БАҺМАНОВ ИРЕК ВӘЛИ УЛЫ (ИРЕК БАҺМАН)

1932 елның 6 январенда Әлмәт шәһәрендә туа.

1951–1954 елларда — Төньяк флоты диңгезчесе, 1961 елда В.Качалов исемендәге Зур драма театры каршындагы студияне тәмамлый һәм Республика күчмә театрында эшли башлый. 1964 елдан Баһманов — Татар академия театрында. Үзенчәлекле образлар иҗат итүче танылган артист. Ул иҗат иткән кешеләр тыйнак, алар бөтенесе диярлек фикер иясе, зыялылар.

Аның рольләре: Фәйзулла — «Яшь йөрәкләр» (Ф.Бурнаш), Әлибәк, Җантай — «Гүзәлем Әсәл», Гатбаев — «Ахырзаман» (Ч.Айтматов), Каюм — «Шамил Усманов» (А.Гыйләҗев, А.Яхин), Мишка — «Зәңгәр шәл», Мөәзин — «Казан сөлгесе» (К.Тинчурин), Новожилов — «Бер төн» (Б.Горбатов), Инсаф — «Әни килде» (Ш.Хөсәенов), Рисположенский — «Агай-эне ак мыек» (А.Островский), Хименес — «Канлы күләгәләр» (Г.Боровик), Мостаев — «Канкай углы Бәхтияр», Искәндәр — «Әлдермештән Әлмәндәр», Саттар — «Монда тудык, монда үстек», Бариев — «Вөҗдан газабы», Фәһим — «Дуслар җыелган җирдә», Рафис — «Хушыгыз!», Алексей — «Илгизәр + Вера» (Т.Миңнуллин), Шәйхерази — «Өч аршын җир», Марат — «Эңгер-меңгер» (А.Гыйләҗев), Сәгыйть — «Бәхетсез егет» (Г.Камал), Ахун — «Хуҗа Насретдин» (Н.Исәнбәт), Валера — «Мирас» (Г.Каюм), Василий Павлович — «Боз астында дулкын» (Ә.-Т.Рахманкулов), Аксәет — «Идегәй» (Ю.Сафиуллин) һ.б.

ТАССРның хал. арт. — 1982 ел.