|
|
Бүген кемнәр туган
|
|
Архив
|
14.10.2014 Фаҗига
Казан базарларында берьюлы ике янгын - нәрсә бу? (ФОТО, ВИДЕО)Бу атнада Казанда бер тәүлек эчендә ике зур янгын очрагы теркәлде. Ял көнне кичке якта "Каравай" базары ут эчендә калса, кичә Вьетнам базарының бер сәүдә повильоны янып бетте. Беренче очракта янгын кичке сәгать тугызынчы яртыларда башлана. Россия Гадәттән тыш хәлләр министрлыгының Татарстан идарәсеннән алынган мәгълүматларга караганда, янгын бинаның икенче катында чыккан. Биредә көнкүреш товарлары сатылган. Утны сүндерүгә сәүдә рәтләренең катлаулы рәвештә урнашканлыгы да комачау иткән.
Нәтиҗәдә, янгын 2,4 мең квадрат метр мәйданга зыян салган. Зыян күрүчеләр юк. Ә менә зарарланган товарлар бәясе исә миллионнар белән исәпләнә. Хәзерге вакытта Гадәттән тыш хәлләр министрлыгында янгын китереп чыгарган өч сәбәпне атыйлар. Ул да булса – ут белән сак эш итмәү, ут төртү һәм электр челтәрендәге хилафлыклар. Базар җитәкчелеге исә ни өчен нәкъ менә бу көнне бинага алдан кисәтмичә генә су бирү туктатылганын аңлый алмый. Вакыйганың шаһиты булган сатучылар да: “Су белән проблемалар килеп чыкмаган булса, янгын китергән зыян күләме дә азрак булыр иде”, – дип саный.
Кичә Вьетнам базарындагылар да шундый ук күренешкә тап булды. Кичке сәгать дүртләр тирәсендә базардагы сәүдә рәтләрнең берсендә янгын чыкты. Гадәттән тыш хәлләр министрлыгының матбугат хезмәте җитәкчесе Андрей Родыгин хәбәр иткәнчә, янгын сүндерергә ун машина җибәрелгән. Хәзерге вакытта аның нәрсә аркасында килеп чыкканлыгы ачыклана. Фаразларга караганда, моңа ут төртү сәбәпче булырга мөмкин.
Исегезгә төшереп үтәбез: узган елның май аенда Казан янында урнашкан “Яңа Тура” базарында да көчле янгын чыккан иде. Янгыннан зыян күрүчеләр булмады, ут бинаның 1 мең квадрат метрдан артыграк өлешен эштән чыгарды. Ул чакта янгын кыска ялганыш аркасында килеп чыккан дигән нәтиҗә ясалды.
Тулырак материалны биредә укый аласыз:
Причиной пожара на Вьетнамском рынке мог стать "человеческий фактор" (ВИДЕО)
В Казани сгорел рынок Караваево (ФОТО, ВИДЕО)
Видео һәм фото: Гадәттән тыш хәлләр министрлыгы сайтыннан.
--- |
Иң күп укылган
|