САФИН ЗАКИР ВАФА УЛЫ

(1905–1965)

Чистай өязе Яңа Әлмәт авылында туа.

1929 елда Татар театр техникумын тәмамлагач, Мәскәү татар театрында эшли башлый. Соңрак — Әстерхан татар театры сәхнәсендә. 1939–1953 елларда Сафин — Татар опера һәм балет театрында режиссер. 1953–1960 елларда — Татар академия театрында артист. 1960 елдан — Татарстан филармониясе режиссеры.

Аның Г.Камал театры сәхнәсендә уйнаган рольләре: Морат — «Рәйхан» (Н.Исәнбәт), Миллер — «Мәкер вә мәхәббәт» (Ф.Шиллер), Гарвасий — «Мартын Боруля» (И.Карпенко-Карый), Йосыпов — «Минем хатын» (М.Әмир), Кент — «Король Лир» (В.Шекспир) һ.б.

ТАССРның атказ. сәнг. эшл. — 1952 ел.