|
|
Бүген кемнәр туган
|
|
Архив
|
15.04.2009 Шоу-бизнес
ДИСНЕЙ МУЛЬТИКЛАРЫ ТАТАР ТЕЛЕНДӘ! (ВИДЕО)Күптән түгел «Барс-Медиа» компаниясендә татар телендәге өч Дисней мультфильмы чыкты: “Карсылу һәм җиде кәрлә”, “Бэмби” һәм “Питер Пэн”. Әлеге проектның продюсеры - Нияз Вәлиев. Ул бу мультфильмнарны карый, тавышларны сайлый, яздыра, монтажлый. Игътибарыгызга “Питер Пэн” мультфильмыннан бер видеокисәк. “Килешле тавышны табу – кыен нәрсә. Чөнки артист персонажның холкын, темпераментын тоярга тиеш. Венера Ганиева бу яктан профессионал, “Карсылу һәм җиде кәрлә” мультфильмында ул патшабикә һәм убырлы карчыкны тавышландырды. Минемчә бик матур, кызыклы килеп чыкты!”, - ди Нияз Вәлиев. Венера Ганиевадан башка мультфильмнарда Булат Җиһаншин, Айрат Ильясов, Раяз Фасихов Альбина, Илшат Вәлиев, Булат Бәйрәмов, Алинә Сафиуллина тавышларын ишетергә була. Шунысын да әйтергә кирәк, бу мультиклар гади тәрҗемә генә түгел, анда татар телендәге җырлар, мәзәкләр дә кергән. Кайбер геройлар әле мишәрчә дә сөйләшә.
--- |
Иң күп укылган
|