СӘЛӘХОВ РӘСИМҖАН САЛИХҖАН УЛЫ (РӘСИМ СӘЛӘХ)

1938 елның 10 маенда Башкортстанның Илеш районы Җәйләү авылында туа.

1961 елда В.Качалов исемендәге Зур драма театры каршындагы студияне тәмамлый. Гаскәри хезмәттән кайткач, 1965 елдан — Татар академия театрында.

Төрле үзенчәлектәге рольләрдә уйнаучы артист. Табигыйлеге, ихласлыгы белән аерылып тора.

Аның рольләре: Хаммат, Бики — «Хуҗа Насретдин», Качкинский — «Һиҗрәт» (Н.Исәнбәт), Рәдиф — «Җиргә тапшырылган серләр», Марат — «Эңгер-меңгер» (А.Гыйләҗев), Зөфәр — «Зөбәйдә — адәм баласы» (Ш.Хөсәенов), Наил — «Туй алдыннан» (Х.Вахит), Әсраф — «Кан кардәшләр» (Ю.Әминов), Витя — «Бер төн» (Б.Горбатов), Кузьма — «Авылдашлар, акча кирәк!» (В.Распутин), Ибраһим — «Казан сөлгесе» (К.Тинчурин), Баязит — «Улыбыз өйләнә, без аерылышабыз» (И.Юзеев), Калакай — «Бәхетсез егет» (Г.Камал), Савва — «Рәхәт яшибез» (М.Гыйләҗев), Хафиз — «Мирас» (Г.Каюм), Фәһим — «Хушыгыз», Юныс — «Шәҗәрә» (Т.Миңнуллин), Хәзрәт — «Зөләйха», Әхмәтсәгыйр — «Алдым-бирдем» (Г.Исхакый), Хәлим — «Карак» (3.Хәким), Тикшерүче — «Саташкан сандугач» (Р.Зәйдулла) һ.б.

ТАССРның хал. арт. — 1998 ел.