|
|
Бүген кемнәр туган
|
|
Архив
|
08.04.2009 Интернет
"ПӘРӘВЕЗ"НЕҢ КӨФЕР ПОЧМАГЫ"Балалар кайвакыт мәктәп компьютерларыннан порносайтларга да керә". Әлеге чәчләрне үрә торгызырлык хәбәрне Татарстан мәгариф һәм фән министры урынбасары Людмила Ногуманова җиткерде. Әлбәттә, бу бөтен мәктәпләрдә дә шундый хәл күзәтелә дигән сүз түгел. Тик "бюджет интернеты"ның белем алу өчен генә кулланылмавы бәхәссез. Мәктәп компьютеры артында утыручыларның "бөтендөнья пәрәвезе"ндәге кайсы сайтларда йөрүен министрлыкта атна саен тикшереп торалар. Март ахырында уздырылган тикшерү күрсәткәнчә, укучыларны фәнни язмалар белән танышуга караганда дуслар белән хат алышу ныграк кызыксындыра. Балаларның интернетта казынып үткәргән вакытларының бары 5 процент тирәсе генә белем алуга юнәлдерелгән. Аның каравы, укучылар хат алышу, видео карау, төрле уеннарга вакытларын да, һәр мәктәпкә бүлеп бирелгән "мегабайт"ларны да жәлләми.
Дөрес, монда, иң беренче чиратта, укучыларны түгел, ә бу хәлгә күз йомучы укытучыларны гаепләргә кирәктер. "Без интернеттан дөрес файдаланмыйбыз. Мөгаллимнәр укучыларның "бөтендөнья пәрәвезе"ннән нинди мәгълүмат алуларын күзәтеп, аларны начарлыктан йолып калырга тиеш", – ди Людмила Ногуманова да. Тик менә 2008 елда ук барлык мәктәпләргә дә җибәрелгән "начарлыктан йолып калу" юлы – контент фильтры системасы кайбер уку йортларында әлегә кадәр урнаштырылмаган икән.
--- |
Иң күп укылган
|