Матур гадәт буенча Яңа ел төнендә иң тугры “матбугат”чыны билгелибез

Кем дә кем бәйрәмне безнең белән каршылый, шул 2015 елның беренче секундларында шушы язма астында комментарий язып куярга тиеш була. Кем беренче – шул җиңүче! Шул кешенең кәрәзле телефонына 300 сум килеп төшәчәк! Уенның шартлары белән танышыгыз:

1. Уендa һәркем катнаша ала.

2. Комментарий Кагыйдәләргә туры килергә тиеш.

3. Комментарий язганда Е-mail дигән җиргә чын электрон адресыгызны кую мәҗбүри. Сезнең белән шул адрес буенча хәбәрләшәчәкбез. Электронкаларын күрсәтмәгән яки ялгышып язган кешеләр уеннан төшеп кала.

4. Әгәр җиңүчеләр берничә булса һәм язган комментлары секундына кадәр туры килсә, бүләк алар арасында бүленәчәк (кулланучыларга комментарийның сәгате һәм минуты гына күренә, секундларын админ панельдән карап беләчәкбез). 

5. Сайтның шапкасындагы сәгать - эталон. Комментарийның минут һәм секундлары шул сәгать буенча эленә. Җиңүчене хәл итү дә шул сәгать буенча башкарылачак.

6. Җиңүчене гыйнварның беренче көннәрендә игълан итәчәкбез һәм, үзе каршы килмәсә, аның турында язма эләчәкбез.

P.S. Бу бәйге “Матбугат.ру”ның традициясенә әйләнде. Аны 2011, 2012, 2013, 2014 елларны каршылаганда да үткәргән идек. Комментарийларның саны күрсәткәнчә, Яңа ел төнен “Матбугат.ру” белән бик күп кеше каршылаган. Быел да бергә булыйк!