БУЛАТОВА ГАЛИЯ ФАТЫЙХ КЫЗЫ

(1906–1985)

Әлки районы Әлки авылында туа.

1926 елда Татар театр техникумын тәмамлый һәм берничә ел Казан, Мәскәү, Әстерхан татар театрларында эшли. 1929–1930 елгы сезонда бөтенләйгә Татар академия театрына күчә. Танылган атаклы актриса төп рольләрне башкара һәм психологик драмаларда зур уңыш казана.

Аның рольләре: Миләүшә — «Кыю кызлар», Мөршидә — «Ташкыннар» (Т.Гыйззәт), Шәмсекамәр — «Шәмсекамәр» (М.Әблиев), Айхан — «Мәйсәрә» (Хәмзә), Инга — «Профессор Мамлок» (Ф.Вольф), Грета — «Тормыш яңадан башлана» (В.Собко), Мәфтуха — «Яшь йөрәкләр» (Ф.Бурнаш), Глафира — «Бүреләр һәм сарыклар», Кручинина — «Гаепсездән гаеплеләр», Варвара — «Яшенле яңгыр» (А.Островский), Люба — «Соңгылар» (М.Горький), Регана — «Король Лир», Эмилия — «Отелло» (В.Шекспир), Миңлекамал — «Миңлекамал» (М.Әмир), Н.Исәнбәт пьесаларында — Гүзәл, Рәйхан, Зифа; Горелова — «Диңгездәгеләр өчен» (Б.Лавренев), Камәрия — «Бертуган Таһировлар» (Ф.Хөсни) һ.б.

РСФСРның хал. арт. — 1957 ел.