ИЛЬЯСОВ ДЭЛЛЮС ГАЛИ УЛЫ

(1922–1981)

Әстерхан шәһәрендә туа. Ватан сугышында катнаша. 1949 елда Мәскәү театр институтын тәмамлый (ГИТИС) һәм Бөгелмә рус театрында эшли башлый, аннары — Татар яшьләр театрында, 1950 елдан — Татар академия театрында. Төрле үзенчәлектәге рольләр башкару остасы. Аның иҗатына йомшаклык хас.

Аның рольләре: Хәлил — «Галиябану» (М.Фәйзи), Хашим — «Ефәк сөзәнә» (А.Каххар), Сибгат — «Тын алан шаулый» (С.Кальметов), Родриго — «Отелло» (В.Шекспир), Фогель — «Тормыш яңадан башлана» (В.Собко), Бакый — «Ак калфак» (М.Фәйзи), Игорь — «Туган туфрак» (С.Шәкүров), Карт — «Ир-егетләр», Искәндәр — «Әлдермештән Әлмәндәр», Галим — «Диләфрүзгә дүрт кияү», Ханбик — «Канкай углы Бәхтияр» (Т.Миңнуллин), Низам — «Тирән тамырлар» (Г.Ибраһимов), Базиль — «Фигароның өйләнүе» (П.Бомарше), Актай — «Кол Гали» (Н.Фәттах), Камәретдин — «Ике килен-килендәш», Шәйхулла — «Талак, талак» (Х.Вахит), Иванкин — «Үзеңә хыянәт итсәң» (Д.Вәлиев), Рохас — «Канлы күләгәләр» (Г.Боровик), Самохвалов — «Ешрак елмаегыз!» (Э.Брагинский, Э.Рязанов) һ.б.

ТАССРның хал. арт. — 1974 ел.