• 18.09 Хәмдүнә Тимергалиева истәлегенә. УНИКС. 17.00
  • 19.09 Микулай, 12+,Кариев театры, 16.00
  • 21.09 Дима Билан. Пирамида. 19:00
  • 28.09 Премьера! "АК ЧӘЧӘКЛӘР КЕБЕК...",12+, Кариев театры,18:30
  • 28.09 Премьера! "Бәхетле көнем", 3+, Кариев театры. 11.00, 13.00
  • 06.10 "Хикмәт әкиятләре", 6+, Кариев театры, 13.00
  • 06.10 "Болгар радиосы" концерты. КДК "Ленина", 18:30
  • 07.10 Премьера! "Бәхетле көнем", 3+, Кариев театры, 13.00
  • 07.10 "Тапшырыл...ган хатлар", 12+, Кариев театры, 18.30
  • 08.10 "Супер кияү", 12+, Кариев театры, 18.30
  • 09.10 "Кәҗүл читек", 6+, Кариев театры,13.00
  • 09.10 "Нигез ташлары", 12+, Кариев театры, 18.00
  • 10.10 Премьера! "Ак чәчәкләр кебек...", 12+, Кариев театры, 18.00
  • 13.10 "Озын-озак балачак", 12+, Кариев театры, 18.30
  • 15.10 "Сәлам, Актәпи", 3+, Кариев театры, 13.00
  • 15.10 "Мәхәббәт күгәрченнәре", 12+, Кариев театры, 18.30
  • 16.10 20ел TATAR RADIOSI. Татнефть Арена. 18.00
  • 10.11 Валерий Меладзе. Татнефть Арена. 19:00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 18 Сентябрь
  • Алмаз Хәмзин - юмор остасы
  • Гариф Ахунов (1925-2000) - язучы
  • Ләйсәнә Садретдинова - журналист
  • Гөлнара Габдрахманова - дәүләт эшлеклесе
  • Ильяс Җиһаншин - дин әһеле
  • Подселенига бер кыз эзлибез. Ибрагимова урамында 2 бүлмәле кв.(Тандем янында) Ватсап: 89871854511
  • Сдаётся чистая, уютная комната в 2-х комнатной квартире на улице Фучика. Развитая инфраструктура, удобная транспортная развязка, рядом ТЦ Франт. Открывается прекрасный вид с балкона(15 этаж). Вся необходимая мебель и техника имеется. В другой комнате проживают две девушки. Ищем воспитанную, платёжеспособную девушку без вредных привычек. 9000 руб. все вкл. Заселение с 1 октября. WhatsApp 89372902288.
  • Казаннын Зэкиев урамында 2 булмэле фатир арендага бирелэ. Яна домда. Барлык унайлыклар да бар. 89274880627 (ватсап) Риэлтор тугел. 18 мен.
  • Услуги ассенизатора. КамАЗ-10 кубов. 89172681882. Откачка и вывоз жидких бытовых отходов (ЖБО), выгребных ям, септиков, уличных туалетов, колодцев. Аварийная откачка. Шланги 40 метров. Цены от1200 в зависимости от отдаленности очистных сооружений.
  • Сдается однокомнатная квартира в Казани на улице ак.губкина(советский район) +7(905)023-89-59
  • Авиатөзелеш районында урнашкан Горбунов исемендәге СНТ-11 дә җир участогы сатыла, су, ут бар, киләчәктә газ кертү дә планлаштырыла. Тел. 89274031387
  • Үзебезнең умарталыктан бал сатам. Казан буенча китереп тә бирәм. 3л-1300, кәрәзле бал- 500сум/кг. 89625497103
  • Сдается однокомнатная квартира на улице ак.губкина 89050238959
  • Мавлютова братья Касим урамында студия гостиница сатып алам риэлторсыз хужадан 12 кв. Метр дан башлап 18 кв. Метр га хэтле 89393825975
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
 
 

 
Архив
 
26.09.2014 Дин

Габдулла хәзрәт Галиулла: “Африкада мәчет салыр, кое казыр идем”

Ул һәрвакыт принципиаль булды. Фикерен курыкмыйча әйтте, демократия өчен тырышты. Үзен яратмаучылар да бардыр. Ничек әле, туры әйткән — туганына ярамаган, диләрме? Әмма Габдулла хәзрәт дан-шөһрәт артыннан кумады, дөреслек, хаклык җиңсен, диде, динне, мөселманнарны җәберләмәсеннәр дип эш итте. Берсеннән дә курыкмый торган, сәясәт белән шөгыльләнүче мулла, диярләр иде аны. Аның белән исәпләшми булдыра алмыйлар, чөнки халык арасында да, дини даирәдә дә абруе зур.

Милли хәрәкәт белән даими эшләүче, аларның сафында булучы мөфтиләрнең берсе ул. Чечняның элекке башлыклары, Борис Березовский, мәрхүм Рим папасы Иоанн Павел, Русия патриархы Алексий, Сергей Шойгу, Анатолий Чубайс һ.б. белән дә очрашканы, сөйләшкәне бар.Һәрберсе аерым бер тарих. Без Татарстанның беренче мөфтие, “Нурулла” мәчете имамы Габдулла хәзрәт Галиулланың үткәне, бүгенгесе белән кызыксындык. Туры бәреп сөйләшүче имам быел көз 60 яшен тутырды. 

“УРЫСЛАРНЫҢ ЯШӘҮ РӘВЕШЕН АЛГАНБЫЗ“
 
— Габдулла хәзрәт, элек бик актив идегез. Милли, иҗтимагый хәрәкәттә дә алгы сафта булдыгыз, республиканың дини тормышында да кайнадыгыз. Ә хәзер ишетелмисез. Нәрсә бу? Койрыкны кыстылармы, берни үзгәртеп булмый дип кул селтәүме, әллә картаю билгесеме?
 
— Барысы да бардыр. Мин беркая китмәдем, “Нурулла” мәчетендә хезмәтемне дәвам итәм. Ишетелмәвемнең сәбәпләренә килгәндә, Илдус Фәиз мөфти булган вакытта үз фикеремне әйттем, чөнки дингә карата зур зыян салырга мөмкиннәр иде. Хәзер яңа мөфти эшли, мин тынычландым. Динне якларга кирәк булса, моның өчен башка шәхесләр дә үсеп чыкты. Хәзер инде алар хаклык өчен көрәшәчәк.
 
Милли хәрәкәткә килгәндә, ул — узган этап. Без һәрвакыт бергә булдык, Фәүзия Бәйрәмова, Марат Мөлеков белән бәйсезлек, дин, тел өчен көрәштек. 1990 елларда милли, дини күтәрелеш вакыты иде. Милли хәрәкәттә дини төсмер юк иде, дини һәм милли хәрәкәтләр бер-берсенә капма-каршы килмәсен дип эш иттек. Шөкер, Фәүзиянең яшәү рәвеше тулысынча дин белән бәйле, ул — исламны, мөселманнарны яклаучы зат, Илдус Әмирхан да намазга басты, мәдрәсәләр ачты, укытты. Хәзер милли хәрәкәт хәлсезләнде, аны шундый итәр өчен тырыштылар, халыкка тәэсире бөтенләй юк. Халык та пассив, ул да кул селтәде. Бездән калмады, халыктан калды.
 
1990 елларда Татарстанда 26 мәчет иде, дини китаплар юк, фотография ясап тараттык, “Мөгаллим сәни”, Коръән китаплары кулдан-кулга йөрде. Әтиләр гает намазларын зиратларга яки ярга барып, качып укый иде. Ә хәзер ничек?! Хөррият бит бер уйласаң! Республикада 1500 мәчет бар, мәдрәсәләр эшли, телевидение, радиода даими дини тапшырулар чыга, дини сәхифәләре булмаган татар газеталары юк.
 
— Дөрес, шартлар да, мөмкинлекләр дә бар, әмма бүген татарлар — Русиядә намазга басмаган сирәк мөселман халыкларының берсе. Нәрсәгә бәйле бу?
 
— Без Русиянең нәкъ уртасында яшибез. Ә Кавказ халкы аерымрак, аулаграк җирдә урнашкан, алар бер телле дини мохиттә тормыш итә. Гомер-гомергә урыска каршы азатлык өчен сугышкан, сак булып яшәгән. Әмма алар арасында да динсезләре бар. Ә без урыслар белән катышып яшибез, аларның яшәү рәвешен алганбыз. Канга сеңгән инде ул. Татарда куркаклык та көчле. Совет заманында да, әле дә баламның карьерасына авырлык килмәсен дип, дини тәрбия, белем бирмәүчеләр шактый. Чечняда мәрхүм Әхмәт Кадыйров үз республикасында Президент булды, аның белән бергә укыдык без. Ул бит, ил башы буларак, җомга намазларын да укытты, вәгазь дә сөйләде, гаетләрдә имам да булды. Һәрвакыт өммәте арасында иде. Халыкка тәэсире көчле булды. Ә бездә гаеттә генә ялтырап китәләр. Район башлыклары арасында ике-өч кеше намаз укый, калганнарын “мөкәммәл мөселманнар” дип әйтергә телем әйләнми.
 
— Шулай да, Рөстәм Миңнеханов гаетләргә йөри торган Президентның беренчесе булды. Түрәләр, милли зыялыларның даими мәчеткә йөрүе, намаз укуы халыкны дингә тартыр өчен файдалы булыр идеме?
 
— Һичшиксез! Зур агайлар белән сөйләшкәнем бар, килегез, йөрегез, дип кыстадым. Халыкка якын булырга кирәк, аларны җиңелрәк аңлаячаксыз, эштә дә кирәге чыгар, дип өндәдем — исәпкә алмадылар. Җәмгыять дини булса, тынычлык күбрәк була иде. Куркалар кебек. Рөстәм Миңнехановның бу адымын хуплыйм. Без аны Минтимер Шәймиевтан көттек. Әмма ул моны эшләмәде. Күп тырышлык куеп, мул табын әзерлә дә, ашамыйча чыгып кит, ди. Шәймиев та шулайрак булды. Республикадагы мәчетләр аның аркасында сафка басты, ул шартлар тудырды. Аның сүзеннән башка бер генә район башлыгы да бу эшне башкармас иде. Ул моңа юл ачты. Әмма бу эшнең, диннең ләззәтен, тәмен тоя алмады. Аның калебенә керә алмыйм. Дингә карата карашны күрсәтергә ярамагандыр, урыслар арасында яшибез бит. Безнең арада төрле мөнәсәбәт булды, авыр сүзләр дә әйтелгәндер, әмма мин аңа рәхмәтле, Казандагы “Кол Шәриф”, Болгардагы “Ак мәчет”не салдырып, безне сөендерде.
 
Юлбашчыларыбыз динле булып, моны яшермәсәләр, тәэсирләре күп булыр иде. Мәчеткә кем йөри? Урта хәлле кешеләр бит. Зыялылар юк. Танылган кешеләр йөрсә, алар артыннан башкалар да иярер иде. Бездә буыннар бәйленеше юк шул, өзелде ул. Динлеләре аз калды. Зыялыларның күбесе атеизм чорында тәрбияләнгән. Үзгәреш булыр, Алла боерса, әмма тиз генә түгел. Имамнар арасында да коллык таралган, хакимият әйтсә — эшли, юк икән, посып утыра. Аумакайлык көчле, аның да фатир аласы, матур машинада җилдерәсе килә, эш хакы югары булсын дип тели. Имам кемгәдер бәйле һәм көчсез икән, халыкка тәэсире шулкадәр генә.
 
“ФӘИЗНЕҢ ИКЕ ЕЛ ЭШЧӘНЛЕГЕ НИГЕЗНЕ КАКШАТТЫ”
 
— Мөфти булып Камил Сәмигуллин килгәч, тынычландым, дидегез, аның эшеннән канәгатьсез. Хакимият дин, Диния нәзарәте эшенә тыкшынырга тиеш түгел, дигән идегез берничә ел элек. Бу фикердән кайттыгызмы? Мәсәлән, Камил хәзрәт хакимият күрсәткән юнәлештән тайпылмый, дип тәнкыйтьләүчеләр дә бар. Рухани тулысынча бәйсез була аламы?
 
— Юктыр. Революциягә кадәр эшләгән мөфтиләрне бай татарлар асраган, ярдәм иткән. Хәзер бу юк. 
 
Беләсезме, барысы да кешенең намусына, иман ныклыгына бәйле. Хөкүмәт тә гел дингә каршы эшләми, зыян китерим әле дип, махсус планнар кормый. Моны Татарстанны исәптә тотып сөйлим. Әмма алар таләп иткән эшнең нинди нәтиҗәгә китерәсен аңлап та бетермәскә мөмкин, чөнки диннең нечкәлекләрен белмиләр. Камил Сәмигуллин зыянлы эшләргә юл куймаска омтыла. Кешеләрне җәберләтмәскә тырыша, барысы белән дә яхшы мөгамәләдә. Җимерелгән бинаны төзекләндерү өчен еллар кирәк, әле барыбер китек яклары була, нигезе какшый. Илдус Фәизнең ике ел эшчәнлеге нигезне какшатты. Хәзер менә шул бинаны төзекләндерү эше бара, ашыктырмагыз, бу — авыр процесс. Фәиз белән аралашмыйм, күптән күргәнем юк. Шәхсән миңа ул зыян салмады, үпкәм юк. Уйлап бетермәгәндер, бәлки, янындагы кешеләр аннан файдаланып, аның куллары белән зыянлы эш башкаргандыр. Ә руханиларның чиновниклар белән вәсвәс килүе Камил хәзрәттән тормый, дини даирәдәге демократиянең җимерелүе, бәйсезлекне югалту аннан күпкә алданрак заманда башланды. Ул беренче булып чиновниклар белән берләшмәде, алардан ярдәм сорамады. Түрәләрдән түгел, вакытында Аллаһтан ярдәм сорарга кирәк иде дә бит, булмады. Гомумән, мин дә, Госман Исхакый эшләгән чор да башка иде, хәзер чагыштыру да авыр.
 
“УРАМ МАЛАЕ МИН”
 
— Татар руханилары арасында “клановость” бармы? Бер-берсенә көндәш булса да, шул ук Равил Гайнетдин белән Тәлгать Таҗетдинны туганлык җепләре бәйли. Алар халык алдында бер, ә үзара икенче мөнәсәбәттә, дигән хис туа. Сез дә күп имамнар, мөфтиләр белән туган. Әмма башкалардан аермалы буларак, барысын да тотып торган көчле бер гаиләгә каршы чыктыгыз. Госман Исхакый хатыныгызның энесе дип тормадыгыз, барысы алдында аны караклыкта гаепләп: “Аны сайламагыз”, — дип зур мөнбәрдән чыгыш ясадыгыз. Моны күпләр хәтерли. Ул гамәлегез өчен үкенәсезме?
 
— “Клановость” бар дип әйтә алмыйм. Мин Тәлгатькә дә, Госманга да туган, әмма алар белән нинди мөнәсәбәттә булганны барысы да белә иде. Ул артистлану түгел. Мин бар нәрсәне ихлас эшлим, хаталансам да, ихласлыктан ул. Сүзләремне белеп сөйләдем һәм ул дөрес булып чыкты. Әйтми булдыра алмадым. Үпкәләделәр, әмма баҗайлар белән яхшы мөгамәләдә калдым.
 
1970 елларда дин белән кызыксынган, аның нигезләрен өйрәнә башлаган яшьләр Казанда 15-20 иде. Мин дә шулар арасында. Үзем Казан малае, әти дә, әни дә гап-гади эшчеләр, заводта хезмәт куйдылар, мин аларның бердәнбер, газиз уллары. Шәһәрнең 37 нче математика мәктәбендә укыдым, аннары энергетика институтына кердем. Урам малае мин. Габделхак исемле туганыбыз бар иде. Аны эшләпә Габделхак дип йөрттеләр, чөнки башында эшләпә, әле үзе бүрекләр дә тегә иде. Ул һөнәргә аннан өйрәнеп калдым, бүрек тегеп, шуларны сатып аякка бастык. Бик зиһенле бабай иде ул, безгә дин нигезләрен өйрәтте. Ул “Мәрҗани”дә мөтәвәллият әгъзасы да. Рәшидә абыстай өендә яшьләрне укыталар дип ишеттек, аның аркылы мин дә шунда эләктем. Казандагы дин белән кызыксынган яшьләр шунда тупланды. Җәен безне Бохарадан ялга кайткан Тәлгать Таҗетдин укыта иде. Шунда хатыным Рәмзия белән таныштым. Казанда бер Исхакый гаиләсендә генә дини кызлар бар иде. Чордашларымның бөтенесе дә Исхакыйлар гаиләсе белән туганлашты. Хатынымнан уңдым, ул миннән күбрәк белә, дини белем ана сөте белән кергән. Ә миндә урам гадәте, тәрбия чамалы. Дини белем алмасам, хатыным Рәмзия очрамаса, язмышым ничек булыр иде, белмим. Дин кешеләренең бергәрәк булуы ике якка да хәерле. Балаларыбыз бергә үсә, бер-берсенә ярдәм итә.
 
“ОНЫГЫМНЫ КОТКАРДЫЛАР” 
 
— Габдулла хәзрәт, оныгыгыз Галиянең чирләвенә күпләр борчылды, катлаулы операция өчен кем ничек булдыра алды, шулай акча җыйды, терелүен теләде. Аның язмышы өчен күпләр борчылды, ярдәм итте. Моны таныш-белешләрем арасындагы сөйләшүләрдән беләм. Галиянең хәле ничек? Балаларыгыз хакында белмибез, алар ни белән шөгыльләнә?
 
— Галия — олы улымның кызы, безнең беренче онык. Бала, оныкның чирләве ата-ана, әби-бабай өчен авыр хәл. Әле, җитмәсә, бу чир җиңә алмаслык, диделәр. Кинәт булды бу. Рамазан аенда көне-төне мәчеттә мин. Соңгы көннәрнең берсендә хатыным: “Галия авырган, хастаханәгә алып киттеләр”, — диде. Икенче көнне төшкә кадәр аның янына бардык. Табиблар, Галиядә рак, аны дәвалап булмый, диде. Аңлыйсызмы, аны коткарып булмый, смеритесь, диделәр. Бала үз аяклары белән килде, бер көн эчендә йөри алмас булды. Галия: “Дәү әти, үләсем килми, яшисем килә”, — дип елады. Йөрәк өзгеч вакыт иде. Киленнең бер танышы, Израиль докторларына күрсәтеп карыйк, диде. Шул ук сәгатьтә шалтыраттык, диагнозны әйттек, алар: “Килегез, кабул итәбез”, — диде. Шул көн алдыннан кызым машинасын саткан иде, бөтен акчасын бирде дә, балалар билет алып, Израильгә чыгып китте. Очкычта баланың хәле авырайган. Табиблар, бер көнгә соңга калган булсагыз, Галия инде очкычка да утыра алмас иде, диде.
 
Көтелмәгән бәла булды ул, Аллаһ безгә сабыр итәргә кушты, бу бер имтихан иде. Ахырын белмәдек, исән каламы, үләме — белмибез. Акчаның бер өлешен халык җыйды, мең рәхмәт барысына да, калганын хөкүмәт бирде, Рөстәм Миңнехановка, Әсгать Сәфәровка Аллаһның рәхмәте яусын. Галияне коткардылар. Оныгыбыз гимназияне алтын медальгә тәмамлады, КФУның филология бүлегенә керде, чит телләр өйрәнә.
 
Безнең кебек, кул сузып акча эзләүчеләр күп. Кызганыч, әмма дәүләтнең сәламәтлек өлкәсенә карашы шундый гына. Битараф алар. Үзләренә кирәк булса, аз гына авырсалар да Германия белән Израильгә очалар. Алар үзләрен кайгырта. Русиянең “Алтын миллион” кешеләре бар, аларны саклыйлар, ә калган 143 миллионга төкереп бирәләр. Хастаханәләргә кереп кара: су буе чират, дәвалау ысуллары юк, гап-гади препарат юклыктан интегәләр. Табибларның хезмәт хакы түбән. Израильдәге табиблардан: “Сездән препарат алып, Казан яки Мәскәүдә эшләтсәк буламы?” — дип сорадык, андагылар: “Сездә ул дәрәҗәдәге табиблар, медицина җиһазлары, шартлар юк. Сез алып кайткан даруны үзегезгә салырлар дигән бернинди гарантия юк бит”, — диделәр. Югары даирәдәгеләр күптән намусларын акчага алыштырган. Алар безне талады, хәерче калдырып, акчабызны кулланып яшиләр. Украина дип шашалар. Миңа кирәкми ул! Кырымга төкереп бирәм. Монда туганмын, шушында яшим, миңа биредә шартлар булдыруларын телим. Үз гаиләм, үз халкым, үз республикам, мондагы кешеләр кадерле.
 
Балаларга килгәндә, Рәмзия белән миңа Аллаһы Тәгалә өч ул, бер кыз бүләк итте. Ильяс, Юныс, Мөхәммәд белән Фирдәвес — барысы да башлы-күзле. Барчасы намазлы. Дүртесе дә югары белем алды. Бөтенесе үз урынын тапты, эшли. Юнысның үз сәүдәсе бар. Унөч оныгыбыз үсә, алар белән мәш киләбез.
 
“11 УМАРТАМ БАР”
 
— Сезне җәй көне шәһәрдә тотып булмый, гел авылда буласыз. Казаннан туеп, авылга качумы бу? Салалар бетә, эш юк, эчәләр, дип әйтәләр. Авылны яшәтәсе иде, диләр, ничек ярдәм итәсе?
 
— Яз-җәйне Теләче районының Урта Мишә авылында уздырабыз. Бу — әнинең туган нигезе. Анда әнинең абыйсы яшәде, балалары кайтмады. Без алардан йортны сатып алдык. Шунда яшибез. 11 умартам бар. Дүртенче ел инде үзебезгә җитәрлек бал аертам. Кечкенә вакытта кайта идек, абыйларның умарталары бар иде. Бабай умарталыкта каравылчы булып эшләгән. Нәселдән инде ул. Миңа бик ошый! Алар белән мәш килергә яратам, умарталарын да үзем ясыйм. Хатыным булыша.
 
Авыллар бетәчәк, урыслар әйтмешли, бу — “необратимый процесс”. Колхозлар бетте, инвесторлар басып алды, барысына да хуҗа булды, авылда эш юк. Бөтен кеше фермер була алмый, техника алыр өчен акча кирәк, эшлим дисә, аны дәүләт кыса, кысмаса, корылык аркасында уңыш җыя алмый. Яшьләр калмый, ә халык картая. 50 хуҗалыктан 5-6 яшь гаилә бар. Күбесе — җәен генә кайтучылар. Ә татарлар шәһәргә китеп эри, тел югала, чөнки теләмәсәк тә, без моны танырга тиеш: Казанда татар мохите юк. Мин ни эшләргә кирәклеген белмим. Элегрәк уйларга кирәк иде, татар телен эштә куллануны мәҗбүри ясамадылар, халыкны шуңа өйрәтмәделәр. Балалар бакчасында, мәктәпләрдә татар теле юк икән, ата-ана кирәксенми. 11 ел татарча укы да, имтиханны урысча бир. Балалар белән татарча сөйләшергә тырышабыз, ләкин урамда урыс мохите.
 
“ПЕЧӘН БАЗАРЫ” МӘЧЕТЕ БУЛАЧАК”
 
— Рөстәм Миңнеханов, “Нурулла” мәчете исемен “Печән базары”на үзгәртергә кирәк, дигән фикер ычкындырды. Килешәсезме? Заманында ниндидер Нурулла исемле бай акча биргән дә, шул сәбәпле мәчет аның исеме белән аталган, диләр. Бу сүз дөресме?
 
— “Печән базары”на үзгәртергә кирәк, диделәр, без: “Хуп, проблема юк”, — дидек. Документларны тапшырдык, ул “Сенная” булачак. Татарстан Мәдәният министрылыгында теркәлгән документларда “Сенная”, “Юнусовская”, мечеть прихода №7 дип язылган. Аны “Юныс” мәчете дип тә кушып булыр иде, аларның нәсел кешеләре килеп тәкъдим иткән иде, без аңа да каршы бумас идек, әмма “Сенная” дип исем биреләчәк.
 
1990 елларда аны төзекләндерер өчен бер кеше акча бирде. Анысы хак. Мәчеткә исем кушарга кирәк иде, “Печән базары” мәчете дигәнне чит илләргә дә аңлатып булмый, үзебезнекеләр дә: “Монда хәзер печән юк бит!” — ди иде. Уйлап йөргәндә акча белән ярдәм иткән кардәш туганымның исеме Нурулла дип әйтте, Аллаһның нуры дигәнне аңлата, шуны кушарга була, диде. Бик матур исем дип таптык, шулай атарбыз, дидек. Әгәр Әлфред, Марсель, Динар дип тәкъдим итсәләр, баш тартыр идем. Ә монысы туры килә иде. Ул кеше акчаны капчык белән алып килмәде, ремонтка кергән акчаның 40 тан бер өлеше аныкы булды, без бары тик ул тәкъдим иткән исемне ошаттык.
 
— Габдулла хәзрәт, Сезгә 60 яшь, бу пенсиягә чыга торган вакыт. Нишләргә җыенасыз? Түгәрәк саннарны тутырган кеше, гадәттә, узган гомеренә нәтиҗә ясый, шатлыклы вакыйгалар, хаталануларын искә төшерә.
 
— Миннән өлкәнрәк имамнар да бар бит әле, каршы килмәсәгез, эшләргә исәп. Ә, “Нурулла”дан кит, дисәләр, урын дәгъвалап, тавыш чыгарып йөрмәм. Мине алыштырырдай имамнар бар.
 
Мин дә, башкалар да иртәгә ни булачагын белмибез. 60 яшь тулганчы гомер бар әле, дип уйлый идем. 60 ка якынлашкач, тагын күпме яшәргә калды икән, дигән уй керә башлады. 70 тән соң машинага утырып булмый, кеше карамагында буласың дип үзеңне чикли башлыйсың. Хыяллар да юк түгел бит әле! Аларны тормышка ашырыр өчен вакыт бар бит, булыр әле, дип гел кичектерәбез. Ә гомер уза икән. Барысына да җитешәсе килә, күрәсе килгән кешене күреп сөйләшәсе иде, гафу сорау мөһим. Калган гомернең кадерен беләсе, рәхәтен күрәсе иде. Оныкларым белән гөмбәгә йөрибез. Ике сәгать эчендә өч чиләк җыйдык. Балыкка да барасы килә алар белән, мөмкинлек кенә таба алмыйлар. 
 
Вакытның кадерен белә башладым. Үлем ерак түгел, ул якынлаша. Нәрсә белән барам, букчамда ниләр бар? Калган кыска гомердә дә әҗер-саваплар санын арттырасы иде. Хыялым бар: мәчет саласым килә. Аны Африкада төзиячәкмен, чөнки ул арзанга төшә. Мөмкинлегем шуңа гына җитәчәк. Кем мәчет сала, Аллаһы Тәгалә аңа җәннәттә сарай әзерләп куячак, дип әйтелгән. Булган акчам Татарстанда мәчет салырга җитми. Монда гыйбадәтханәләр болай да күп, алар буш тора. Авылыбызда ялт иткән мәчет бар, аны байлар салды. Мондый көнне мәчеттә имам берүзе намаз укый, җомгага 3-4 кеше җыела. Ә мәчет 150 кешене сыйдыра ала. Уйладым да, салган очракта та кадере булмаячак, йозаклы мәчет булуын теләмим, дидем. Африкада хәтта 5 мең долларга Аллаһ йортын күтәреп була. Анда халык йөриячәк. Икенче хыялым — шундагы мөселманнар авылында кое казу, Африкада суга интегәләр. Бу эшкә 1 мең доллар акча кирәк.
 
Тормышымнан канәгатьмен. Хатыныма рәхмәтлемен, балаларым өчен шатланам. Артык шатланган вакытым да, нык үкенечле вакыйгалар да булмады кебек. Шөкер, тормыш уртача барды.
 

Римма ӘБДРӘШИТОВА.
Ирек мәйданы
№ |
Ирек мәйданы печать

Фикерләр

Исем:
E-mail:
Текст:
 
№25 (884810) / 29.09.2014 21:00:43

Мин-татарнын болгатырга тырышуы мескенлеккэ тошеп калган. Кирэксэ кирэкмэсэ тыгылмаса ни булган? Язма бик эйбэт анлаешлы.

№24 (884773) / 29.09.2014 15:51:16

22, шулаймы? Рэхмэт!
Курэсен, жэнжалчы булмаган бу хэзрэт.
Тегелэре, телэсэн дэ истэ,телэмэсэн дэ,истэ дигэн кебек.

№23 (884734) / 29.09.2014 00:34:06

Хәзрәт, бәлки мине оныткансыздыр да инде. Күптән күрешкәнебез юк. Сезгә хөрмәтем элеккечә үк бик зур. Без почти яшьтәшләр икәнбез, мин Сезне үземнән күпкә яшьрәк дип уйлый идем. Юбилеегыз котлы булсын! Хәерле озын гомерләр насыйп итсен!
Әңгәмә бик әйбәт. Журналистка рәхмәт!

№22 (884705) / 28.09.2014 19:12:35

эээээ, Татарстанның БЕРЕНЧЕ мөфтие булды Габулла әфәнде!!

Габдулла,Госман, Илдус, Камил

№21 (884630) / 27.09.2014 22:49:06

Син нәстә сүлисең уул? Кичке 10ынчы яртыда әллә син бөтенләй йокламыйсың инде дип сорасаң дөресрәк булыр иидее!!!

№20 (884622) / 27.09.2014 21:23:59

Уяндыгыздамы?

№19 (884617) / 27.09.2014 21:16:11

Извиняте кэнишне, ну Габдулла хэзрэт мофти булып, кайчан торды сон?
Мин 3не генэ-Госман, Илдус, Камил хэзрэтлэрне генэ хэтерлим мофти буларак.

№18 (884595) / 27.09.2014 18:33:46

тарихи "Печән базары мәчете" булган атаманы - тарихи атаманы - "трдисион ислам"га яраклаштырып,"сенная" дип атаулары, Лилинградтагы Сенная площадь ка яраклаштырып үзгәрмәкче булалар күрәсең.
аннан соң тарихчылар урысча итеп,сенная мәчетен дә лилинградттан килеп төзегәннәр дигән фаразга урын булсын дигәннәрдер индеее...

даа, Фәиез белән чагыштырганда Габулла хәзрәт уңайрак кәнишне. Аллаһе үзе белүче.

сөйләгәннәре биик ипле,турысын әйтә шул. дөресен әйтә.
долҗносттә вакытта күп нәрсәләрне күреп,күп кешеләрнең кем икәннәрен белеп бетереп булмый шул...

Тәлгать,Габдулла,Равил,Госман - барысы да бер обоймадан...

мин Госманны сайлаган вакытта,Габдулла хәзрәтнең әйткәннәрен бик яхшы хәтерлим. аптыраган идем. кайнесе бит,нигә каршы чыга (чыгарталар) икән дип.
бар икән аның нөктәсе,хммм...

җыеп әйткәндә,молодис әйткән Габдулла хәзрәт...
миңа ошады. ислам дине өчен тырышучы кеше.
Василя Рахимова теләкләренә мин дә кушылам!

№17 (884559) / 27.09.2014 01:25:42

ялгышмагыз! Исламда традицион медицина ярдәме тыелмыйй!

№16 (884558) / 27.09.2014 01:22:03

имамы! Ул да шуңа, "әмма “Сенная” дип исем биреләчәк.", ризалашкач инде... Барып чыккансыз икән җәмәгать диясе генә кала.

"Сенная" белән "Печән базары" бер буламы? Бу очракта "Нурулла мәчете" булуы хәерлерәк.

Беткән икән Габдулла Галиулла. Дөнья йоткан аны. Белмим инде, Әфрикия генә коткармаса..?

№15 (884557) / 27.09.2014 01:05:09

"Революциягә кадәр эшләгән мөфтиләрне бай татарлар асраган, ярдәм иткән."

эчендә хаталы караш бар дип исәплим. Дин һәм татар тарихын дөрес аңлатмау.

Мәчетләргә байлар ярдәм итсә дә, байлар да, Оренбур нәзәрәте билгели торган имамнар да урыс патшасына, димәк, чиркәвенә, димәк кяфергә, әби патшадан башланган мәкергә, буйсынган, хезмәт иткән.

№14 (884543) / 26.09.2014 21:54:42

Мин-татар!!!

№13 (884542) / 26.09.2014 21:54:13

№12гэ, синенчэ корэн сурэлэре - бет?

№12 (884539) / 26.09.2014 21:50:01

"О те, которые уверовали! Принимайте ислам целиком и не следуйте по стопам сатаны. 2-208" Шулай булгач чын моселман корэннен хэр хэрефендэ утэргэ тиеш, э анда алдарак язылганча "Не считайте иудеев и христиан своими помощниками и друзьями, поскольку они помогают друг другу. Если же кто-либо из вас считает их своими помощниками и друзьями, то он сам является одним из них. 5-51" бөрчә, синенчэ булса "иудеев и христиан" дигэн сузлэрдэн сон"кроме лекарей" дигэн сузлэр булыр иде.

№11 (884537) / 26.09.2014 21:42:49

№9 Габдулла хэзрэт сынауны бик яхшы уткэн.Э сез менэ - фанатик!

№10 (884534) / 26.09.2014 21:24:46

Дин догаларның ярдәме тимәсә, соңгы чиктә, табипларга мөрәҗәгат итәргә кушкан. Табипларның кайсы кавемнән булырга тиешлеге әйтелмәгән. Шулай булгач, кысылмагыз белмәгән җирегезгә. Шешкән белән пешкәнгә генә дәва- кысылган белән янганга юк! Эзләмәгез чит кешенең ыштан бөрмәсеннәе бет- үзегезнекен карагыз.

№9 (884532) / 26.09.2014 21:17:37

Мин кирэк булса телэсэ кемнэн ярдэм сорыйм, ансын дорес эйтэсез. Беренчедэн торле чирне сынау дип утырмыйм (кстати, бу Габдулла хэзрэт алла сынауын утэ алмаган бит, алла сынау рэвешендэ жибэргэн чирне кияферлэр ярдэме белэн дэвалаган, э чын моселман булса моселманар ярдэме белэн дэваларга тиеш иде. Синьязар минтаярович, Рэсэй духтырларыда шул ук кияферлэр инде, чын моселман аларданда ярдэм омет итэргэ тиеш тугел), икенчедэн минем очен ботен кешедэ бер тигез (кайбер акылсыз фанатикларны чутламаганда)

№8 (884529) / 26.09.2014 20:53:01

Шушы мисалда куренэ дэ инде,безнен диндэ "ярамый"дан башка нэрсэ юклыгы.

№7 (884528) / 26.09.2014 20:50:57

Синен дэ балан авырып китсэ,эллэ-кайларга барырсын.(язмасын) Нишлэсен инде ул,юк бит бездэ медицина,юк!

№6 (884526) / 26.09.2014 20:39:24

Бугазыннан эжэл боргычлап алса,эткэ дэ барып ярдэм сорарсын...Ислам динендэ,зарурат очрагы булганда,ачтан улмэслек кенэ харам ризыкъ куллану да рохсэт ителэ..Узеннен оныгыннан Рэсэй духтырлары йоз чоерсэ,яхуд-мимечкэ барып ялынмассын микэн?

№5 (884523) / 26.09.2014 20:14:56

Габдулла хэзрэтнен иманы нык тугел икэн. Ни очен ул оныгын еврейлардан дэвалаткан, югыйсэ корэндэ эйтелгэн бит:"О те, которые уверовали! Не берите своими помощниками тех, кто не из вас. Они не упускают случая навредить вам и радуются вашим трудностям.3-118", "О те, которые уверовали! Не считайте иудеев и христиан своими помощниками и друзьями, поскольку они помогают друг другу. Если же кто-либо из вас считает их своими помощниками и друзьями, то он сам является одним из них. Воистину, Аллах не ведет прямым путем несправедливых людей. 5-51" Габдулла хэзрэт узенэ ярдэмгэ исламга ышанмаучыларны алган, алдагы аяттэн куренгэнчэ "Если же кто-либо из вас считает их своими помощниками и друзьями, то он сам является одним из них". Димэк Габдулла хэзрэт -иудей? Димэк Габдулла хэзрэт тышкы яктан исламга, корэнгэ ышанучы булып кылансада, чынлыкта ышанмаучы.

№4 (884519) / 26.09.2014 19:07:48

Илдус хәзрәтне хурлауы ошамады...

№3 (884501) / 26.09.2014 16:21:49

Бабай турыдан ярган гына, ахыры хэерле булсын!
Галия турында да исемэ тоште. Бик шатмын анын очен!

№2 (884500) / 26.09.2014 16:18:52

Юк, Казан тирэсе икэн, укый торгач килеп життем.

№1 (884499) / 26.09.2014 16:17:14

Ялгышмасам,хэзрэт узе бит Апас ягыннан кебек.Болын Балыкчы тирэсе шикелле.
Ялгышуым да бар кэнишне. менэ шундый иплэп сойлэшэ торган агайларнын язмалары кызык.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar