22.12.2014 Шоу-бизнес

Күрәзәче КЛИП: DJ Радик мотоциклы белән клиптагы сыман авариягә эләккән

Мәскәүдә яшәп иҗат итүче DJ Радик, мотоцикл белән мавыгуы аркасында, шактый вакыт хастәхәнә юлын таптый. Эш шунда: быел җәй әтисенең авылыннан (Түбән Новгород өлкәсе, Рыбушкино) ерак булмаган тауга мотоцикл белән менеп, күңелсез хәлләргә тарый. Җитмәсә үзе генә, янында беркем дә булмый.

– Буш вакытым аз булуга карамастан, мотоциклда йөрергә бик яратам. Җәй көне әтиемнең авылыннан ерак булмаган тауга менәргә ниятләдем. Үземә максат куйсам, аны эшләмичә туктый алмый торган бер начар гадәтем бар. Берүзем мотоциклга утырып чыгып киттем, – дип башыннан кичкән вакыйгаларны сөйли башлады ул Intertat.ru хәбәрчесенә. Сүз уңаеннан, бу тауда җырчы Айрат Сафинның “Яшә җирдә” исемле җырына клип төшерелгән булган. – Съемка вакытында тауның кире ягыннан менгән идек. Ә мин бу юлы текәрәк ягын сайладым. Кызганыч, тауның бик текә һәм үләннең юеш булуын менеп җитәрәк кенә аңладым. Әле җитмәсә тизлекне дә арттырган идем. Тауның уртасындарак бер тәгәрмәч әйләнми башлады. Егылганда мотоцикл өстемә төшеп, гәүдәмне сытмасын өчен, аны яткырырга чак өлгедем. Шулай итеп егылудан тыелып калсам да, билем урыныннан чыкты. Җәрәхәтләнгән урыным авыртып, җиргә яттым. 10-15 минут шул рәвешле ятып торганмындыр. Үземнең акылсыз гамәлем турында уйландым. Авырту бетмәде. Кояш баерга да санаулы минутлар калып бара иде. Утырып түгел, атлый да алмадым. Шул мизгелдә яңгыр яварга тотынып, әллә каян көчле җил чыкты.

Бу куркыныч вакытта тиз арада Радикка ярдәм чакыртырга кирәк була. Ә i-Phone ында 3 процент зарядкасы гына кала. Дус егетенә шалтыратып, үзенең кайдалыгын һәм ничек табасын әйтеп бирә анысы. i-Phone сүнәргә бер минут кала, башына үзенең геолокациясен җибәрү идеясе килә. Ул аны коткара да. Ярдәм чакырырга җае чыкмаган булса, Радикка анда кунарга туры килгән булыр иде. Бер сәгатьтән соң аның янына дуслары килеп җитә. Урыныннан да тора алмаган Радикны тиз арада хастәхәнәгә алып китәләр. У меня много свободного времени на работе, поэтому часто не знаю, чем себя занять. Друг посоветовал перейти по ссылочке , и скачать на телефон лицензированные казино . Теперь постоянно кручу барабаны на игровых автоматах, и зарабатываю неплохую прибавку к зарплате. И это очень интересно.

Бу күренешләр Айрат Сафинның клибындагы сыман килеп чыга да. Нәтиҗәдә, ул 3 ай буе йөри алмый. Ә гастрольләргә чыкканда, авыртуны баса торган укол ясыйлар. Сүз уңаеннан: бу урын әтисе авылыннан якынча 20 чакрым ераклыкта урнашкан. Радик анда җәяү дә барып җитә алмаган булыр иде. Аны бары Аллаһы Тәгалә, i-Phone һәм GPS функциясе коткара. Intertat.ru хәбәрчесенә хәзер инде әйбәт кенә йөри алуын, һәм башка юлы тауга мотоцикл белән менмәячәген әйтеп узды. Шулай да, бил турысындагы сызланулары әле дә үзен сиздереп тора. Бүгенге көндә Радик мануаль терапия курсларына һәм шәхсән аның өчен эшләнелгән дәвалау тән тәрбиясе алып йөри икән.

Эльза ГАЗИЗОВА
Интертат.ру
№ | 21.12.2014