Матбугат.ру |

07.07.2008 Җәмгыять

ТҮШӘМЕБЕЗ ТӘБӘНӘК
Табиблар коллеквиумга җыелган: хастаның хәле, чиренең торышы турында фикер алышалар, тагын күпме яшисе калган икән, дип гөманлыйлар, фаразлар төрле. Бөтенесе дә шулай булырга тиеш кебек. Бер генә нәрсә сәер: хаста гына берни дә белми диярлек. Нинди дарулар эчәргә, ничек сакланырга, сәламәт яшәү рәвешен ничегрәк корырга икәнлеген хәбәр итсәләр, мөгаен, ул 100 гә кадәр яшәр иде.

Караулар (3098)

Рәшит МИНҺАҖ | Ватаным Татарстан

07.07.2008 Матбугат

«TATAR RADiOSI» ЯР ЧАЛЛЫ ҺӘМ ӘЛМӘТТӘ ДӘ ТОТАЧАК
9 июль көнне Россиянең иң популяр милли радиостанцияләреннән берсе — «TATAR RADiOSI» тест рәвешендә Татарстанның Чаллы һәм Әлмәт кебек эре шәһәрләрендә дә сөйли башлаячак. Тапшыруларны Чаллыда — 91,6 FM, Әлмәттә — 97,7 FM ешлыгында тыңлап булачак. Радио сигналы «TATAR RADiOSI»ның Казандагы студиясеннән трансляцияләнәчәк.

Караулар (3972)

--- | Матбугат.ру

07.07.2008 Җәмгыять

"ХӘЕРЧЕ БАЗАРЫ"ННАН ФОТОРЕПОРТАЖ
“Хәерче базары”нда булмаган кеше Казанның бөтен “матурлыкларын” да белми. Бу базар якшәмбе көнне иртә таңнан җыела да, обедлар тирәсендә юкка чыга. Совет заманында ул Челюскин урамында җыела иде, ә хәзер Жилплощадкада. Кемнең нинди “хәерчелеге” бар - шушында ташый. Базарда сатучы һәм алучы төп халык – пенсионерлар, борыннары “кояшта кызган” сәрхүшләр, ташка үлчим хезмәт хакы алучы завод хезмәтчәннәре... Тотылган тарак, кассета тышлыклары, иске комганнар, тузып беткән кием-салым – бар нәрсә сатыла монда.

Караулар (4406)

--- | Матбугат.ру

05.07.2008 Авто

НУР АЛИЕВ: БЕРЕНЧЕ МАШИНА УЛ БЕРЕНЧЕ МӘХӘББӘТ КЕБЕК
Күптән түгел Нур куе кызыл төстәге “KIA Cee’d” алды. Яңа машинасы белән котлап, блиц-интервью эшләдек.

Караулар (4185)

--- | Ирек мәйданы

04.07.2008 Мәдәният

РАИЛ САДРИЕВ: ТАТАР КАЗАНЫНА ШАЙТАН КИРӘКМИ...
Ул нигез салган Буа дәүләт драма театры хакында нинди генә сүзләр ишетергә туры килмәде: “урам командасы”, “мишәр халык театры”, “үзешчәннәр җыелма командасы”... Аның турында күп тапкыр: “выскочка”, “мөгезсез сыер шикелле бәреп керә”, “сукыр бер тиендәй чәчрәп чыга”, “ертлач мишәр” ише сүзләр ишетергә насыйп булды. Үзе исә кеше сүзенә карап тормый, гел алга бара. Әле бөтен редакцияләр буйлап журналист халкын яңа спектакленең премьерасына чакырып йөри, әле кино төшерү өчен акча эзләп таба... Иң кызыгы – чаба! Кемнәрдер “безгә бирмиләр” дип зар елап йөргәндә дә таба.

Караулар (5876)

Искәндәр СИРАҖИ | Идел

02.07.2008 Сәясәт

ТҮРӘЛӘРНЕ ШТРАФКА ТАРТМАКЧЫЛАР
Халыкның моң-зарын тыңларга теләмәгән түрәләрне акча белән акылга утыртмакчылар. Бүген Дәүләт Думасында яңа закон проектын тикшерәләр. Әлеге документ кабул ителгән очракта, ярдәм сорап килгән кешене "ишетмәгән" чиновникны административ җаваплылыкка тартачаклар. Штраф күләме – 500 сумнан 2 меңгә кадәр.

Караулар (3948)

--- | Ватаным Татарстан

02.07.2008 Ир белән хатын

ХЫЯНӘТ - МӘХӘББӘТ УЕНЫ
Бу турыда китаплар да языла, галимнәр дә уйлана. Ә без көндәлек тормышта карыйк әле. Без бит “Серле урман”да яшәмибез. Таң аттымы, тормыш башлана, ә кешеләр тормыш казанында кайный. Тормышта хыянәт итүче, итмәүчеләр безнең белән яши. Аларны, минемчә, психологлар аша эзләргә кирәкми. Без барыбыз да тормыш арбасында бергә.

Караулар (4124)

Рафаэль САЛЬМУШЕВ, Казан | Безнең гәҗит

02.07.2008 Авто

РУЛЬ АРТЫНДА ЭЧӘБЕЗМЕ?
1 июльдән Юл хәрәкәте кагыйдәләренә яңа үзгәрешләр гамәлгә керде. Хәзер юлларны инспекторлар гына түгел, камералар да күзәтә. Һәм шул камералар “эләктергән”нәргә закон бозуларын аңлаткан документ өйләренә җибәрелә. Беренче чорда камералар тизлекне генә тикшерсә, соңрак каршы полосаларга, кызыл утка чыгучыларны һ.б. кагыйдәләрне бозучыларны да “эләктерәчәк”.

Караулар (4888)

--- | Безнең гәҗит

02.07.2008 Җәмгыять

РУСИЯДӘ ҺӘР ЯҢА ТУГАН БАЛАГА БЕР АБОРТ
Русия – дөньяда иң күп аборт ясалган илләрнең берсе булып кала. Мәктәпләрдә җенси тәрбия бирелми, балага узудан саклану чаралары кыйбат. Моның белән демография яхшырамы? Саннар, әлбәттә, совет чоры белән чагыштырырлык түгел – элек һәр хатын-кыз үз гомерендә якынча 7 тапкыр бала төшергән булган. Әмма белгечләр фикеренчә, Русиядә күпчелек абортлар – балага уза алу турында алдан уйламау һәм бу өлкәдә белем җитмәү аркасында ясала.

Караулар (4403)

Алсу КОРМАШ | Безнең гәҗит

02.07.2008 Җәмгыять

ТЕГЕНДӘ ЯБЫЛА, МОНДА АЧЫЛА...
Букмекер конторалары. Уен автоматларыннан котылдык дигәндә генә, менә сиңа тагын бер афәт! Организмында азарт каны аккан кешене бернинди автоматларны тыю да, аппаратларны каядыр еракка җибәрү дә кирәк түгел, барыбер акча туздыру җаен табачак. Һәм моңа букмекер конторалары гына түгел, интернет-салон, казино кебек оешмалар да сәбәп булырга мөмкин.

Караулар (3423)

Алмаз ГАФИЯТОВ | Татарстан яшьләре

01.07.2008 Шоу-бизнес

"МУЗЫКАЛЬ ДЕСАНТ" БЫЕЛ ДА БУЛА
Җәйнең иң кызу июль һәм август айларында татар эстрадасының иң танылган йолдызлары Татарстан буенча сәяхәткә чыга. “Музыкаль десант” супертамашасы сезнең шәһәрдә! Июльнең 16 - Баулыда, 17 - Урыссуда, 18 - Бөгелмәдә, 19 - Лениногорскида, 20 - Азнакайда, 21 - Җәлилдә, 23 - Норлатта, 24 - Әлмәттә, августның икесендә - Кукмарада! 30 иң популяр йолдыз: Дилә Нигъмәтуллина, Салават Миңнеханов, Иркә, Ландыш, Илнар Сәйфиев, Мөнир Рахмаев, Раяз Фасихов, Шакур, “Эссе”, “Хомай”, Ленар Сәйфиев һәм башкалар. Өр-яңа эксклюзив программа. Ачык һавада! “Музыкаль десант”! Керү ирекле.

Караулар (4330)

--- | Барс-Медиа

01.07.2008 Матбугат

"АЛТЫН КАЛӘМ"НӘН ФОТОРЕПОРТАЖ
“Борис Полевой” теплоходы үз бортында янә яшь каләмчеләрне җыйды. Фестиваль инде унөченче тапкыр үткәрелә. Быел иң төп тематика да 2013 елгы Универсиадага һәм Гаилә елына багышланган иде. Өч көн дәвамында яшь журналистлар татар, рус телендәге газета-журнал басмалары, радио һәм видео продуктлар әзерләде. Өстәвенә, Тольятти һәм Самара шәһәрләрендә дә булырга өлгерделәр. Шунысын да әйтергә кирәк, әлеге фестивальдә Татарстан басмаларыннан тыш, Мәскәү журналистларының да катнашуы, “каләм”нең дәрәҗәсен тагын да үстерде дияргә була. Җиңүчеләргә килгәндә исә, Гран-при һәм шул ук вакытта журфакка керү хокукын Ксения Витовская белән Ләйсән Фәтхетдинова яулады. Котлыйбыз! Моннан тыш, күп кенә номинацияләрдә җиңгән укучыларга кыйммәтле бүләкләр һәм дипломнар тапшырылды. Иң мөһиме, ТР журналистлар берлеге рәисе Римма Ратникова әйтүенчә, бүләкләү тантанасыннан соң күз яшьләре җиңүчеләр күзеннән генә түгелгән.

Караулар (4831)

Алмаз ГАФИЯТОВ | Матбугат.ру

01.07.2008 Җәмгыять

"ТӨНГЕ КҮБӘЛӘКЛӘР" ҮРЧИ ТОРА, Ә БЕЗ ҺАМАН КҮЗ ЙОМАРГА МАТАШАБЫЗ
Гонорея белән авыручылар саны буенча Татарстанда Түбән Кама беренче урында. Мин килгәндә тире-венерология авырулары диспансеры поликлиникасы мөдире Лениза Гайнуллина бүлмәсендә яшь кенә бер кыз утыра иде. Алга таба без аны Оля дип атарбыз (язмада кызларның исемнәре үзгәртеп бирелә). Лениза Фәизовна паспорты да, полисы да булмаган бу кызны (бердәнбер документы – авыл җирлегеннән алынган белешмә) диспансер исәбенә дәвалаулары хакында сөйләде. Мәҗбүри медицина иминияте буенча эшләргә керешкән диспансерда бушлай дәвалану өчен хәзер полисың да, паспортың да булырга тиеш. Юк икән, акча түләргә кирәк. Бу диспансер җитәкчелеген борчуга төшерә, чөнки йогышлы авыру йоктыручыларны дәвалауга тарту әле болай да җиңел түгел. Ә түләү турында сүз кузгатсаң, борылып чыгып китүләрен һәм чир таратуларын дәвам итәселәрен көт тә тор. Шуңа да диспансер түләүле хезмәт күрсәтелә торган косметология һ.б. бүлекләр ачарга мәҗбүр булган. Шулардан кергән акчаны Оля шикелле паспортсыз, полиссыз авыруларны дәвалауга тоталар.

Караулар (3475)

Фирая МОРАТОВА | Ватаным Татарстан

30.06.2008 Җәмгыять

САБАНТУЙ... = ЗООПАРК
«Хатын-кызлар көрәше башланды!» – диде бер абзый янәшәсендәге дустына. Алар ыргылган якка мин дә юнәлдем. Мәйдан уртасында әзмәвердәй хатыннар бил алыша. Әлбәттә, кыланмышлары көрәшчеләргә охшамаган. Берсе сөлгене урап тоткан да икенчесен биленнән күтәрмәкче була, барып кына чыкмый. Тартышалар, йолкышалар, маңгайларыннан тир ага, юк кына бит, әүмәкләшә торгач, кычкыра-кычкыра бер-берсенең өстенә килеп төшәләр. «Көрәшә белми» дип туп-туры әйтүчеләр дә булды, ә шулай да икенче партиядә чыгучы хатын-кызлар барыбызны да гаҗәпләндерде, үз һөнәрләренең остасы икәнлеге әллә кайдан күренеп тора! Тамашачы барысына да сызгыра! Мәйданда утыручы халык, барлык күзәнәкләре белән бирелеп, хатын-кызлар көрәшен күзәтә. Билләһи, ир-атлар бил алышуын алай карамадылар. Әйе, син нәрсә, мондый «зрелищены» калдыралар димени? Ярый әле: «Әйдә, манчы, әйдә, кирәген бир» дип кычкырмыйлар.

Караулар (4132)

Айзат ШӘЙМӘРДӘНОВ | Безнең гәҗит

29.06.2008 Ир белән хатын

МЕТРОСЕКСУАЛ ИЛНАЗ КАДЫЙРОВ
Илназ белән телефоннан сөйләшкәндә ул: “Ике-өч сәгатьтән килеп җитәм, әле бизәнәсем бар”, – диде. Башка берәр егет бу сүзләрне әйтсә, шаярта дип уйлар идем, ә Илназ шаяртмый. Аңа чынлап та бизәнеп-ясанырга ике-өч сәгать вакыт кирәк.

Караулар (13925)

Руфия РӘХМӘТУЛЛИНА | Татарстан яшьләре

Язмалар