МИҢНУЛЛИН ТУФАН ГАБДУЛЛА УЛЫ

1935 елның 25 августында Кама Тамагы районы Олы Мәрәтхуҗа авылында туа.

1961 елда Мәскәүдә Щепкин исемендәге Югары театр училищесын тәмамлый һәм Минзәлә театрында эшли башлый. Берничә айдан ул Татар академия театрына күчерелә һәм анда 1964 елның көзенә кадәр эшли. 1964–1967 елларда — Казан телестудиясендә мөхәррир, «Чаян» журналында әдәби хезмәткәр эшендә. 1968 елдан Миңнуллин әдәби иҗат белән генә шөгыльләнә. Татар сәхнәсендә төп урын алып торган күренекле драматург.

Уйнаган рольләре: Рәмиев — «Тукай» (Ә.Фәйзи), Андрей — «Котырган акчалар» (А.Островский), Яшь ир — «Кайда соң син?» (X.Вахит), Хәйдәр — «Гөлҗамал» (Н.Исәнбәт), Бабай — «Азат» (Т.Миңнуллин).

Пьесалары: трилогия («Миләүшәнең туган көне», «Дуслар җыелган җирдә», «Хушыгыз!»), «Ир-егетләр», «Диләфрүзгә дүрт кияү», «Канкай углы Бәхтияр», «Ай булмаса, йолдыз бар», «Әлдермештән Әлмәндәр», «Адәм баласына ял кирәк», «Әниләр һәм бәбиләр», «Яшьлегем-юләрлегем», «Бәйләнчек», «Үзебез сайлаган язмыш», «Без китәбез, сез каласыз», «Монда тудык, монда үстек», «Вөҗдан газабы», «Илгизәр + Вера», «Кулъяулык», «Гөргөри кияүләре», «Җанкисәккәем», «Эзләдем, бәгърем, сине», «Шулай булды шул» һ.б.

Татарстанның Муса Җәлил исемендәге премиясе лауреаты — 1974 ел.
ТАССРның атказ. сәнг. эшл. — 1978 ел.
Татарстанның Г.Тукай исемендәге Дәүләт премиясе лауреаты — 1979 ел.
РСФСРның К.Станиславский исемендәге Дәүләт премиясе лауреаты — 1979 ел.
РСФСРның атказ. сәнг. эшл. — 1984 ел.