КАМСКАЯ (ИЛЬЯСОВА) ГӨЛСЕМ СӘЙФУЛЛА КЫЗЫ

(1901–1975)

Казан шәһәрендә туа.

1919 елда Казанда эшли башлый. 1922 елдан Камская — Татар академия театры артисткасы. 1927–1933 елларда ул Әстерхан һәм Мәскәү татар театрларында хезмәт итә. 1933 елда Казанга Татар академия театрына әйләнеп кайта һәм 1962 елга кадәр шунда эшли. Мөкәммәл образлар иҗат итүче, үзенә таләпчән, үзенчәлекле һәм бик тә талантлы актриса.

Аның рольләре: Мәгъри — «Бәхетсез егет», Нәгыймә — «Банкрот» (Г.Камал), Маһинур — «Миңлекамал», Галина — «Тормыш җыры» (М.Әмир), Гөлниса — «Ташкыннар» (Т.Гыйззәт), Хәдичә — «Зәңгәр шәл», Әсма — «Казан сөлгесе» (К.Тинчурин), Сахилә — «Хуҗа Насретдин», Кәләмзә — «Зифа», Прасковья — «Мәрьям» (Н.Исәнбәт), Пошлепкина — «Ревизор» (Н.Гоголь), Галчиха — «Гаепсездән гаеплеләр» (А.Островский), Притыкина — «Варварлар» (М.Горький), Фрау Руфф — «Профессор Мамлок» (Ф.Вольф), Нәсимә — «Хаҗи әфәнде өйләнә» (Ш.Камал), Сабира — «Татар хатыны ниләр күрми» (Г.Ибраһимов) һ.б.

ТАССРның хал. арт. — 1951 ел.
РСФСРның атказ. арт. — 1957 ел.