Матбугат.ру |

26.08.2008 Сәясәт

РОССИЯ ТӨРКИЯ МИСАЛЫН КАБАТЛЫЙ
Кичә Россия парламенты, Абхазия һәм Көньяк Осетиянең бәйсезлеген тануын сорап, Президентка мөрәҗәгать итте. Дәүләт Думасы да, Федерация Советы да бу документны бертавыштан кабул итте. Дмитрий Медведев әлеге үтенечкә уңай җавап биргән очракта, РФ гаскәрләре шушы республикаларда калу өчен законлы сәбәп табачак. Аларның мөстәкыйльлеген танырга ашыкмаса да, парламентның бу карары Көнбатыш илләренә басым ясау өчен бик уңайлы коралга әверелергә мөмкин.

Караулар (3285)

--- | Ватаным Татарстан

26.08.2008 Авыл

ҮРГӘГАР АВЫЛЫ БӘЙРӘМЕННӘН ФОТОРЕПОРТАЖ
Авылда Сабантуйлар күптән тәмам. Шулай да беркөнне әни шалтыратып: “Кызым, бездә Авыл бәйрәме була, синнән авыл тарихы буенча чыгыш көтәләр”, - диде. Бәйрәмнең нинди хөрмәттән икәнен генә аңламадым. Шулай да чыгышка материаллар әзерләп туган авылыма юл тоттым.

Караулар (3703)

Гөлчәчәк САФИУЛЛИНА | Матбугат.ру

25.08.2008 Шоу-бизнес

АЛМАЗ МИРГАЯЗОВ: “...ӨМЕТСЕЗ ЭШКӘ ТОТЫНМЫЙБЫЗ”
Арттыру да, мактау да түгел, ләкин Казанда “Татар радиосы” – иң популяры. Аны эш урынында, такси, машинада, хуҗабикәләр аш-су бүлмәсендә дә тыңлыйлар. Радио хезмәткәрләре сүзләре белән әйтсәң, ул – “фоновое” радио. Яшьләр дә үз итә аны. Алар кебек заманча технологияләр кулланып төрле чаралар, бәйрәм-концертлар оештыручылар юк диярлек. Рейтингы шактый зур радионың, шуңа да үз-үзен тәэмин итә ала. Иң беренчеләрдән булып алар интернет челтәрендә дә эшли башлап, төрле илләрдәге татарларны үзләренә җәлеп итте. Моңа кадәр төп конкурентлары “Яңа гасыр”дан аермалы буларак, “Татар радиосы” Казан кысалары белән чикләнде, хәзер исә алар эфир сигналларын Татарстанның башка шәһәр-районнарына да җиткерә башлады. Ләкин моңа карамастан, “Татар радиосы” эшчәнлегенә, аның алып баручыларына дәгъвалар, тәнкыйть сүзләре баштан ашкан. Радио директоры Алмаз Миргаязов безнең сорауларга җавап бирде.

Караулар (4462)

Римма БИКМӨХӘММӘТОВА | Ирек мәйданы

24.08.2008 Язмыш

«81НЧЕ ОНЫГЫМНЫ КӨТӘМ»
Йөзеннән сафлык, күңеленнән иман нуры бөркелгән Рәшидә абыстай Исхакый белән очрашып сөйләшкәч, гомер көзенә якынлашканда да яфракларын горур җилфердәтеп, төпкә тирән киткән тамырларында нык торучы юан кәүсәле, матурлыгы, тазалыгы белән әллә каян үзенә тартып торган илаһи агачка тиңләдем бу ак әбине. Гади үсемлеккә түгел, ә менә гомере буе кешеләрне бәрәкәтле җимешләре белән туендыручы, сихәтләндерүче, аларга рухи азык өләшүче хикмәтле агачны хәтерләтте көләч йөзле, җитез хәрәкәтле, җор телле өлкән мөслимә. Юкка гына абыстайларның иң асылы, иң тәҗрибәлесе саналмый икән адашым. Бәхет ачкычын иманлы булып яшәүдән, балаларын һәм шәкертләрен дөрес тәрбия кылудан тапкан бу мөхтәрәм шәхес гомере буе башкаларга да шушы хакыйкатьне аңлату, ялгыш юлга тайпылганнарны, адашканнарны туры юлга чыгаруда изге гамәлләр кылып яши. Ул Татарстан мөселманнары диния нәзарәте рәисе, мөфти Госман хәзрәт Исхакыйны тәрбияләп үстергән ана да.

Караулар (4673)

Рәшидә АХМИРОВА | Ирек мәйданы

23.08.2008 Шоу-бизнес

ҮЗӘК PARTY ҺӘМ CREATIVE STUDIO ТӘКЪДИМ ИТӘ!
28 август “Маяковский.Сары кофта” клубында доньякүләм танылган татар җырчысы, Австралиянең иң шәп альбом, иң шәп башкаручы, һәм башка премияләре иясе Зөлфия Камалова концерты!

Караулар (15634)

--- | Матбугат.ру

22.08.2008 Дин

ТӨМӘНГӘ НАМАЗ УКЫЙ ТОРГАН КӘЛӘШ КИРӘК
Соңгы араларда, мөслимәләрне, яулык япкан кызларны эшкә алмыйлар, дигән сүзләр үз арабызда, радио-телевидениедән дә еш ишетелә, матбугатта да язмалар күренә. 2 август санында басылган "Үги кыз, яки мөслимәләргә эшкә урнашуы җиңелме?" дигән язма инде күптән күңелемдә тупланып килгән күзәтүләремә, фикерләремә бер этәргеч булды. Тоталар да: "Мөслимәләрне эшкә алмыйлар", – диләр. Бу язмада да университет тәмамлаган Гөлназ туташ эш эзләп йөргән. Бер урында аңа: "Кеше куркытып йөрисез", – дигәннәр. Газетада мәкаләнең нәкъ уртасында чыннан да кеше куркыта торган мөслимәләрнең рәсемнәрен биргәннәр. Дөрестән дә, соңгы арада Казан урамнарында җирдән сөйрәтеп караңгы итәк, куфта (кофта түгел) кигән, караңгы төстәге яулык ябынып ияк астыннан булавка белән эләктереп куйган кызлар, янәсе мөслимәләр еш очрый.

Караулар (4512)

Фәния ХУҖӘХМӘТ | Ватаным Татарстан

22.08.2008 Ир белән хатын

ИКЕ ХАТЫН РӘХӘТЕ
Халыкта "кырыктан соң шырыкка" дигән әйтем бар. Татарстанның бер районында яшәүче 50 яшьлек Сәлим абыйның ике хатын белән торуын ишеткәч, әлеге әйтемнең кайберәүләргә бик үк туры килмәвен аңладым.

Караулар (5179)

Нәфис САФИУЛЛИН | Ватаным Татарстан

22.08.2008 Шоу-бизнес

САЛЛЫЛАНДЫҢ, САЛАВАТ!
Тә-әк: Чаллыга 1988 елда күчеп килгән, шул елны ук "стартка баскан" – сәхнәне яулый башлаган. 89да ул инде "Татарстан яшьләре" эстрада конкурсы лауреаты, шул ук елны – республика конкурсы лауреаты иде... Егерме ел үткән шул... Соңгы алты-җиде елда Салават чыраен күрмичә, ягъни аның концертларына йөрмичә генә яшәгән булсам да, быел барасы иттем. Администраторы Илсөяр ханым һәм сезонлы оештыручысы Инсаф якташыма рәхмәт: Камал театрының шыгрым тулы залында миңа бер урындык таптылар. Туйдырмаса да туйдырмый икән бу Салават халыкны! Быел тагын ниндирәк мөгез чыгарыр икән, дип кызыксынып киләдер тамашачы аңа һәр елны. Ә мөгезләрне чыгара белә инде ул!

Караулар (3953)

Зөләйха КЫДАШЕВА | Татарстан яшьләре

22.08.2008 Могҗиза

СУЛАГАЙЛАР ТУРЫНДА
Акыллы табигать кешеләрне ике өлешкә бүлгән. Халыкның 90 %тан артыгы көнкүрештә уң кулга өстенлек бирсә, калган 10 %ы – сулагай. Азчылыкка керүче өлеш гомере буе җайсызлык сизәргә мәҗбүр. Тормыш “уң куллы” бит. Язу һәм аш-су бүлмәсе әсбаплары, ишек тоткасы һәм йозаклар... – әле болар көнкүрештә киң кулланылышта булган җайланмаларның кайберләре генә. Шуңа 1992 елдан Бөекбританиянең сулагайлар клубы башлангычы буенча, 13 август – Бөтендөнья сулагайлар көне буларак билгеләп үтелә. Бу көнне сулагайлар җитештерүчеләрнең игътибарын үзләре кебекләр өчен җайлаштырылган товарлар чыгаруга юнәлтергә тели.

Караулар (5320)

Зифа ЯХОВА | Ирек мәйданы

21.08.2008 Дин

«ИФТАР-МАРАФОН» БАШЛАНА
Рамазан аенда “Шәрык” клубы кызыклы һәм саваплы акция оештырмакчы. Ул “Ифтар-марафон” дип атала. Әлеге чара кысаларында көн саен ифтар кичәләре үтәчәк. Һәр көн билгеле бер оешмага, матбугат чарасына, web-проектка яки танылган шәхескә йөкләнгән. Ифтар мәҗлесен үткәрү кыйммәткә төшми. Иң мөһиме – изге теләк. Кайсы көнне кемнәр табын җәясен түбәндәге исемлектән белерсез.

Караулар (5530)

--- | Матбугат.ру

21.08.2008 Бәйрәм

"ТАТАРСТАН – ЯҢА ГАСЫР" КАНАЛЫНА 6 ЯШЬ!
26 август көнне “Татарстан – Яңа Гасыр” каналы үзенең туган көнен билгеләп үтә. Татарның спутник аша бөтен җир шарына сөйләүче телевидениесына 6 ел тулып килә икән. Хезмәттәшләребезне чын күңелдән котлыйбыз! Һәм иҗади уңышлар телибез. Ә тамашачылар өчен әлеге тантаналы көн ничек үтәчәк? Әлеге язмада бәйрәм эфирының программасы.

Караулар (4353)

--- | ТНВ

19.08.2008 Җәмгыять

ТАТАР ХӘЙРИЯЧЕСЕ КАҺАРМАННАР ҺӘЙКӘЛЕН АЛЫШТЫРМЫЙ
1552 елда татар дәүләтчелеген саклап шәһит киткән ата-бабаларыбыз рухына, ниһаять, һәйкәл булачак. Инде һәйкәлнең макеты әзер. Конкурс комиссиясе Татарстан рәссамнар берлеге әгъзасы Нияз Хаҗиәхмәтов тәкъдим иткән проектны кабул иткән. Дөрес, әлегә бу һәйкәлнең төгәл урыны һәм кайчан куеласы мәгълүм түгел. Татар милли хәрәкәте күп тапкырлар мөрәҗәгатьләр белән чыкса да, һәйкәл урынында таш кына ята. Һәм дәһшәтле 1552нче елны искә төшергән октябрь аенда хәтер көнендә катнашучылар шул нигез ташы янында гына дога кыла. Шулай да һәйкәлнең макеты белән Кремль янында танышырга мөмкин.

Караулар (3574)

Илфат ФӘЙЗРАХМАНОВ | Безнең гәҗит

19.08.2008 Шоу-бизнес

БЕЗНЕҢ КЫЗЛАР КИЯҮ КҮРГӘНМЕНИ?
Бу бәхәскә кушылмам дип күпме генә тыелсам да, берьяклылык күпкә киткәнне күргәч, язмыйча кала алмадым. Чыннан да, артыккарак китте яшьләрне кыйнау. Миңа калса, кайберәүләр әллә чама хисен белмиләр, әллә махсус зыян салу өчен тырышалар. Кыскасы, иртәгә дөньяны үз кулларына алырга тиешле яшьләрнең берсенә булса да колак салып карагыз әле, хөрмәтле олыларыбыз!

Караулар (8817)

Гөлназ СӘФӘРОВА | Ватаным Татарстан

19.08.2008 Авто

МАШИНАҢНЫ САТА БАШЛАСАҢ, АВАРИЯГӘ ЮЛЫГЫРСЫҢ
Марат Мухин һәм Дилә Нигъмәтуллина. Берсе җырларны яза, икенчесе җырлый. Икесенә бер машина – “Опель Астра”. Рульне алар ничек бүлешә? Җырлы гаилә белән машиналары турында сөйләштек.

Караулар (4982)

Булат ЗАКИРОВ | Ирек мәйданы

18.08.2008 Җәмгыять

“ШӘРЫК”КА ПОП КИЛДЕ
“Шәрык” клубында татар-осетин дуслыгы һәм хәтер кичәсе узды. Кайгылы һәм четерекле тема. Осетиннар килә дигән хәбәрне ишетеп, Раифское подворье чиркәве побы да килгән. Игумен Филипп Сидоров – Казанда иң актив динчеләрнең берсе, телетапшыруларда муллалар белән еш кына бергә кунак булучы. Ул бу юлы “чын татар яшьләре” белән дә аралашырга теләгән.

Караулар (4137)

--- | Матбугат.ру

Язмалар