КАЗАНСКИЙ (ИБРАҺИМОВ) ГЫЙЛӘҖЕТДИН ИБРАҺИМ УЛЫ (ГЫЙЛӘҖ КАЗАНСКИЙ)

(1891–1938)

Хәзерге Арча районы Өчиле авылында туа. Актерлык хезмәтен Уфада 1908–1909 елларда башлый. Татар театрына нигез салучыларның берсе. 1912 елдан «Нур» труппасында эшли. Гражданнар сугышы вакытында фронт театр бригадаларында. Соңыннан, 1922–1930 елларда — Уфа, 1931–1934 елларда — Казан Академия театрында, 1935–1938 еллар Чистай, Минзәлә татар театрларында хезмәт итә.

Яшь чагында төп яшь герой рольләрен башкара, соңрак төрле характердагы образлар иҗат итә.

Аның рольләре: Закир — «Бәхетсез егет» (Г.Камал), Фердинанд, Вурм — «Мәкер вә мәхәббәт» (Ф.Шиллер), Таһир — «Таһир-Зөһрә» (Ф.Бурнаш), Заһит — «Кызганыч» (М.Фәйзи), Гали — «Яшь гомер» (Г.Коләхметов), Мулла — «Кем гаепле?» (Ф.Нурмави), Борис — «Яшенле яңгыр» (А.Островский), Сарвәтбәк — «Саран» (Мольер буенча), Козлов — «Мин-минлек корбаны» (Лысенко-Коныч), Жан Рено — «Хөкемдә хаталык» (А.Деннери), Сөләйман — «Яшә, Зөбәйдә, яшим мин» (С.Рәмиев) һ.б.