БАРИЕВ РАДИК ЗӨФӘР УЛЫ (РАДИК БАРЫЙ)

1970 елның 30 июнендә Казан шәһәрендә туа.

1995 елда Казан сәнгать һәм культура институтын тәмамлап, Татар академия театрында эшли башлый.

Студент елларында Камал театры спектакльләренең күмәк сәхнә күренешләрендә катнаша. Ул эчтәлеге буенча төгәл, форма ягыннан җиренә җиткереп эшләнгән акыллы характерлар иҗат итә. Искиткеч пластикага ия.

Аның рольләре: Абрам, Паж — «Ромео һәм Джульетта» (В.Шекспир), Вандалино — «Биюче» (Лопе де Вега), Поль — «Тол ханымда тукталыш» (Э.Лабиш), Шурик — «Җанкисәккәем» (Т.Миңнуллин), Чал карт, Дәрвиш — «Сукыр патша» (Н.Хикмәт), Дорн — «Акчарлак» (А.Чехов), Хан — «Җирән чичән һәм Карачәч сылу» (Н.Исәнбәт), Җирән — «Мәхәббәт хатирәсе» (Ф.Бүләков), Фирдәвес — «Казан егетләре» (М.Гыйләҗев), Роберто — «Гаугалы гаилә» (Эд. де Филиппо), Фәридун — «Баскетболист» (М.Гыйләҗев), Көтүче — «Кара чикмән» (Г.Хугаев), Ильяс — «Казан сөлгесе» (К.Тинчурин) һ.б.