БАЙКИНА САРА НӘБИ КЫЗЫ

(1895–1972)

Әстерхан шәһәрендә дөньяга килә. 1912 елда Әстерхан татар труппасында эшли башлый. 1913 елда ике сезонга «Сәйяр» труппасына күчә. Революциядән соң Әстерхан, Баку татар театрларында, 1920 елда һәм 1928–1929 ел сезонында Татар академия театрында хезмәт итә. 1930 елларның икенче яртысында Симферопольдә Кырым татар театры сәхнәсендә эшли һәм 1944 елда Кырым татарлары белән бергә Үзбәкстанның Әндиҗан шәһәренә сөргенгә җибәрелә.

1944 елның ахырыннан 1956 елга кадәр Әндиҗан үзбәк театрында эшли. Танылган актриса. Ул яшь, лирик пландагы образлар иҗат итә.

Аның рольләре: Галиябану — «Галиябану» (М.Фәйзи), Гөлчәһрә — «Аршин мал алан» (У.Хаҗибәков), Луиза — «Мәкер вә мәхәббәт» (Ф.Шиллер), Мәйсәрә — «Зәңгәр шәл» (К.Тинчурин), Варвара — «Яшенле яңгыр» (А.Островский), Шәфика — «Кызганыч бала» (Н.Кәмал), Юлия — «Шәфкать туташы» (М.Кирьякова), Сара — «Яшьләр» (Ф.Әмирхан) һ.б.

РСФСРның атказ. арт. — 1940 ел.