ИлГәрәй: Балага бакчаны 3 ел көттек (лифт-интервью)

Әңгәмә вакыты: 01.09.14. Әңгәмә урыны: Казан, "Парк Хаус" комплексы капка төбе.

- Белем көн белән, Илгәрәй!

- Рәхмәт. Бездә бәйрәм. Иртәгә кызыбыз Әдилә беренче тапкыр балалар бакчасына бара.

- Аңа ничә яшь?

- 3 яшь тә 7 ай.

- Озак көттегезме чиратны?

- Бик озак. 3 ел көттек. 9 ай вакытында чиратка баскан идек инде.

- Моңа хәтле баланы кем карады?

- Хатынымның әнисе. Кайчан ничек инде. Хатыным ике көн эшләп, ике көн ял итә.

- Нинди эштә?

- Кибеттә сатучы. Парфюмерия сата. 

- Әдилә кайдагы балалар бакчасына барачак?

- Дубравная урамындагы 131нче номерлы балалар бакчасына.

- Барам диме соң?

- Бик барасы килә, белеп әйтәдерме юктырмы. Күлмәкләрен сайлый, әзерләнә. 

- Җиңел генә йөреп китсен инде.

- Әйе.