• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

09.01.2015 Мәдәният

Рафаэль Ильясов: Сәнгать - тәрбиянең иң көчле чарасы

Рафаэль ага Ильясов - гомере буе татар музыкасы үсешенә үз өлешен керткән кеше, Татарстанның халык артисты, атказанган сәнгать эшлеклесе. Аның репертуарында һәрчак халкыбызның затлы, моңлы, озын көйләре өстенлек итә.

«Олы юлның тузаны», «Тәфтиләү, «Сандугач», «Уел», «Камәр», «Урман», «Галиябану», «Хәмдия», «Рәйхан», «Юксындырсаң, нишләрмен?» (М.Макаров музыкасы, Х. Туфан сүзләре), «Сагынам, дуслар, илкәйне” (Ф.Кудашева музыкасы, халык сүзләре) әсәрләрен чын халыкчан традицияләр нигезендә, академик сәнгать югарылыгындагы таләпләргә туры китереп башкара ул. Сулыш иркенлеге, мелизмнар төгәллеге, башкару экспрессиясе белән табигый рәвештә үрелеп бара.

Рафаэль Ильясов озак еллар Татарстан радиосының музыкаль тапшырулар редакциясен җитәкләде. Әле хәзер дә радиода «Осталык һәм остазлык» тапшыруларын оештырып алып бара. Милләтебезнең мәртәбәле шәхесләре белән оештырган тапшыруларда иҗатчыны һәр яклап, бар иҗат куәсен белеп эш итә. Радио эфирында яңгырату өчен концертлар да әзерли, татар җыр сәнгате сафлыгы өчен дә көрәшә ул. Һәрвакыт сүзгә, аһәңгә игътибарлы кеше. Иҗатташ дуслары Рафаэль аганы үтә дә таләпчән редактор буларак бәяли. Җырдагы һәрбер аваз гына түгел, тыныш һәм хәттә өн дә урынлы һәм акланган булырга тиеш. «Тыңлаучы бер ишетүдән төшенсен, аңа бит үз интерпретацияңне аңлатып лекция сөйләп булмый, яңгыраганда җыр барысын да үзе эшләргә тиеш», - дип саный маэстро. Быел олуг җырчы 75 яшьлеген С.Сәйдәшев исемендәге Зур концертлар залында билгеләп узды.

- Ятимлектә үскәннәрнең күңеленә Аллаһы Тәгалә моңны күбрәк сала диләр...


- Бу сүзләрдә хаклык бардыр. Мин дә шактый тормыш кыйнауларына дучар ителдем. Язмыш сынамады түгел, шактый сынады. Унбер яшемннән ятим калдык. Әниебез бик яшьләй бездән аерылып бакыйлыкка күчте. Әти исән булса да, яңа хатынын көйләүдән бушамады. Безнең үги ана белән күргәннәрне Аллаһы Тәгалә беркемгә дә күрсәтмәсен инде. Мин авылдашларым киңәше белән Казанга китеп котылдым. Башка оланнарыбызга үги ана ачысы бик нык тәтеде. Шәхсән үземә моң әткәй-әнкәйдән күчкәндер. Әти, мәрхүм, гармунда бик шәп уйнап, җырлый торган иде. Әгәр без - балалары күп булмаган булсак, тормыш сынауларына сыгылмаса, Рәшит Ваһаповка шактый зур көндәш булган булыр иде, дип искә алам мин аны. Ләкин аңа сәхнәләргә чыгып, халыкка сәнгать шатлыгы өләшергә язмыш насыйп итмәде. Ишле гаиләсен туйдыру өчен көне-төне эшләде, пенсиясенә дә чыга алмыйча дөнья куйды.

- Сәнгать дөньясы белән ничек кызыксына башладыгыз?


- Авылыбызга яшь укытучылар килгәч, безгә сәнгать дөньясы ачылып китте. Дәресләрдән соң укучылар белән мәктәп сәхнәсендә концертлар куюны оештырып җибәрдек. Мин анда бик актив катнаштым. Җиде классны тәмамлаганнан соң, музыка укытучыбыз Гөлнәзирә апа: “Сиңа Казанга барырга кирәк, җырчы чыгачак синнән”, - дип тәкъдим ясады. Казанга бардым, 14 яшь кенә булгач, вокал бүлегенә алмадылар. Әмма кесәңдә бер тиен акчаң, ярдәм итеп торучың булмаган килеш, олы калага чыгып китү зур тәвәкәллек булган. Минем бәхетемә, авылдашларыбыз Казанда яшәгәнен белдем. Аларда малайлыкта тордым. Минем өчен бу олы тормышка юл иде. Аларга гомерем буе рәхмәт укыйм, чөнки иң авыр чакларымда әти-әниемне алыштырдылар. Су китерү, утын яру, кыш көне кар көрәү, кибеткә ипигә бару эшләрен мин малай кешегә башкару бер дә авыр булмады. Аларда яшәү миңа укырга мөмкинлек бирде. Аларның рухына багышлап әле дә садака бирәм. Язмыш мине тормыш юлымда мәрхәмәтле кешеләр белән еш очраштырды. Музыка училищесында да, консерваториядә дә остазларымнан уңдым. Гобой классында укысам да, җырлау минем белән рәттән барды. Җыр белән гобойны бәйләп үз көнемне үзем күрә башладым.

- Рафаэль ага, ә радиода эшләү теләге студент чакта ук тудымы?


- Дөньяда радио, радиотапшырулар барлыгын мин 1954 елда Казанга килгәч кенә белдем. Безнең авылда радио юк иде. Радио түгел, электр лампалары да 1960нчы еллар башында гына кабынды безнең авылда. Казан музыка училищесының икенче курсын тәмамлагач кына укытучым Мөбарәк Батталов мине үзенә ияртеп радиога Татарстанның атказанган артисты, мәшһүр музыкант, искиткеч талантлы концертмейстр Екатерина Соколова янына алып килде. Без аның белән байтак репетицияләр ясаганнан соң, мин гобойда, ул фортепианода халык көйләрен башкарып радиотапшыруларда катнаша башладым. Екатерина Александровна мине әкренләп музыкаль тапшырулар редакциясе хезмәткәрләре Зәйнәп Хәйруллина, Маһинур Җиһаншина, Исмай Шәмсетдиновлар белән таныштырды. Шулай итеп, үземне Татарстан радиосы һәм аның хезмәткәрләре белән 1950 еллар уртасыннан бирле яхшы таныш идем дип әйтә алам. Редакция хезмәткәрләре миңа композиторларыбыз әсәрләрен күбрәк башкарырга киңәш иткәч, А.Ключаревның гобой һәм фортепиано өчен махсус язган пьесаларын, С.Сәйдәшев музыкасын, халык көйләрен өйрәнеп, чыгышлар ясаганым әле дә исемдә.

- Ул чорларда сәнгать советлары көчле эшләгәнен беләбез...


- Ул вакытта редакция эше юнәлешен, радиодагы музыкаль сәясәтне дөрес билгеләүдә сәнгать советы әгъзаларының роле бик зур иде. Ник дигәндә, анда республикабызның күренекле композиторлары, музыка белгечләре, шагыйрьләр, җырчылар, төрле уен коралларында уйнаучы музыкантлар керә иде. Шундыйлардан Заһид Хәбибуллин, Җәүдәт Фәйзи, Александр Ключарев, Рөстәм Яхин, Сибгат Хәким, Азат Аббасов, Зөләйха Хисмәтуллина, Мәхмүт Нигъмәтҗанов, Йолдыз Исәнбәт, Гөлшат Зәйнашева һәм башка мөхтәрәм кешеләрнең исемнәрен атарга мөмкин. Яңа җыр, романс, камера музыкасы әсәрләре йә булмаса башка жанрда иҗат ителгән һәрбер музыкаль әсәрнең язмышы сәнгать советынды хәл ителә, тормышка юллама ала иде. 1964 елдан 1990 елга кадәр - сәнгать советның иң актив эшләгән чоры. Шул вакыт төрле жанрларда иҗат ителгән бик күп яңа әсәрләр дөнья күрде һәм алар магнитофон тасмасына язылып, милли-рухи байлыгыбыз үрнәкләре буларак радио фондына алындылар, тапшыруларда яңгырап, тыңлаучыларыбыз тарафыннан бик җылы кабул ителделәр. Ул вакыттагы сәнгать cоветы турында зур иҗади, фәнни хезмәт язарга мөмкин. Ике сәгатьлек әсәрне тыңларга 15-20 кешедән торган сәнгать советы җыела. Ә балаларның аерым сәнгать советы бар иде. Анда инде балалар өчен язган күренекле шәхесләребез катнашты. Ул еллардагы таләпчәнлекне, иҗади күтәренкелекне хәзер күз алдына да китереп булмый инде.

- Чыннан да, музыка сәнгате зур үсеш кичергән заман булган...


- Ул еллардагы музыкаль тапшырулар редакциясе хезмәткәрләрен мин бер дә икеләнмчә музыка илчеләре дип әйтер идем. Казанга Япониядән, йә булмаса Монголия, Кытай Халык республикаларыннан композиторлар килә икән - Татарстан Композиторлар берлеге җитәкчеләре кунакларны еш кына радиога симфоник, опера һәм балет музыкасы, хор әсәрләре, халык көйләре тыңларга алып киләләр иде. Бу мизгелләр үзенә күрә искиткеч иҗади лабораториядә эшләүне хәтерләтә, редакторларның музыка дөньясына булган карашларын киңәйтә, белем-мәгълүматларын арттыра иде. Телебезгә хәзер “торгынлык еллары” дигән гыйбарә килеп керде. Белмим, профессиональ сәнгатьтә торгынлык дип мин соңгы берничә елны әйтер идем. Ә ул 60-70нче елларда исә, минемчә, татар профессиональ музыкасы торгынлык кичермәде. Ул елларның һәр атна пәнҗешәмбе көнендә композиторлар берлегендә көйязарлар, музыка белгечләре, җырчылар, шагыйрьләр, радио һәм телевидениедә эшләүче музыка редакторлары катнашында яңа әсәрләр тыңлау оештырыла иде. Бер генә яңа әсәр дә игътибардан читтә калмый. Ул елларда берлекнең җаваплы секретаре булып эшләүче Зәйнәп апа Хәйруллина берничә көн алдан хәбәр итеп һәммәбезне бәйрәм табынына җыйган кебек Союзга чакыра иде.

- Рафаэль абый, мондый җыеннарда яңа әсәрләргә мәйдан бирә идегезме?


- Пәнҗешәмбе утырышларында җырлар гына түгел, зур күләмле симфония, опера, балет, оратория кебек әсәрләрне дә тыңлап, фикер алышалар. Талантлы язылган әсәрләр, гадәттә, бәхәс кузгатмый, авторларны ихластан котлыйлар иде. Шундый пәнҗешәмбе утырышларының берсендә Рөстәм Яхинның шагыйрә Гөлшат Зәйнәшева шигыренә язган “Китмә, сандугач” дигән яңа җыры тыңланды. Ул утырыш матур бер бәйрәм кебек булып минем хәтеремдә калды. Салкын кышкы көн иде. Рөстәм абый үзенә хас тыйнаклык белән рояль янына килеп утырды да, үзе уйнап, яңа җырны җырлап күрсәтте. Соңгы аккордлары тәмамланганда, барлык тыңаучылар, дәррәү кул чабып, Рөстәм абыйны кайнар котладылар, тәбрикләделәр. Альберт Семенович Леман урыныннан торды да: “Молодец, Рөстәм! Бу гади сандугач кына түгел, шампан шәрабында коенган сандугач! Котлыйм, чын күңелемннән котлыйм”, – диде. Ашыгып килеп, Рөстәм абыйның кулын кысты. Күп вакыт башын кыңгыр салып, тыңлап кына утырырга яратучан композитор Александр Ключаревның да кинәт теле ачылды: “Гүзәл җыр иҗат иткәнсең, Рөстәм, сабакы! (Александр Сергеевич яраткан кешесенә үз итеп шулай “Сабакы” дия торган иде). Озын гомерле булыр бу сандугач!” – диде. Дулкынлануыннан кып-кызыл булган Рөстәм абый сабыйларча куанып, әле бер якка, әле икенче якка борып башын иде, тыңлаучыларга рәхмәт әйтте.

- Иҗатчы буларак, нәрсәләргә борчыласыз?


- Күңелемне әрнеткәне - балалар әсәрләренең аз булуы. Еш кына сәхнәгә чыккан балалар өлкәннәр башкара торган әсәрләне җырлый. Ә бит заманында балалар беренче урында тора иде. 1990нчы елларда сәясәт үзгәргәч, балаларга һәм профессиональ сәнгатькә игътибар кимеде. Казанда шартлатып татарча җырлаган балалар хоры бармы бүген? Телевизордан 3-4 яшьлек балалар да мәхәббәт турында җырлый. Моны бүгенге музыкаль сәясәтнең тискәре нәтиҗәсе дип аңларга кирәк.

Казанда музыка укытучылары әзерли торган музыка факультеты бар иде. Хәзер ул КФУның С.Сәйдәшев исемендәге сәнгать институты дип атала. Бик күптәннән эшләп килә. Шушы институтны елына ун белгеч тәмамлаган булса, аның берсе генә мәктәптә эшләргә мөмкин. Әле анысы да балаларга милли юнәлештә белем бирәме икән дигән сорау туа. Шуңа күрә балаларның музыкаль тәрбиясе юк дәрәҗәсендә. Без бәләкәй чакларда укытучы апаларыбыз музыка дәресләре алып бара торган иде. Менә алар музыкант та түгел, бернинди музыка уку йортларында да укымаганнар. Ә безгә - бала күңеленә ятышлы җырларны үзләре җырлап күрсәтәләр һәм шуны өйрәтәләр иде. Менә шундый дәресләр вакытында күңелләренә җыр куәсе салган күпме даһи җырчыларыбыз үсеп чыкты.

Математика, химия йә булмаса башка фәннәрне белү бик яхшы. Ләкин кешенең эстетик үсеше, зәвыгы турында шулай ук, бер үк дәрәҗәдә кайгыртырга тиешбез. Хөкүмәтебез, тиешле министырлыклар адәм баласына эстетик тәрбия бирү турында бик нык уйларга тиеш. 


Мөршидә КЫЯМОВА
Интертат.ру
№ | 09.01.2015
Интертат.ру печать

Фикерләр

Исем:
E-mail:
Текст:
 
№38 (897527) / 14.01.2015 21:43:05

абау, "чабата тараканы" - нинди куркыч - бррр. Аллаһым сакласын! "Клеоп" өчен, гафу үтенәм?!

№37 (897521) / 14.01.2015 21:17:46

33.34, 35ләр - , э сез тараканмы

№36 (897520) / 14.01.2015 21:11:41

бер үк кеше - клон яки клоп, әстәгы..

№35 (897349) / 13.01.2015 22:19:08

Эльза!

№34 (897334) / 13.01.2015 20:39:53

Бик куптэн Уфага килгэн иде. Концертында "Буген иртэнгэ кадэр жырлыйбыз" дигэне хэтеремдэ.Хэм жырлады да!Татарнын йозек кашы, куплэрнен яраткан жырчысы. Артистларны чагыштырып, ботка ботап утыручыларга сузем шул;хэр кешенен уз жырчысы, хэр жырчынын уз жыры.Мин шэхсэн аларга рэхмэт кенэ эйтэ алам

№33 (897330) / 13.01.2015 20:18:53

№30, Илһамнан ким булмыйча, артык булып та Рафаэль Ильясоа Тукай бүләге ала алмаганга ул...)))))
Анын артык булуын элбэттэ син билгелисен инде Иркэ!
Ким дэ тугел,лэкин артык та тугел!
Чонки, тапкансыз чагыштырыр кешелэрне!
Беркон узен, бармак белэн нэрсэне чагыштырмаска кушкан иден эле?

№32 (897285) / 13.01.2015 16:03:01

№30, Илһамнан ким булмыйча, артык булып та Рафаэль Ильясоа Тукай бүләге ала алмаганга ул...Ә бит алар яшьләре белән бер чама!!!

Илһам абзаң кеше икән, үзе барып әйтсен комиссиягә. Безгә төкерсәләр дә, аңа төкермәсләр...Эш шунда...

№31 (897278) / 13.01.2015 15:44:06

Тыңкышлар күкрәк какканда,"Илһам"нарның илһамы кача!

№30 (897273) / 13.01.2015 15:36:38

Ни тотындыгыз инде сигезенче дистәсендәге Илһамга ревизия ясарга! Заманында Карурманны ул башкарган кебек берәү дә җырлый алганы булмады әле!Рафаэль матур җырлый дип, нигә башкаларга пычрак атарга. Сәнгать кыры киң, анда сыйфат чоры дигән чикләр генә бар. Җырласын, бирсен Ходай 80гә кадәр дә, аннан ары да җырласын, тик сәхнәдән түгел.Әнә бер ханым үлгәнче җырлап йөрде бит әле, инде җырчы чикләрен күптән узган булуга карамастан. Ә бер җырчыны гомере буе үкчәле туфлилардан гына йөреп, 100 яшендә аларга баса алмагач,юбилеена аяк киемнәрсез, балконга күтәреп мендереп кенә утырттылар. Сез әллә шундый "дан" көтәсезме?

№29 (897264) / 13.01.2015 14:36:49

№ 27, шартласа да Рахматуллин "Олы юлнын тузаны"н жырлый алмый.

№28 (897263) / 13.01.2015 14:11:08

Бу биткә килеп бер сүз әйтим.Салават интервьюының бер мәгънәлерәк җире бар. Татар һәм башкорт җыры аермасы турында.Салават шул һаман Илһамны тәкърарлый. "Илһам абый җырларые башкорт халык җырын җырлый алса," -диде.
Салават әфәнде, Илһам абый 25 ел элек сез үзегез җырлап безне кинәндергәннәрнең берсен дә җырламады. Илһам Шактров кайдандыр казып чыгарылган, халык арасында бөтенләй җырланмаган "Ай былбылым" ны җырлый иде. Һәм шул стильдә "Карурман" һәм күп еллар халыкныкы дип әйтеп киленгән "Син сазыңны уйнадың". Соңгы елларда гына үзенә дәрәҗә өстим диптерме, "Син сазыңны уйнадың" ның авторлыган әйтте. Әмма дәрәҗә өстәмәде, "Караурман" ның да авторы ул түгелме икән дигән шик уятты.

Ә менә чын татар халык җырларын Вагапов, Басырова, Якупов, Рахимкулов, Бигичев, Кудашева, Салават Һәм Рафаэль Ильясов җырлады.

Салаватның татар халык җыры язмалары калмагандыр да мөгаен, ул аларны җырлый башлаганда гына башкарды.Калганнарның аерым-аерым җыр язмалары бар.

Ә менә Рафаэль Ильясовның чын татар җырларыннан гына торган язмалары бриллиантка тиң!

Быел да бирмәсәләр, халык битенә төкерү белән бер. Төкерсәләр төкерерләр инде.Сөртербез. Без күнеккән!

№27 (897080) / 12.01.2015 08:35:08

Бер конне радиодан Ринат Рахматуллин "Олы юлнын тузаны" жырын башкарды!!!

№26 (897014) / 11.01.2015 17:57:39

Рафаэль Ильясов - жырчыларнын жырчысы.

№25 (896927) / 11.01.2015 09:20:03

Хосет булма инде, мин хӨсет түгел!
Татар баласы шундый булса мин бик шатланыр идем дә бит,синдәй "тар күңеллеләрдән", аңсызлардан, диДилләр туа тора шул...

№24 (896919) / 11.01.2015 09:01:59

Хай Мансур Ырынбур эфэнде! 25 тел белуче ул рус егетенэ "Афэрин" генэ диясе. Агуынны чэчеп хосетлэнеп ятма инде! Нинди тар кунелле сон безнен татар??

№23 (896883) / 10.01.2015 18:31:47

Алга таба аңлатырга кирәкми. Барысы да аңлашылды.Җырдагыча: "Билгеле бит инде болай да..."

№22 (896882) / 10.01.2015 18:21:33


КЕмгәме?Җавап Сарман районы сайтында.Төркиягә турыдан туры бәйләнеш юк, анда кайчандыр Сәлимхан дигән солтан булуын исәпләмәгәндә.
Чүп-чардан аралау проекты башлансынга әлегә шартлар юк.Рафаэль аганың иң зур "гаебе" -талантлы булуында.

№21 (896881) / 10.01.2015 17:57:40

Рөстәм Зарипов,
"Татар җырын чүп-чардан аралау проекты көн тәртибенә куелса, бу эшне ул җитәкли алыр иде..." - дип Рафаэль әфәндегә күп дошманнар эстәмәкче буласың ахрысы...Шушы көнгә кадәр исемнәр бирелмәүнең сәбәбе син әйткәннән түгелмикән?
Чын талантларга бездә юл ябык бит...

№20 (896880) / 10.01.2015 17:44:58

"Сәлимхан" җыры кемгә багышланган? Аның Төркия белән нинди бәйләнеше бар? Аңлатып китмәссез микән?

№19 (896876) / 10.01.2015 17:32:13

Мансур әфәнде, Сезгә мәгълүматыгыз өчен рәхмәт. Танышып чыктым.

№18 (896875) / 10.01.2015 17:28:40

Рафаэль ага күп еллар, көнне "Тыңлагыз, Казан сөйли!" дип башлаучы милли университет вазифасындагы затлы Татарстан радиосының музыкаль редакторы булып эшләде һәм сәнгатъ киңәшен җитәкләде. Эфирга бары тик затлы җырлар затлы җырчылар башкаруында үтүен Ул тәэмин итте. Халык җырларын гына башкарды.Минем җырларга (Тамчы гөл, Буа балалар ансамбле башкарылышында "Алфавит һ.б.) яшел урам булды. "Рафаэль абый, композитор җырларын да башкарып карарга теләмисезме?"-дигән соравыма, "энем берүк алар хакында әйтә күрмә", дигәне хәтергә уелып калды. Җырчы буларак Рафаэль агай уникум. Башка шәп җырчыларның олыгайгач тавышлары шөкәтсезләнә, аныкы ачыла гына бара.Татар җырын чүп-чардан аралау проекты көн тәртибенә куелса, бу эшне ул җитәкли алыр иде...
http://rustemzaripov.blogspot.ru/p/blog-page_06.html

№17 (896870) / 10.01.2015 16:42:25

Рафаэль абый башкарган жырларны жырлау телэсэ кайсы артистлар кулыннан килми шул. Татар ХАЛЫК жырларын башкару диюем.Хэзер бит 2 ноталы жырлары белэн туп-туры да топ пошел, кая анда мон турында суз дэ булырга момкин тугел.Конкурсларда энэ шундый озын, бормалы халык жырларын жырлатып урыннар чыгарырга кирэк. Куз алдына китерэсезме: "Олы юлнын тузаны"н, "Шахта"ны, х.башкаларны Тямаевнын, Р.Зариповнын, Монир Рахмаевнын, х.б. жырчыларнын жырлавын???

№16 (896861) / 10.01.2015 15:31:57

Менә монда Мурзиева турында күп мәгълүмат бар:http://www.romance.schoolharmonya.com/?q=en/node/332

Ә безләр белми дә утырабыз!

№15 (896860) / 10.01.2015 15:23:37

Чыгып булса, Гульнара Мурзиева язмасы адресын куям...
https://vk.com/search?c%5Bq%5D=%D0%93%D1%83%D0%BB%D1%8C%D0%BD%D0%B0%D

№14 (896857) / 10.01.2015 15:13:09

хай Мансур Ырынбур, Черневны беркем дә махсус укытмаган... хәер, математика укытучысы татар булган, ул бераз юнәлеш биргән. Беренче өйрәнгән теле - итальян теле. Күп нәрсәне инеттан үзлегеннән алган. Гарәп теленең төрле илләрдәге диалектларына хәтле аера ул. Телләрнең күбесен язма вариантлары белән үзләштергән. Университетында күпләр аның башкорт булмавына ышанмыйлар да икән инде. Гаиләсендә бер полиглот та юк!Кызганыч, миңа әле аның белән кара-каршы утырып аралашырга да туры килгәне юк. Шәһәребез егете булуга карамастан очраша алганыбыз булмады. Бары скайп аша гына сөйләшеп-язышып аралаштык.Аның һәр минуты планлы!Менә ул үрнәк итеп күрсәтерлек шәхес! Бу инде килде-китте "йолдыз" түгел!

№13 (896853) / 10.01.2015 14:29:30

Рафаэль абыйның җырлавын бик яратам. Тукай премиясен бирсәләр, бик шат булыр идек.

№12 (896852) / 10.01.2015 14:26:11

Бар шул. Ялгышмасам, Рәгъде Халитовның кызы дип беләм.Берничә еллар элек җырлаганын тыңлаган идем. Хәзер күренми шул. Ә Айгөлнең миндә дискасы бар.

№11 (896827) / 10.01.2015 11:06:18

Голнара Мурзиева?! Андый жырчы да бармыни?!

№10 (896826) / 10.01.2015 10:44:49

Соклануга! Затлы моңлы җырчыларны телевизордан күрсәтмиләр шул. Айгөл Хәйри, Гөлнара Мурзиева кебек җырчыларны күргәнегез бармы соң! Ә бит бар зәвыклы җырчылар. Ләкин телевидениегә якын китермиләр. Моңы булмаганнарны, акча түләгәч, көн-төн күрсәтәләр.

№9 (896822) / 10.01.2015 09:33:14

///Иншалла, татар телен дә ятим итмәс!///

бигрәк тә бер катлы ,әйбәт күңелле,ярдәмчел ,иманлы да кеше син!! нет худа без добра,ди старшой быррат. эх шулай итеп бер талантлы татар егетенә булышсаң икән. юк шул,татар егетләренә акча кирәк,уку турында уйламыйлар да.

әнкәсе кем? ятимнәрне кулга төшерү бик җайлы. моңа кдәр кем укыткан аны 25 телгә? ВСУда укымагандыр бит?

№8 (896820) / 10.01.2015 09:03:27

Бары сәнгатькәрләргә генә дә кагылмый бугай ул Татар Хөкүмәте тирәсе даирәләренең "Не пущщать!" сәясәте. Ике ел элек очраклы гына уникаль шәхес - 25 телдә сөйләшүче 18 яшьлек рус егете Вячеслав Чернев белән аралашып киттем. Егетнең төрки телләрне, шул исәптән татар, башкорт телләрен су кебек эчүе мине таң калдырды! Ул чагында танышым пединститутның чит телләр факультетына яңа гына укырга кергән иде. Мин булган элемтәләремне файдаланып егетне Татар иле җитәкчеләренә күрсәтергә тырышып карадым. Юк шул, Кирмәнгә керә алучыларның берсе дә юл ачмады.
Моңа карап кына егетебез югалып калмады. Аны күрше республикада күреп алдылар. Ул бүгенге көндә башкорт-гарәп телләренә хезмәт итәргә әзерләнеп ята. Әнисе ярдәмендә генә булган ятим егеткә хәзер бөтен мөмкинлекләр тудырылган, ул фән юлында инде. Иншалла, татар телен дә ятим итмәс!

№7 (896816) / 10.01.2015 08:06:59

Соклану,
мин дә сокланам,
әмма, татар җыры калыр,татар үзе калмас...

Аптырау,
мин дә аптырыйм.
минихан тирәсендә бар андый кешеләр,әмма Рфаэлдән җон да,җүн дә юк...


Сәйлән!!!

Алмаз Хәмзин әшибкәсен кабатлама!!

Алмаз шешәмиев партиясе турында сөйләп,бүгенгә кадәр бер исем дә ала алганы юк...

№6 (896811) / 09.01.2015 23:38:04

Гел җырлап кына йөрсә дә Рафаэль абый Рәсәйнең атказанган артисты исемен алырлык бит инде. Ә ул габой буенча югары белемгә ия, радиода эшләве генә дә музыка профессоры исеме алырлык. Ул оста лектор, оештыручы. Хезмәтләре Тукай премиясен генә алырлык инде югыйсә, юк, дан-дәрәҗә чын сәнгатькәргә эләкми. Милли сәнгатьне юкка чыгарып йөрүчеләргә ак җәймә инде бездә. Аптыраш. Ул Миңнехановлар тирәсендә берәр татарны өскә күтәрердәй киңәшчеләр, ярдәмчеләр булыр микән?

№5 (896810) / 09.01.2015 23:32:18

Быел Тукай премиясе тарткалашы иртэрэк башланган икэн.

№4 (896797) / 09.01.2015 22:44:09

Яна гына Майдан каналыннан Рэшит Вахапов фестиваленен юбилей концертын курсэттелэр. Супер! Татарда бар , бар тавышлар, аллага шокер! Артур Исламов, Илусэ Хужина, Ростэм Асаев , Ришат Тохватуллин, Руслан Сэйфетдинов, Илхам Валиев!!! Илхам Шакиров белэн Бибигол Тулегенова да, олы яшьтэ булсалар да, тан калдырдылар. Э Альбина Шагиморатованы эйтте тэ торасы юк- мировой уровень ! Болай булса , татар жыры Яши!

№3 (896792) / 09.01.2015 21:21:14

Кем ул Сэйлэн? Бигрэклэр дэ дорес язган.Э язу стиле нинди!

№2 (896770) / 09.01.2015 20:09:56

Быел төшермәсләр дип ышанырга кирәк!!!

№1 (896767) / 09.01.2015 20:02:27

Рафаэль абый күптән инде Тукай бүләгенә лаек милләт зыялысы,әмма аны тәкъдим итсәләр дә төшереп калдыра килделәр. Бәлки быел уздырырлар?Соңыннан ыгрырашучылар табылыр да бит...


«Бүген сәнгать урамда каңгырап йөри»
Фердинанд Сәләхов. 09.11.2014 Мәдәният
...
Җансыз, сансыз, кансыз заман килде,
Кадер бетте татар сәнгатенә.
Фәхишә күк чатта Терпсихора
Басып тора карап сәгатенә.

Чынлап вакыт барлыймы ул,
әллә
Оялудан карап ала микән?
Сәнгатькә соң илдә, фахишә күк,
Көн күрергә шулай кала микән?

Шара кагып, көн дә, туп куалап,
Җилгә оча нинди миллионнар!
Чатта юкка чыккан кызлар кебек,
Юкка чыга чатта милли моңнар.

Әгәр сәнгать чыгып баскан икән,
Фахишәләр чират көткән җиргә,
Ил дә тормас! Беркөн күчеп китәр,
Гоморра, я Содом киткән җиргә.

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar