ҖИҺАНШИН ФӘНИС РӘДИФ УЛЫ (ФӘНИС ҖИҺАНША)

1972 елның 1 июлендә Әтнә районы Күәм авылында туа.

1995 елда Казан сәнгать һәм культура институтын тәмамлагач, Татар академия театрына эшкә килә. Студент чагында Камал театры спектакльләрендә катнаша. Чын драматик артист, уйнаган образның эчке психологик кичерешләрен тирәнлек белән тамашачыга җиткерә ала. Аңа эчке йомшаклык хас.

Аның рольләре: Рим — «Җанкисәккәем», Артур — «Шәҗәрә» (Т.Миңнуллин), Сукыр патша — «Сукыр патша» (Н.Хикмәт), Тригорин — «Акчарлак» (А.Чехов), Освальд — «Өрәкләр» (Г.Ибсен), Гурман — «Урланган мәхәббәт» (И.Франко), Яңгура — «Җирән чичән һәм Карачәч сылу» (Н.Исәнбәт), Сакмарский — «Артист-шоу» (Г.Кариев, З.Хәким), Альфред — «Әни килде» (Ш.Хөсәенов), Алмаз — «Казан егетләре», Тәлгать — «Баскетболист» (М.Гыйләҗев), Кирам — «Кичер мине, әнкәй!» (Р.Батулла) һ.б.