Рөстәм Яхин гимнны яхшырак язган булыр иде... (ФОТО)

«Моннан 21 ел элек тә Рөстәм Яхинны соңгы юлга озатканда көн шушындый тыныч, явым-төшемсез, кояшлы иде», - дип искә ала композитор кабере янына чәчәкләр күтәреп килгән Светлана Харитонова. Светлана ханым - Рөстәм Яхинның мирасчысы, аның хатыны Хәлимә Таҗетдинованың бертуган апасының кызы. Хәлимә Таҗетдинова 2004 елда вафат була. Аларның Рөстәм Яхин белән каберләре янәшә, бер чардуган эчендә. «Хәлимә апа да музыкага гашыйк кеше, аның да музыкаль белеме, язган җырлары бар иде. Алар Рөстәм Яхин белән яшьлектән таныш булсалар да, олыгая төшкәч кенә өйләнеште. Хәлимә апа композиторның фикердәше булды», - дип ачыклык кертә Светлана ханым.  

 

 

- Без туганнар, балалар белән ел да Рөстәм Яхин каберенә киләбез. Әмма композиторны искә алу көнен бөтен татар җәмәгатьчелеге өчен мөһим чара булуын теләр идек. Аны Чайковский, Рахманинов кебек бөек композиторлар белән тиңләргә мөмкин. Мондый талантлы шәхесләр мең елга бер генә туа. Ул - Татарстанның горурлыгы. Рөстәм Яхин үзенең тапсыз гомере һәм бай иҗаты белән аерым игътибарга, һичшиксез, лаек. Ул тормышта бик тә йомшак, итагатьле, зыялы кеше иде, беркайчан да башкаларга каты сүз белән бәрелгәне булмады. Үзенең туган шәһәре Казанны, туган ягын бик нык яратты, аны чит илләргә чакыручылар да бар иде, әмма тормышын туган иленнән башка күз алдына китерә алмады. Аның кайсы гына әсәренә тукталма, бөтенесе бүген дә яратып кабул ителә. Һәр җырчының репертуарында Яхинның милли моңнар белән сугарылган әсәрләренә дә урын бирелгән. Бәйге-фестивальләргә әзерләнгәндә яки чит илләрдә татар сәнгатен тәкъдим итәргә кирәк булганда, безнең артистлар беренче чиратта Рөстәм Яхин романсларына мөрәҗәгать итә. Соңгы ун елда мин композиторның шәхси архивын рәткә салу белән шөгыльләндем. Эшнең зур өлеше тәмамланды инде, хәзер булган шушы бай материалларны туплап, бастырып чыгару мөһим. Быел үз көчем белән, кредитлар алып, Рөстәм Яхинның фортепиано өчен язылган әсәрләреннән торган ике җыентык нәшер итеп, музыка мәктәпләренә тараттым. Тиздән өченче китап табадан төшәчәк. Кызганычка, мин дә олыгаям инде, бөтен эшкә минем көч кенә дә җитеп бетми. Рөстәм Яхин исемен мәңгеләштерүгә, аны яшь буын арасында танытуга өлгерә алганча, өлеш кертеп калдырасы килә, - ди Светлана Харитонова.

 

Светлана ханым быел 70 яшен билгеләп үтә, аның мөгаллимлек стажы 50 елга тула. Заманында ул Казанның Мәскәү районындагы Балалар музыка мәктәбен җитәкләгән булса, әле дә шунда балаларны укыта. 

 

- Композиторның архивын рәткә салуда кызым Наталья белән оныгым Диана ярдәм итте. Дианага быел 15 яшь тулды, ул Казан консерваториясе каршындагы махсус музыка мәктәбендә 9 сыйныфта укый, фортепианода Рөстәм Яхин әсәрләрен дә яратып уйный. Мин башкарган бөтен эшләрдән ул хәбәрдар. Киләчәктә композиторның мирасын аның кулларына тапшырырга исәп, - ди Светлана ханым.

 

 

Рөстәм Яхинның туганнары композиторның җиргә сеңеп авышкан кабер ташын, Казанда Татарстан урамындагы композитор яшәгән 7нче йортта эленеп торучы мемориаль тактаны да күптән яңарту таләп ителүен әйтә. Шушы максаттан алар Рөстәм Яхин фондын оештырырга карар кылганнар. Татарстан урамында Рөстәм Яхин музеен ачу мөмкинлеге турында да уйланалар. Важно отметить, что казино Пин Ап предоставляет различные методы вывода средств, включая банковские переводы, электронные кошельки и другие платежные системы, что делает процесс вывода средств более удобным для игроков. Кроме того, ПинАп казино официальный сайт может взимать комиссии за некоторые методы вывода средств или в случае несоблюдения правил казино. Поэтому игрокам рекомендуется внимательно ознакомиться с условиями вывода средств перед началом игры. 

 

- Татарстанның гимны буларак башкарылган көйне Рөстәм Яхин үзенең Казансу елгасы буенда урнашкан бакчасында иҗат итә. Рамазан Байтимиров шигырен укып, тирә-яктагы гүзәллектән илһамланып, «Туган ягым» исемле романс яза. Күрсәгез,чыннан да ул бакчадан ачылган табигать күренеше таң калдырырлык. Композитор яшәгән ул бакча урынын төзекләндерергә дә җай табылса, бик яхшы булыр иде, - дип фикерләре белән уртаклаша Светлана ханымның кызы Наталья Харитонова.

 

Узган 90нчы еллар башында «Туган ягым» романсының көе Татарстан гимны итеп сайланганда Рөстәм Яхин исән иде әле. Светлана ханым, шул чакта композитор белән өйдә чәй өстәле артында сөйләшеп утырганнарын хәтерли. Рөстәм Яхин аның әсәрен дәүләт гимны итеп кабул итүләрен ишеткәч, бик уңайсызланган икән. «Гимн булачагын белсәм, бу көйне тагын да яхшырак язган булыр идем», - дигән ул.