КАЛМЕТОВА НУРИЯ ГАРИФ КЫЗЫ

(1907–1984)

Кама Тамагы районы Олы Бортас авылында туа.

1928 елда Татар театр техникумын тәмамлый һәм Татар академия театрында эшли башлый. Тиздән Троицк татар театрына күчә. 1932–1933 елларда — Свердловскида Урал эшче театрында. Соңыннан Әстерхан, Казан эшче театрларында. 1938 елдан яңадан Татар академия театрында. 1950 елларның башыннан — Республика күчмә театры артисткасы.

Аның рольләре: Кимова — «Данлы чор» (Р.Ишморат), Кручинина — «Гаепсездән гаеплеләр» (А.Островский), Мегурская — «Альбина Мегурская» (Н.Шаповаленко), Вацлова — «Икенче фронт артында» (В.Собко), Хәмди — «Чаткылар» (Т.Гыйззәт), Газыймә — «Тормыш җыры» (М.Әмир), Казакъ хатыны — «Сүнмәс ялкын» (Б.Полевой), Секретарь — «Чит күләгә» (К.Симонов) һ.б.