир 59!, "Акыллы баш" - юләркәй. Мескеннәр инде сез, үзегез дә аңламаган, күз алдына китерә алмаган нәрсәләргә ышанасыз, шуңа табынасыз, җитмәсә әле кеше өйрәткән буласыз. Үз җаныгызны коткару турында гына кайгыртсагыз, файдалырак булмас иде микән. Җавап бирергә икән, димәк, нәкъ менә сиңа җавап бирергә! Әзерләнеп тор! Чөнки сине нәкъ менә шуңа әзерлиләр, чөнки сине шул 66 дагы язмаларыңа инандыралар. Барлык кешегә дә бер үк язмыш була торган булса, азапланып иҗат итеп ясап тормаган да булыр иде Ходай, безне төрле-төрле характерлы, төрле-төрле гадәтле һәм төрле-төрле кыяфәтле итеп, ниһаять, бар итмәс иде.
Мин үземнең ни сөйләгәнемне бик яхшы беләм, бик яхшы аңлыйм. Җир йөзендә кешеләрнең ни белән шөгыльләнеп яшисе, нинди газап-михнәтләр күрәсе, нинди белемнәр туплыйсы алдан ук билгеләнгән. Шуңа күрә син дөрес сөйләмисең дип әйтергә берәүнең дә хакы юк. Үз җаныгызны коткару турында гына уйлагыз, кешедә эшегез булмасын.

№76 (907439) / 20.03.2015 23:15:40

Маликовлар Татарстанга, Башкортостанга яхшы билгеле кешеләр иде. Үрнәк гаилә иде. Гаилә учагын сүндерми тоту хатын-кыз кулында. Рөстәм, Муса, Гайсә - өч ир-егетнең тормышта булган бәхетләре белән шаяру - Гүзәлгә Ходай тарафынан каты җәза булып әйләнеп кайтачак.

№75 (907438) / 20.03.2015 23:12:31

Җай чыкса-чыкмаса да үзеңә дә юк акылны сатарга тырышуыңны кайчан туктатасың инде? Үзең фәрештә булып яшәдеңме әллә? Адәм баласы гонаһлы, тәүбә итәргә өлгерер әле синең кебек! Урам исерекләрен тәүбәгә китереп кеше яса, МРудагыларны түгел! Алар үзләре дә халыкны агартам дип каралып беткәннәр инде.Тәүбә!

№74 (907436) / 20.03.2015 22:56:50

Соры, башкаларга комачаулама, и вчу!

№73 (907435) / 20.03.2015 22:48:39

Соры, статистиканы белү сиңа бирелмәгән дип.

Индусларда эшең булмасын! Динсез алар, мөселманнарыннан башкалары. Син алар өчен җавап бирмисең. Үзең өчен, бичәң балаларың өчен җавап бирергә әзерлән!

Тегеләрнең Высоцкийлары да алар турында - придумали индусы удобную для себя религию - дип.

№72 (907434) / 20.03.2015 22:45:20

өч бала төрле, ни аталарына, ни аналарына охшамаганн..

№71 (907433) / 20.03.2015 22:35:30

"Какан калай булмыйк." дигәнне, каткан калай дип укырга!

№70 (907432) / 20.03.2015 22:33:37

65тәгене, сизде тәки! Әлхәмдүлилләһи!

Бу минем фикер! Син Дарвинга ишарәлисең инде. Дарвинизмга ягъни!

Әммә бел! "изм"нар да, "мизм"нар да - берсе дә, бер кая да китә алмый! Коръәндә барысы да? Мин бит сиңа рәсми түгел, башкалар сүзен кабатлап утырырга.

Белмисеңме әллә, иннә Аллаһы гәлә күлли шәй ин кадыйр. Ягъни, шиксез Аллаһ һәр нәрсәгә кодрәтле. Үзенең гаделлеге белән кешегә маймыл бул дип әйтә икән, нишләп әле башкача булмаска мөмкин түгел, ди. Дарвин, белмим ышанучы булган бәлки?

Болай фикер йөртик. Какан калай булмыйк. Мисал өчен, маймыл да күрә, кеше дә, аның шикеллерәк ниндидер бер Хайван. Әмма, башкачарак. Ә икенче урында, Аллаһ кешене, дөрес яшәмәгәне өчен, дуңгызга әйләндердек, ди. Беләбез бит, берсе тышкы кыяфәте белән, икенчесе эчке органнары белән кешегә охшаш. Кайберәүләр без разбора маймыл кебек, кайберәүләр дуңгыз кебек яши, кеше булып тудырылса да. Ышанасы килгән ышана һәм файда ала, ышанасы килмәүчеләр үз-үзенә зыян сала.

Ни өчен эт, песи, башка йорт хайваннары кешегә сыеналар дип беләсең? Кеше хайван түгел, чөнки кеше("старший брат") булганы өчен. Ни өчен Аллаһ исеме белән корбан - дөя, сыер, сарык чалабыз? Бу эш ваҗиб - мәҗбүри дип әйтерлек. Ни өчен? Кая китәргә тиеш ди ул җаннар? Җен, фәрештә яки җанны күргәнең бармы? Фәрештәләр эш итәләр җаннар белән. Аллаһ ничек әмер итсә, ничек кушса шулай.

№69 (907429) / 20.03.2015 22:21:15

Аерылу да кияүгә чыгу да була торган эш. Үзегезне белегез кеше тикшереп утырмагыз. һәркайсы бәхетле булсын без монда кунак кына. Ярлыкауны мәчет картлары хәл итми ул куркытмагыз.

№68 (907428) / 20.03.2015 22:15:12

Әй, нумир 59!

"Бергә бер генә яшәгәндә ирләр җитми калганнарга нишләргә? Бозыккамы барырга кушасыз?" ))) Вәгазьга тотынганчы, статистиканы карар идең әзтәк.))) Хатын-кыз "күбрәк" була торган яшьтә, ул әбиләргә ирләрнең кирәге шул кадәр генә була инде аның.))) Кыскасы, җитмешне узган ирләргә, тагы 80-90яшлек бер-ике әбигә өйләнергә.)))

Аннан, Кытай, Һиндустан, Индонезиядә (җирдә яшәүче халыкның 68%ы), хәттә әбиләрне санап та, ир-ат халкы күберәк, хатын җитми калганы бозыклыкка барырга тиешме,әллә инде, синең мантыйк буенча карап, бер хатын берничә ир белән яшәргәме? )))

№67 (907424) / 20.03.2015 22:06:24

син утэрсен 66, кайгырма!

№66 (907422) / 20.03.2015 21:56:56

"Акыллы баш" - юләркәй. Коръәнне укыган кеше шикелле сөйләнәсең тагын. Бәлки укыгансыңдыр да. Әмма үз ягыңа боргалыйсың килә. Ә дөресрәге укыганга ошамаган. Әгудү билләһи:

"3. Если вы боитесь, что не будете справедливы к сиротам, то женитесь на других женщинах, которые нравятся вам: на двух, трех, четырех. Если же вы боитесь, что не будете одинаково справедливы к ним, то довольствуйтесь одной или невольницами, которыми овладели ваши десницы. Это ближе к тому, чтобы избежать несправедливости." (4нче сүрә. Х-кызлар).

Әйе, гадел булу бик җиңел булмаска да мөмкин, бәлки шуның өчен пәйгамбәр сала Аллаһу гәләйһи вәссәлләм, илбашы була торып та, хатыннарын бер кат күлмәк белән яшәтте.

Сан ягыннан хатыннар һәрвакыт күбрәк. 4 белән яшәү кагыйдә түгел. Скорее как исключение из правил. Бергә бер генә яшәгәндә ирләр җитми калганнарга нишләргә? Бозыккамы барырга кушасыз? Сезгә ул бәлки әйбәт булып күренә. Ә Аллаһ тыя бозыкны! Сез уйлыйсыз, сезне белмиләр дип, надан, чөнки ышанмыйсыз. Белү генә түгел, язылып бара һәм җавап бирергә барыбер туры киләчәк. Ышансаң да ышанмасаң да.

Ишеткәнегез юкмы әллә - кылычтан үткен, кылдан нечкә - сират күпере. Кемдер яшен тизлегендә үтәчәк. Ә кемдер башы белән аска - төпсез, утлы упкынга. Җәһәннәм әзер. Көтеп кенә тора һәм туясы да юк аның. Кешенең нәпсесе шикелле. Аллаһ сакласын!

№65 (907417) / 20.03.2015 21:23:37

әйттем ич, оказывается корэнгэ, исламга ышанмыйча ялганлашып утырасын икэн бит. Дин ойрэтуе буенча кешене алла ясаган э син "Киреләнсәң, бу дөньяда маймыл шикелле яшәсәң, димәк, КИРЕ МАЙМЫЛ булуың бар" дигэн сен, димэк синенчэдэ кешелэр элек маймыл булганнар. Менэ шунда куренэ инде сез динилэрнен ничек дингэ ышануыгыз.

№64 (907416) / 20.03.2015 21:20:39

"Әйттем ич"-№63 һәм "Ну и ну"-№49 - туп-туры миннән сиңа! Синең өчен генә!

№63 (907415) / 20.03.2015 21:14:03

ни эшлисең килә эшли аласың, әмма җавап бирәсеңне онытма. Аллаһ Тәгалә сиңа мировой судья түгел.

Мин үзем турында төп-төгәл әйтә алам, бу дөньяга гариза язып килмәдем дип. Һәм мин ир кеше. Әгәр шөкер итеп, кушылганны үтәмәсәм, башкача булырга да мөмкин дип уйлыйм.

Һәм бу дөнья бик искитмәле урын түгел. Сынау үтәбез. Аклана алсак, арурак урында - юк икән түбәндәрәк булуыбыз бар, әгудү билЛәһи:

"Чынлыкта, сездән атнаның җиденче көнен бозучыларның кемнәр икәнен, сез инде белдегез, без аларга куып җибәрелгән(мәсхәрәле) маймыллар булыгыз дип әйттек." - дип Аллаһ Тәгалә Коръәндә
кисәтә безне.

Аларга атнага бер генә көн - атнаның җиденче көнендә - бернәрсә дә эшләмәскә, ял итәргә һәм гыйбәдәттә генә булырга кушылган иде. Тыңламаганнары,(Аллаһка буйсынмаганнары) өчен бу халык маймыл булды. Күрәсезме, Аллаһка буйсынып кына алга барып була. Киреләнсәң, бу дөньяда маймыл шикелле яшәсәң, димәк, кире маймыл булуың бар, Аллаһка сыенам.

Ә хәзер без көнгә биш тапкыр гыйбәдәт кылабыз. Ышанганнар үзенә "+" җыя, ышанмаганнар үзләренә "-" җыя, иншә Аллаһ! Шулай итеп, үз киләчәгебезне үзебезгә үк турыларга, яки кыйгайтырга мөмкинлек бирелгән! Аллаһның Рәхмәте белән.

№62 (907414) / 20.03.2015 21:13:09

Бу яшь ирнен гаилэсе булганмы сон?

№61 (907411) / 20.03.2015 21:01:26

Гүзәл тормышындагы үзгәрешләргә шатланырга гына кирәк.Уңган , акыллы, матур хатын. Аның да гаилә бәхетенә, яратып һәм яратылып яшәргә хакы бар. " тәртип" радиосында сөйләгәнен бик яратып тыңладым. !!!!!!!!!!!!!!!!!!!! Уңышлар гына аңа!

№60 (907408) / 20.03.2015 20:52:28

Икенче тапкыр алданырга баргач син узен ахмак бит инде

№59 (907407) / 20.03.2015 20:46:38

Гүзәлне әйтәм. Гаиләне саклыйм дип нигә күке ир белән интегеп яшәргә тиеш соң ул? Кайда язылган ул закон? Ә гаиләне ир сакларга тиеш түгелме? Менә бусы Коръәндә язылган. Гаилә өчен ир кеше җаваплы. Ә инде гаиләдән киткән ирне эт кебек чылбырга бәйләп куеп булмый. Үзең белән чагыштырма,чын татар, бөтен ирләр дә синең кебек булса, хатыннар җәннәттә яшәр иде. Кстати, Коръәндә 4 хатын белән яшәүне, әгәр ир хатыннарының барысына да бер үк мөнәсәбәттә, бер үк шартларда материаль яктан тәэмин итәрлек булса гына рөхсәт итәләр. Юк икән, гуляй-валяй өчен җавап бирәсе. Атларыгызны бик туармагыз, Коръәндә Аллаһ хатын-кызны да ир кешене дә тигез итеп күреп яралткан. Шулай булмаса, аларга табигатьтән үк аерым рәхәтлекләр бирер иде: аерым кояш, аерым яңгыр яки берсенә азрак, икенчесенә күбрәк. Алай түгел шул ул, барысын да тигез итеп бүлгән. Михнәтен дә тигез бүлешегез, законнар да тигез булырга тиеш.

№58 (907405) / 20.03.2015 20:36:52

алзирә, приамидаларга ышанырга ярамаганны белми идеңме? Тиз баесың килгән икән! Тот капчыгыңны!

№57 (907403) / 20.03.2015 20:31:31

Бу хатынга ышанып пирамида система белән ике тапкыр акчаларымны югалттым. Әйе, "бик яхшы оештыручы" булып чыкты.

№56 (907400) / 20.03.2015 20:29:41

нуылдама, №55

№55 (907396) / 20.03.2015 20:17:16

Ничек, ә ничек итеп сакларга соң гаиләне? Әнә бит, кайберләрегез хәтта ике ир белән яшәүне алга куймакчы. Оят та юк, башкасы да.)))))
Кара әле, сиңа 4 хатын белән йокларга ярый, ә хатыннар сиңа гына карап ятарга тиешме әллә?
Гаилә саклыйм дип, нигә хатын гына азапланырга тиеш сон?
Маладис икэн Гүзәл, яшьрәкне караткан бит!

№54 (907395) / 20.03.2015 20:14:27

Гүзәл Маликова беркайчан да җырчы итеп санамады үзен.Ул музыкант һәм педагог беренче чиратта.
Тик шулай да кайбер язмаларын интернетта эзлэп карасагыз, вокал бүлеген тәмамлаган кайберәүләрдән яхшырак җырлавын күрерсез.
Аеруча "Гүзәл Кырым" дигәнне тыңлап карагыз.

№53 (907394) / 20.03.2015 20:03:17

Нишлэп 4 хатын булмасын ди хэзер? Хатыннан хатынга йорилэр бит, балаларын гына тэрбиялэмилэр. Хэзер бит жайлы, алиментын тули дэ, эш тэмам. Матур хатын да берзаман картаер бит. Менэ оныклар ускэч беленэ эле ул, эби монда, бабай анда...яшэсэн иде ул шаулатып кодалар белэн.

№52 (907392) / 20.03.2015 19:53:24

Гаиләне нигә Гүзәл генә сакларга тиеш,дип уйлыйсыз,соң?
Вәт безнең татар ирләре! Маладса! Хатын җилкәсенә өяләр бөтен нәрсәне дә,утыралар аякларын җәеп!
Гүзәл бик эшчән хатын! Оста оештыручы ул, малайларның үсүе, иренең шушы гомер җырлавы аның аркасында, диләр гел.
Аерылышкан кешеләр алар гына түгел, алдагы көннәре бәхетле булсын.
Рөстәм дә ялгыз түгел, бик матур ханым белән яши.
Икесе өчен дә шатмын!

№51 (907390) / 20.03.2015 19:49:25

Ну и ну,, минемчә дөрес фикерли.

Да ну, аһмак түгел,ә аХмак.Икенчедән, Ну ину язмасында кайда күрдең ахмаклык?

№50 (907388) / 20.03.2015 19:43:50

Ну и ну,, Синең кебек аһмакларны чәчеп үстерәләрме или овсюг кебек, үзегез килеп чыгасызмы???

№49 (907386) / 20.03.2015 19:36:19

сүтепме сүтеп җыясыз. Чәйнәпме чәйнисез, шәп түгел. Причем ни туда, ни сюда. Югыйсә, бозыклыкта яшәп бозылып беткәнбез дип ник берегез әйтсен. Гафу үтенәм, кайберәүләрнең гаиләне сакларга кирәк дигән сүзләрен искә алмаганда.

Ничек, ә ничек итеп сакларга соң гаиләне? Әнә бит, кайберләрегез хәтта ике ир белән яшәүне алга куймакчы. Оят та юк, башкасы да.

100 генә ел элек, ирдән аерылган яки ире аерса, бу мәсхәрә булган ул хатынның үзенә генә түгел, ата-анасына туганнарына.

Бәлки уйлап карасыз, ни өчен Аллаһ Тәгалә, Аллаһ дине - ДинИслам ир кешегә дүрт белән яшәргә рөхсәт итә. Мөселманнар күп булсын өчен бу боз тавының күренеп торган өлеше генә. Кайсыгыз баласын мөселман итеп үстердем дип мактана ала? Йә, әле кайсыгыз. Мөселман ул буйсынучы. Тәкъдиргә!

Үзегез буйсынмаган көе баланы буйсынучан, сабыр түзем итеп үстереп буламы? итеп

Монда имеш хатын үстерә балаларны, колакларыннан тартыпмы? Ә тәкъдир? Ни өчен икән берәү кыз бала булып, икенчесе ир бала итеп китерелә икән бу дөньяга?

70-80-90ел үтә дә китә. Аннан җавап бирәсе. Ышансаң, ничек зәгыйфь ышанганың өчен. Ышанмаган ышанмаганы өчен. Тәмам.

№48 (907379) / 20.03.2015 18:47:53

хы, синең эш юк, безнең дә эш юк. Гаилә керен юарга шәһригә кушканнармыни? Оятсызлар. Бүтән тема беткәндер шул инде. Әнә Зифа китабын бастырсыннар иде лутчы, файдасы күбрәк булыр иде.

№47 (907378) / 20.03.2015 18:47:35

Акчарлак газетында кайткан иде алар гаилэсе турында. Белмэгэн килеш кайберэулэр пычрак атып утыра. Менэ шул статьяны укыгыз! Гузэл ханым белэн аралашкан кешелэр анын нинди яхшы кеше икэнен белэ, студентлар да бик ярата аны. Белмэгэнегезгэ телэсэ нэрсэ язып ятмагыз. Ир китте дип, гомер буе елап утырмасын, дорес эшлэгэн кияугэ чыгып. Ул да бэхетле булырга лаеклы!

№46 (907377) / 20.03.2015 18:39:06

мыҗик гуләт итә дип аеырылышыргамени? кем ни гуляет? ирләр самцы!!! петухлар!!
ирләр күп хатын белә йоклаганнан яшәрә генә баралар...

№45 (907376) / 20.03.2015 18:38:49

Болар охшашканнар да әле. Бәхетле булып яшәсеннәр.
Рөстәмендә эшем юк. Кызлар гына аз булса, әбиләр, бабилар янына йөргәндер, төрле төсле булган мәллә.

№44 (907375) / 20.03.2015 18:37:44

Теләсә ничек аңлагыз.

№43 (907366) / 20.03.2015 18:11:36

Әх жәл Иркә юк. Әйтеп бирер иде кемнең кем икәнен

№42 (907364) / 20.03.2015 18:06:46

Синен мэкалэне анламавында минем гаеп юк бит инде, малайлар нигэ шатлануы турында. Берэулэр акны- куктэн аера белмэсэлэр дэ, бэйлэнергэ осталар. Ходаем, узен сакла моразм чиреннэн.

№41 (907362) / 20.03.2015 17:58:07

Гаилә таркалуны мактап утыручы дундук син. Нәрсә турында язганнарың да аңлашылмый, шыр хата белән язгансың. Энилэре кара кан койгандыр этилэре ташлап киткэч, шуна да малайлар бик шат мона. Бу җөмләңдә кем турында сүз барганлыгы аңлашылмый. Чынннан да, шыр тиле икәнсең, башың эшләми икән синең.

№40 (907361) / 20.03.2015 17:55:01

Гаил таркалуны мактап утыручы дундук син.

№39 (907360) / 20.03.2015 17:50:36

Хатын- кыз ахыргача тузэ инде семьяны сакларга. Ирлэргэ яшьлэр кирэк, ин беренче ире киткэненэ аптырыйсы юк. Хатын- кызга гомер буе жан жылысы житми. Кеше арасында булгач Гузэл дэ тапкан уз тинен. Конлэшеп тэ куйдым. Энилэре кара кан койгандыр этилэре ташлап киткэч, шуна да малайлар бик шат мона. Балалар энилэрен саклап утырмый шул инде. Табышкач, анлашып яшэсеннэр, ходаем.



№38 (907358) / 20.03.2015 17:43:36

Во! Дөреслек ачыла бит. Бик тиз ир тапкан. Хатынының сөяркәсе булганын белгәч, киткән инде аның ире болай булгач.

№37 (907356) / 20.03.2015 17:31:11

Чытырман-Хәмдүк бу катын янә киәүгә чыгып бик каты ялгышкан...

чын татар, хак әйтә. икесенең дә исләренә төшәчәк...

сагынып искә алачаклар әле алр.
асубы бу катын сагначак иске ирен! мин әйтте диәрсез.

№36 (907355) / 20.03.2015 17:27:01

Гүзәл түгел, хатыныннан Рөстәм үзе аерылды.

№35 (907354) / 20.03.2015 17:23:09

чын татар, син ир кеше булгач хатын-кызның ничек түзеп яшәвен аңламыйсың. Дистә еллар буе айнымый эчкән ирнең мәгнәсез сүзеннән беркайда да котылып булмый, аптырагач булмә ишеген терәтеп куясың, кермәсен дип, ишек артында мыгырдана-мыгердана да китеп бара. Әле аның бер ярдәме дә юк, булган акчасын эчеп бетерә. Алкаш икәнен белеп чыктым инде, бүтән алучы булмагач, әти-әни дә кушты.
Гүзәлнең яш ире булгач, Рөстәм өчен артык бетеренмидер.

№34 (907352) / 20.03.2015 17:14:52

Монда берәү дә итәк астын тикшерми. Итәк сүзен дөрес яз инде ичмасам, итэк тә түгел, ә итәк була, әллә син итек димәкче булгансыңдыр. Минем улларым дигән бит, Рөстәм белән икебезнең улларыбыз димәгән бит. Үзе гаепле. Кешене гаепләмәгез, монда төп гаеп,Гүзәлдә инде. Балалары кечкенә чакта аерылсын иде, ә ул чакта сыңар канат белән бала үстерү авыр шул. Бик башлы булган икән әни кеше. Балалары үскәч кенә, бик тиз икенче ир тапкан. Ирсез тора алмый инде болай булгач. Синең язмаңа җавап инде №31.

№33 (907351) / 20.03.2015 17:12:34

Балалары әтиләре белән аралашып торалардыр бит. Алар дип кенә Гүзәл ир рәхәте күрми яшәргә тиеш мени? Бу ире белән пар килгәннәр, ауралары да бер-берсенә туры килеп тора. Ире үзеннән яшрәк тә кебек. Нигә эчегез поша, әле карт түгелләр, яшәсеннәр рәхәтләнеп.

№32 (907350) / 20.03.2015 17:09:35

Утыз ел бер-берсенә түзеп яшәү дигән сүз - юк сүз ул.Минем аларның аерылу сәбәпләрендә актарынасым килми,шулай да бу хәтле Гомер кичергәннән соң алар арасында ниндидер "из рук вон"хәл булганга ошый.Утыз ел буена кеше бер-берсенә шулкадәр ияләшә ки,хәтта туганнардан да якынрак була сыңарың.Кайсыдыр тормыш авырлыгында сынган.Ярар,буласы булган инде,ләкин алар бер-берсен калган Гомерләрендә оныта алмаячаклар.Бу икесе өчен дә иң авыры булачак.

№31 (907349) / 20.03.2015 17:07:16

Кеше иитәк астын түгел үз итзк астыгызны тикшерегез.

№30 (907348) / 20.03.2015 16:59:05

Аерылганнар, димәк, алар бер-берсен яратмаганнар, мәхәббәт дигән хис аларда булса, бу юлга басмаслар иде. Алар үзләре әтиле әтисез булып үскәннәрдер инде. Әти-әни аерылса иң беренче балага кыен була ул. Кеше ничә яшьтә генә булса да, әти-әни барыбер кирәк, алар бик кадерле була. Оялмыйча икенче ире белән җырларга чыкмасын ичмасам, хотя Гүзәл җырлый белми бит ул. аны беркем дә белми бит.

№29 (907343) / 20.03.2015 16:33:55

Хайваннар арамсывнда да бик сирәк кенә ата җенес бала тәрбияләүда катнаша, күбесе шунда ук качып китә.\\\,

соң шулай булгач,ирләр дөрес эшли бит инде тәрбиәгә катнашмыйча!
аннан үзегез ирем бала карашмый дип елый башлыйсыз.

син ыштуты * бутала башладың,атна ахырында ардыңма суң?

№28 (907342) / 20.03.2015 16:32:00

Минем кияү ана капиталына машина алдырырга тырышыплар тырышты. бу бит икебезнең дә акча диде. Кызым бер менеп төшкән өченме дип авызын каплады, шулай итеп кияүгә машина эләкмәде.

№27 (907341) / 20.03.2015 16:30:14

Эгэр дэ араларда хислэр сунгэн,балалар ускэн икэн ни очен бер беренне соймэгэн килеш бергэ яшэп ятарга.Кубегез гомер буе жыйган байлыкны булэргэ куркып или яна тормышта яши алуына ышанычы булмаганга соймэгэн кеше белэн яши.Ирлэргэ яшь хатынга ойлэнеп торырга ярый бит,бер кем суз эйтми.Гузэл яна ирен ярата алган икэн, бэхетле бул Гузэл дияргэ генэ кала.

№26 (907338) / 20.03.2015 16:25:35

"Дети мои" дияр инде, хатын баланы тугыз ай үзендә йөртә авырлык белән, аннан соң авырлык белән таба, бөтен көчен биреп үстерә, ир кеше бер менеп төшә дә, башкача бала эшләренә катышмый. Киресенчә, бала елап, уйнап, тавышланып аның ачуын гына чыгара. Мин булсам, ирләрне балага якын да китермәс идем. Хайваннар арамсывнда да бик сирәк кенә ата җенес бала тәрбияләүда катнаша, күбесе шунда ук качып китә.

№25 (907337) / 20.03.2015 16:22:45

Алар да кеше бит. Аерылышу да кушылу да була торган хәл. Рәхәт яшәсеннәр һәркайсы да. Утыз ел бер-берсенә түхгәннәр бит инде, тагын ни кирәк?

№24 (907333) / 20.03.2015 16:04:46

Юк, мин аларның берсенеңдә туганы да, танышы да түгелмен. Халык Рөстәм Маликовны күбрәк белә һәм ярата. Халыкны тәрбияләү өлкәсендә эшләүче парлар шулай булгач, алар сәхнәдә ни дип җырларлар икән соң? Г.Зәйнашеваның "Аерылмагыз, аерылмагыз, булса да сәбәпләре. Канатларны каера ул аерылу сәгатьләре" дигән шигъри юллары бар (ул җыр инде), аларның канатлары каерылган, бик тиз генә пар табуы да күңелдә шик тудыра, гаеп үзендә дә булган инде. Кем белән каралдың, шуның белән агар , диләр. Хатынын бер гаепсез итеп күрсәтергә тырышмагыз.

№23 (907332) / 20.03.2015 15:58:24

Муса белэн Гайсэ матур гына концертлар куеп йорделэр узган ел. Рэхмэт. Карагыз эле, кеше кайдан таба ул ирлэрне?

№22 (907330) / 20.03.2015 15:51:09

Соры катыны да "Дети мои" дип язган. Безнеке димәгән. Вәйт бит әй...

https://www.facebook.com/photo.php?fbid=684398525004369&set=a.327

№21 (907325) / 20.03.2015 15:18:20

Гүзәлнең җырлаганын ишеткәнем юк. Рөстәм Маликовны Уфада эшләгән елларында еш җырлаталар иде. "Мәдинәм-гөлкәем" дигән халык җырын ул сәхнәгә чыгарды. Кешене якыннан белмәгәч, берсен мактап, берсен хурлап булмый. Ләкин алар икесе ике төрле кеше, ут белән су кебек яки яктылык белән караңгылык кебек. Андый кешеләр бер берсе белән сыешып озак яши алмыйлар. Ярый, Гүзәл түзеп озак еллар яшәгән, балалар уссен дигәндер инде. Көчле хатын, бирешмәгән, югалып калмаган.

№20 (907324) / 20.03.2015 15:14:00

Тәртә фикере дип белерсез.

№19 (907323) / 20.03.2015 15:11:57

Гүзәлнең беркеме дә түгел, очрашканыбыз ңа юк мине белми ул. Тавышы да миңа нипочем. Тик шундый ике бала тәрбияләп үстерүдә Рөстәмнең геннары булса, ул геннарны үстерүче ханым ул. Шуңа хөрмәтем зур, сокланам. Рөстәм Маликовның җырлавын да үзен дә яратам. Тик ике тәкәнең башы бер казанга сыймаган кебек ике артистка да бергә яшәве авыр. Утыз ел яшәгәннәренә рәхмәт, икесе дә шулхәтле сабырлар икәнен әйтмәкче идем. Хатасыз кеше юк. Мин Аллаһы Тәгалә түгел, ярлыкайчы ул гына.

№18 (907322) / 20.03.2015 15:09:01

Әй тәртә, син ул чагында үзең шул Рөстәмнең туганы яисә Рөстәмнең үзе инде, Гүзәлнең яңа баштан гаиләле булып яши башлавына эчегез поша әллә? Рөстәмнең яшь кызларга кирәге бетеп, кабат Гүзәл яына кайтасы килә башлады әллә?

№17 (907321) / 20.03.2015 15:03:37

№16 син үзең шул Гүзәл туганы яисә Гүзәлнең үзе инде. Рөстәм абый начар булган да, Гүзәл апа гел яхшы булганмы инде, синеңчә? Һәр кешенең дә уңай яклары да, тискәре яклары да була аның. Рөстәм абый белән торганда бик симез иде, аннан аерылгач ябыга башлаган әнә.Үзенең ике улы – Муса белән Гайсә генә дә ни тора! дип язган бит әле җитмәсә, алар Рөстәм абыйныкы да. Гүзәл апаның ни җыры, ни тавышы... Аны беркем дә яратып тыңламады, гомумән, аны түгел ирен- Рөстәм абыйны ныграк беләләр, моңлы җырлый, тавышы да, үз дә бик матур.

№16 (907318) / 20.03.2015 14:39:14

Бәйләнмәгез Гүзәл ханымга.Рөстәм Маликовның яхшы ягы да чүп ягы да халыкка билгеле. Талант дип кенә аны кочаклап ятып булмый, тәртипле ир булу мөһим. Утыз ел түзгәненә рәхмәт Гүзәл ханымга шул балалар әти дип әйтергә тилмермәсен өчендер минде.

№15 (907315) / 20.03.2015 14:21:52

Яңа татар, бу турыда кара- каршы тапшыруында Ростэм эфэнде "бик кайтарасы килми шул. Безнен илдэ ку- н белэн кадак суырсан да ярамыйсын" дигэн иде. Тугелгэн акча кызганыч , но.... Андый тугелгэн акчалар Мусага гына тугел. Ботен абзый баласы чит илдэ укый.

№14 (907310) / 20.03.2015 14:05:38

Мусаны Татарстан Республикасы бюджеты акчасын түләп укыткан идек Гермниядә, чит илләрдә чит халыкларга хезмәт күсәтеп йөри. Жалкы...

№13 (907309) / 20.03.2015 13:57:56

Сиңа газета укырга кирәк. Бер газетада балалар әтиләренә эндәшмиләр дип язган иде бер кеше, әниләренең сүзе ул. Әтиләре турында берәр җылы сүз әйткәннәрме соң алар?!! Юк!!! Үз иреңнән аерылып икенче ир белән кәртечкәгә төшеп бар халыкка күренү үзе дә оят инде ул. син үзең акылга сай инде, хатасыз язарга өйрән башта. Гаиләсен саклый алмаган кеше халыкка нинди тәрбия бирсен инде. Гүзәл укытучы түгелме соң ул? №11 бик дөрес язган.

№12 (907307) / 20.03.2015 13:49:15

Бер хатын да, гыфу итәрсез, артка төртәсез, дигәндәй, Ничек оялмыйсыз!!! №11, кайда күрдегез "Әтиләреннән йөз чөергән балалар" дигәнне? Әнисенең бәхтенә сөйнүне, арасыннан йөз чөйрүгә санау өчен, иң кимендә акылга сай булу кирәктер ул.

№11 (907306) / 20.03.2015 13:37:30

“Әнием, син бәхетле булсаң, без синнән дә бәхетле”
Балаларымның уңышларына куанып яшим.
Ул балалар әллә синеке генәме?!!! Әтиләре Рөстәм түгел идеме әллә? Бала әнинеке яисә әтинеке генә була алмый ул. Әтиләреннән йөз чөергән балалардан нәрсә көтәсең инде. Аларның уңышка ирешүендә Рөстәм абыйның да зур өлеше бар икәнен онытканнар икән? Без синнән дә бәхетле дигәннәр бит әле җитмәсә, ул бәхетне пар канатлы вакытта гына тоясың аны. Үги әти бервакытта да үз әтиеңне алыштыра алмый ул. Әти, әни сүзен әйтеп үскәнгә шулаөй бәхетле булган инде алар. Чит илдә яшәү үз телеңне, илеңне, әти-әниеңне югалту белән бер инде ул.

№10 (907305) / 20.03.2015 13:15:39

Гузэл ханым бик булган кеше ул. Бэхетле булып озак яшэсен.

№9 (907294) / 20.03.2015 11:22:14

Эх, шул язма исеме белән "яна" инде күп журналистлар! Бөтен хезмәтен бер кашык дегет белән юкка чыгарды бит!

№8 (907292) / 20.03.2015 11:20:16

Дисэ ни,кызыкай?
Кешенен ике ире булырга момкин тугелме эллэ?

№7 (907291) / 20.03.2015 10:58:34

заголовокта яшь ире диг?н бит!

Алла с?зен баш х?рефт?н язарга кайчан эйрэнерсез икэн?!

№6 (907287) / 20.03.2015 10:47:28

Карт ире барлыгы эйтелгэн бит!
Димэк яше дэ бар!
а вапшы маладис хатын!

№5 (907286) / 20.03.2015 10:45:01

каян беләсез? Әллә Рөстәм дә начар ир булмаган. Шулкадәрле ел бергә яшәмәсләрие! Ике малай үстермәсләрие.

Хатын белән ир арасына кысылу кирәкмәстер дим!!!

Раз аеырылганнар икән,гаеп икесендә дә!!! Берсен мактап икенчесен хурлыйсы юк.

Рөстәм дә начар кеше түгел...

№4 (907285) / 20.03.2015 10:44:57

Кайда яшь ир дигэнне курден?

№3 (907284) / 20.03.2015 10:32:54

Гүзәл ханымның гаиләсендәге яңалыкларга сөендек. Ул бик тә бәхеткә лаек ханым.

№2 (907281) / 20.03.2015 10:24:58

Эллэ карт ире дэ бармы? утерэ бу тупой надан журналистлар. Теманын башын куругэ укыпта тормадым.

№1 (907278) / 20.03.2015 10:04:07

афэрин!кочле хатын.

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar