СӘЛИМҖАНОВ ХӘКИМ ЙОСЫФ УЛЫ

(1903–1981)

Орск шәһәрендә туган.

1926 елда Татар театр техникумын тәмамлый һәм гомере буе Татар академия театрында эшли. Артистлык хезмәтеннән тыш, спектакльләр куя, пьесалар тәрҗемә итә, әсәрләр сәхнәләштерә, «Нәфис сүз» һәм «Артист язмалары» дигән китаплар бастырып чыгара. Танылган актер һәм нәфис сүз остасы.

Яшь вакытта Сәлимҗанов төп социаль каһарманнарны уйный, соңрак үтә үзенчәлекле, тискәре образлар иҗат итә.

Аның рольләре: Павка — «Корыч ничек чыныкты» (Н.Островский), Исмәгыйль — «Галиябану» (М.Фәйзи), Яго — «Отелло» (В.Шекспир), Мирзахан — «Ташкыннар», Тимеркәй — «Бишбүләк», Әскәр — «Наемщик», Шәүкәт — «Таймасовлар» (Т.Гыйззәт), Пеклеванов — «Бронепоезд 14–69» (Вс.Иванов), Камали — «Бәхетсез егет» (Г.Камал), Боровский — «Диңгездәгеләр өчен» (Б.Лавренев), Галин — «Габбас Галин» (Ш.Камал), Даут — «Зөбәрҗәт» (Ф.Сәйфи-Казанлы), Гыйльманов — «Миңлекамал» (М.Әмир), Тимош — «Зәңгәр шәл», Зәйнетдин — «Җилкәнсезләр» (К.Тинчурин), Чичән — «Җирән чичән», Чураев — «Зифа» (Н.Исәнбәт), Лукин — «Варварлар» (М.Горький) һ.б.

ТАССРның хал. арт. — 1957 ел.