ГАБДРАХМАНОВ ИЛДУС ИЛГИЗӘР УЛЫ (ИЛДУС ГАБДРАХМАН)

1967 елның 27 маенда Апас районы Апас авылында туа.

1988 елда Мәскәүдә Щепкин исемендәге Югары театр училищесын тәмамлый һәм 1990 елдан, армиядә хезмәт иткәннән соң, Татар академия театрына кабул ителә. Романтик пландагы, искиткеч пластикага ия яшь артист.

Аның рольләре: Тукай — «Казан егетләре», «Тагын Казан егетләре» (М.Гыйләҗев), Сильвио — «Ике хуҗаның хезмәтчесе» (К.Гольдони), Ромео — «Ромео һәм Джульетта» (В.Шекспир), Илгизәр — «Илгизәр + Вера», Алмаз — «Шулай булды шул» (Т.Миңнуллин), Альдемаро — «Биюче» (Лопе де Вега), Җәүдәт — «Һинд кызы» (Г.Каюм), Баханур — «Мәхәббәт карагы» (Ф.Бүләков), Микуш — «Гөргөри кияүләре» (Т.Миңнуллин), Атиллио — «Гаугалы гаилә» (Эд.де Филиппо), Фәридун — «Баскетболист» (М.Гыйләҗев), Әсән — «Арзы кызы» (М.Тарухан) һ.б.

ТРның атказ. арт. — 2003 ел.