19.03.2015 Мәдәният

Габдулла Тукай бүләгенә кандидатлар игълан ителде

2015 елда Габдулла Тукай премиясе кандидатлары исемлеге мәгълүм булды. Алар арасында кинорежиссер кандидатурасы да бар. Татарстан Республикасы Президенты каршындагы Габдулла Тукай исемендәге Татарстан Дәүләт премияләре буенча комиссия, тапшырылган әсәрләрне һәм хезмәтләрне карап тикшергәннән соң, түбәндәге кандидатларны 2015 елда Габдулла Тукай исемендәге Татарстан Республикасы Дәүләт премиясенә дәгъва кылуга тәкъдим итте:

Булатова Клара Гариф кызы:

«Келәү: Шигырьләр, повесть, хикәя» (Казан: Татар китап нәшрияты, 2013 ел), «Сәяхәтнамәләр: шигырьләр» (Казан: Татар китап нәшрияты, 2013 ел ), «К солнцу лицом» (Казань: Рухият, 2013 ел.) китаплары.

Кәримов Камил Әдһәм улы:

«Уен: роман, хикәяләр һәм юморескалар» (Казан: Татар китап нәшрияты, 2010 ел), «Игезәкләр йолдызлыгы: роман-фарс» (журнал «Казан утлары», 2010 ел: №9, б.5-62, №10, б.6-50), «Ком сәгате: роман, повестьлар» (Казан: Татар китап нәшрияты, 2000 ел) «Сакау күке: роман, повесть» (Казан: Татар китап нәшрияты , 2005 ел) китаплары.

Колмогорцева Ирина Константиновна:

«Казан һәм Габдулла Тукай» график эшләнмәләр сериясе.

Корбанов Рафис Харис улы:

«Рафис Корбан шигырьләре» (Казань: Татар китап нәшрияты, 2013 ел.) китабы.

Леронов Лемон Лерон улы:

«Бәхеткә биш минут кала: пьесалар» (Казан, Татар китап нәшрияты, 2012 ел.), «Сөяксез тел: пародияләр, эпиграммалар» (Казан, Татар китап нәшрияты 2008 ел), «Җил көймәсе: шигырьләр» (Казан, «Мәгариф» нәшрияты, 2008 ел).

Матуров Илдар Заһир улы:

«Моя линия фронта» (2010 ел), «Туфан - Туфан инде ул» (2013 ел) фильмнары.

Салихов Харис Салих улы:

«Религия и наука (основы мировых религиозных и светских культур)» («Дин вә фән (дөньякүләм дини һәм мәдәни этика нигезләре») (Казан: «Идел-Пресс», 2012 ел), «А.Пушкин, Г.Тукай иҗатында Коръән вә бүгенге рухи тәрбиянең бер мәсьәләсе» (Казан, «Идел-Пресс», 2008 ел).

Муса Җәлил исемендәге Татар дәүләт опера һәм балет академия театрының иҗат коллективы:

Мөхәммәтҗанов Рәүфәл Сабир улы, Ковтун Георгий Анатольевич, Андреева Кристина Андреевна, Тимаев Михаил Иванович - «Алтын Урда» спектаклен куйган коллектив.

---
Интертат.ру
№ --- | 19.03.2015